ÉXODO 19:24 - Biblia Guarani Tumpa Iñee

²⁴ Ërei yandeYa jei chupe: —Egüeyɨ ekua, jare eyeupi ye eyu Aarón ndive; ërei sacerdote reta jare Israel iñemuña reta agüɨye toasa oyembojaanga oï vae, oyeupi reta vaerä che aïa pe; agüɨye vaerä maratu ayapo reta.

ÉXODO 19:24 ပူးပေါင်းရင်းမြစ်များ

1 CRÓNICAS 13:9

Ërei yogüeru oväe Quidón ombaembopiriría pe yave, Uza ipóyai oyoko vaerä Tumpa ikäjou, echa güeye reta ipɨ̈sa-yeyuka.

ÉXODO 19:12

Embojaanga eñono chupe reta ɨvɨtɨ iyɨ́vɨri rupi, rere reve chupe reta: Peyeandu, agüɨye peyeupi ɨvɨtɨ re, jare agüɨye ave peya yepe jókuae oñejäa oï vae re, oipotagüe oasa yave jókuae, tomano.

ÉXODO 19:25

Jayave Moisés ogüeyɨ jare jei jökorai Israel iñemuña reta pe.

ÉXODO 24:1

YandeYa jei Moisés pe: —Peyeupi che aïa pe, nde jare Aarón, Nadab, Abiú jare setenta Israel iñemuña itenondegua reta; jare chemboete mombɨrɨ güiño.

ÉXODO 24:9

Jare oyeupi Moisés, Aarón, Nadab, Abiú jare setenta Israel iñemuña itenondegua reta;

LEVÍTICO 10:3

Jayave Moisés jei Aarón pe: —Körai voi ko yandeYa jei: “Chekotɨ yogüeru vae pe aechaukata che ko jae iyoambae, jare Israel iñemuña reta jóvai ayemboeteukata.” Jare Aarón kïrii opɨta.

San Mateo 11:12

Juan oporombobautisa vae omboɨpɨ güive añave regua Tumpa iporookuaía oiporara, jare opaete mbaepuere güɨnoi vae reta oipota omokañɨ kuae mborookuaía.

San Lucas 13:24

—Peñemomɨ̈rata peike vaerä öke ipɨmii vae rupi. Echa che jae peve, jeta vae oipota tëita oike, ërei ngaraa ipuere.

San Lucas 16:16

Ndei Juan ou mbove, oñemoërakua yandeve yayapo vaerä mborookuai jare ñeemombeúa reta jei vae rupi. Ërei Juan omboɨpɨ omoërakua ñee ikavi vae Tumpa iporookuaía regua, jare opaete vae oipota yae oike Tumpa iporookuaía pe.

San Juan 1:17

Moisés rupi oñemee mborookuai. Ërei Jesucristo rupi ou, Tumpa ipɨakavi jare añete vae.

Romanos 4:15

Echa mborookuai rupi oime arasɨ; ërei mbaetɨ mborookuaía pe, mbaetɨ vi kia oyavɨ.

Gálatas 3:19

Jayave ¿mbaerä pa ikavi mborookuai? Omoïru vi ko mbaeyoa reta jeko pegua, ou regua jókuae Abraham iñemuña Tumpa güɨrökuavee vae. Jókuae mborookuai oñemee ñee imboasaa Moisés pe araɨgua reta rupi.

Gálatas 3:22

Tumpa Iñee pe jei rami, opaete vae iyoa vae ko, ërei oñemeeta Jesucristo re güɨrovia vae reta pe, Tumpa güɨrökuavee vae.

Hebreos 12:29

echa ñaneTumpa ko tata opaetei oapɨ mbae oeya vae rami vae.

Hebreos 4:16

Jáeramo, yayemboya yaipoɨumbae reve ipɨakavi yae vae iguapɨa re, jae yandeparareko vaerä jare ipɨakavi rupi yandemborɨ vaerä yaiporara yave.