ÉXODO 2:24 - Biblia Guarani Tumpa Iñee

²⁴ Tumpa oendu jae reta güɨroäse yeokuaiasɨ katu vae, jare imaendúa morogüɨrökuavee päve oyapo Abraham, Isaac jare Jacob ndive vae re.

ÉXODO 2:24 ပူးပေါင်းရင်းမြစ်များ

GÉNESIS 15:13

Jayave yandeYa jei Abram pe: —Añetete, neñemuña reta yogüɨrekota ɨvɨ ambuae pe, joko pe yogüɨreko retata tembiokuai oyeguagüe rami, jare oiporara retata cuatrociento año rupi.

GÉNESIS 16:11

Añave ndepurúa reï, oata jókuae nemembɨ jare rembojeeta Ismael. Echa yandeYa oendu ndepɨatɨtɨ.

GÉNESIS 17:7

Añonota kuae morogüɨrökuavee päve yandeyeupe, jare nderaɨ reta pe, jare opaete nderaɨ iñemuña reta peguarä vi jekuae avei pegua, aiko vaerä neTumparä.

GÉNESIS 18:18

echa chugüi oñemuñata tëtaguasu imbaepuere yaeta vae. Jare jese vi opaete tëtaguasu reta ɨvɨ rupigua oyekouta.

GÉNESIS 22:16

jei chupe: —YandeYa jei körai: “Cheyé aeño arökuavee ndeve reyapo kuaekuae ramo, jare mbaetɨ reipoɨu remee nderaɨ jaeño vae cheve;

GÉNESIS 26:2

Joko pe yandeYa oyekuaa jare jei chupe: “Agüɨye ekua Egipto pe, epɨta eiko che jaeta ndevea pe,

GÉNESIS 26:24

Jókuae pɨ̈tu yandeYa oyekuaa chupe, jare jei: “Che ko jae nderu Abraham iTumpa. Agüɨye ekɨɨye, echa che aï nde ndive, cherembiokuai Abraham jeko pegua cheporerekuata nderé, jare ambojetata neñemuña reta.”

GÉNESIS 26:3

eiko oguataiño vae rami kuae ɨvɨ pe, che aïta nde ndive, cheporerekuata nderé, echa ndeve jare neñemuña reta pe ameeta opaete kuae ɨvɨ. Jökorai amoañeteta ñererökuavee ayapo nderu Abraham ndive vae.

GÉNESIS 32:28

Jare jókuae kuimbae jei chupe: —Ngaraa ye ma nderee Jacob. Ndembojee retata Israel; echa reñoïraro ko Tumpa ndive jare kuimbae reta ndive, jare reporomoamɨri.

GÉNESIS 35:11

Tumpa jei vi chupe: “Che jae ko Tumpa imbaepuere yae vae; ekuakuaa jare eñemuña jeta. Ndegüi jeta oëta tëtaguasu reta jare tëta reta, jare neñemuña reta güi oëta mburuvicha guasu reta.

GÉNESIS 35:12

Ɨvɨ amee Abraham pe jare Isaac pe vae, amee vi ndeve, jare nderaɨkue rupi ameeta neñemuña reta pe.”

GÉNESIS 8:1

Jare Tumpa imaendúa Noé re, jare opaete mbaemɨmba reta jae ndive ñogüɨnoi arca pe vae re. Jare Tumpa ombou ɨvɨtu ɨvɨ iárambo, jare ɨ omboɨpɨ jagüe.

2 REYES 13:23

Ërei ngatu yandeYa güɨnoi mboroparareko ikotɨ reta, jare morogüɨrökuavee päve oyapo Abraham, Isaac, jare Jacob ndive jeko pegua mbaetɨ omokañɨtei jare mbaetɨ omombo iyeugüi; jökorai añave rupi mbaetɨ omokañɨtei.

SALMOS 102:2

Agüɨye chereeya chepɨatɨtɨ aï yave, emboɨke ndeapɨsa chekotɨ; ¡jarembae voi emboyevɨ cheve roenɨi yave!

SALMOS 102:20

oendu vaerä tembipɨɨrɨru pe jäse ñogüɨnoi vae reta, oyora vaerä omano vaerä ma ñogüɨnoi vae reta;

SALMOS 105:42

Echa imaendúa ñererökuavee ikɨambae oyapo jembiokuai Abraham pe vae re.

SALMOS 106:45

imaendúa morogüɨrökuavee päve oyapo jae reta ndive vae re, jare oipoepɨ iyemongeta, iporoparareko yae jeko pegua.

SALMOS 138:3

Roenɨi yave, nde reendu cheve, jare chemopɨ̈rata.

SALMOS 22:24

Echa jae mbaetɨ güɨröɨro ani omaeiño paravete vae reta oiporara vae re. Mbaetɨ oñemi chugüi reta, ¡jae oendu chupe reta, oeka reta iporomborɨ yave!

SALMOS 22:5

Osapúkai reta ndeve yave reyora, oyeko reta nderé jare mbaetɨ oñemomaraiuka reta.

SALMOS 79:11

Eyeapɨsaka tembipɨɨ reta jäse re, eroasayepe ndembaepuere pe oyeyukauka vaerä etei ma ñogüɨnoi vae.

ÉXODO 6:5

Jökoraiño vi, aendu Israel iñemuña reta jäse vae, Egiptoɨgua reta omombaravɨkɨ vae reta, jare chemaendúa cheporogüɨrökuavee päve re.

NÚMEROS 20:16

Jare rosapúkai yandeYa pe, jare jae oendu oreyerure, ombou metei araɨgua orerenoe Egipto güi. Añave, ko ma roï Cades pe, tëta köi oï ndeɨvɨ jembeɨ güi vae pe.

Hechos 7:34

Che añetete aecha kërai oiporara chembae vae reta Egipto pe, jare aendu iyaeo. Jáeramo agüeyɨ ayora vaerä. Añave eyu toromondo Egipto pe.”

JUECES 2:18

YandeYa omopüa yave mburuvicha, jae oï jókuae mburuvicha ndive, jare jae oepɨ Israel iñemuña reta jovaicho reta güi opaete ara oikove oiko ramboeve jókuae mburuvicha. YandeYa oiparareko omae jese reta, echa omoäse jovaicho reta oiporarauka chupe vae jare ombopɨatɨtɨ vae.

1 SAMUEL 9:16

“Pɨareve koyave etei, che ambouta ndépɨri metei kunumi Benjamín iñenuña reta iɨvɨ kotɨ güi, jae reiparavota Israel iñemuña reta pe mburuvicharä jae oepɨta chembae vae, filisteo reta ipo güi; echa aiparareko amae jese reta, jäse aendu jeko pegua.”