ÉXODO 19:4 - Biblia Guarani Tumpa Iñee

⁴ “Pe reta peecha kërai ayapo Egiptoɨgua reta vae, jare peikuaa kërai pogüeru chekotɨ güɨraké ipepo re rami.

ÉXODO 19:4 ပူးပေါင်းရင်းမြစ်များ

ISAÍAS 40:31

ërei yandeYa reño oyeko vae reta ipɨ̈rata pɨau aveita; oveve retata güɨraké rami; osɨi retata jare ngaraa ikangɨ, oguata retata jare ngaraa ikangɨ reta.

ISAÍAS 63:9

opaete mbɨatɨtɨ rupi yogüɨreko vae güi. Jae etei ko ou güɨroasayepe reta; jae ko oepɨ reta iporoaɨu rupi jare iporoparareko rupi, jare güeru reta jare omopüa reta jekuae avei pegua.

OSEAS 11:1

Tëta Israel michi vɨteri yave, che aɨu; jare Egipto güi aru ye cheraɨ.

HAGEO 2:5

Añererökuavee peve rami, Egipto güi peë yave, jökorai cheEspíritu oïta pe ndive, agüɨye pekɨɨye.

MALAQUÍAS 2:10

¿Meteiñoä pa ko yandeRu? ¿Meteiñoä pa ko Tumpa yandeapoa? ¿Maera pa jayave mbaetɨ yaiko kavi oyoupii, jare yamboeteä Tumpa oyapo morogüɨrökuavee päve ñaneñemuñagüe reta ndive vae?

DEUTERONOMIO 1:30

YandeYa Tumpa ko ojota perenonde, jae oñorarota peré, peecha Egipto pe oyapo rami.

DEUTERONOMIO 1:31

Kuimbae oipoko taɨ güɨroata rami, peecha yandeYa Tumpa pereroata ñuu rupi opaete peguataa rupi, peyu regua peväe kuae pe.’

DEUTERONOMIO 29:1

Kuae jae ko ñee reta morogüɨrökuavee päve pegua, yandeYa oyókuai Moisés oyapo vaerä Israel iñemuña reta ndive ɨvɨ Moab pe vae, jókuae morogüɨrökuavee päve oyapo Horeb pe vae oime güire.

DEUTERONOMIO 29:2

Moisés omboatɨ opaete Israel iñemuña reta, jare jei chupe reta: “Pe reta peecha ko opaete mbaembae yandeYa oyapo perovake ɨvɨ Egipto pe vae, Faraón pe, jembiokuai reta pe, jare opaete iɨvɨ pe vae,

DEUTERONOMIO 4:9

Jáeramo, peyeandu jare perekove peroyeandu agüɨye vaerä peakañɨ opaete mbaembae pe etei peecha vae güi, agüɨye pepɨa güi tokañɨ opaete perekove rupi; pemboe avei peraɨ reta jare perɨmɨmino reta.

JOSUÉ 23:3

Jare pe reta peecha opaete kërai yandeYa Tumpa omoamɨri peve opaete kuae tëtaguasu reta vae; echa yandeYa Tumpa ko oñeraro perekovia pe.

Apocalipsis 12:14

Ërei oñemee kuña pe mókoi güɨraké tuicha vae ipepo, ipuere vaerä oveve ñuu kotɨ mboi güi. Jare joko pe omongaru retata kuña mboapɨ año y medio.