ÉXODO 19:22 - Biblia Guarani Tumpa Iñee

²² Jaeramiño vi sacerdote reta oya chekotɨ vae toñeñono tee, agüɨye vaerä maratu ayapo reta.

ÉXODO 19:22 ပူးပေါင်းရင်းမြစ်များ

1 CRÓNICAS 15:13

echa tenonde yave mbaetɨ jökorai peyapo ramo yandeYa Tumpa güeru mano amogüe re, echa mbaetɨ yaparandu chupe këraita ko oyeapo vae re.”

2 CRÓNICAS 30:15

Javoi oyuka reta vecha kuimbae taɨrusu vae Pascua pegua, mokoía yasɨ re catorce araa pe. Sacerdote reta jare levita reta imara yae reve oñeñono tee reta Tumpa pe, jare güɨraja reta yandeYa jo pe mɨmba reta oyeyuka opaetei oyeapɨ vaerä vae.

2 CRÓNICAS 30:3

echa mbaetɨ ipuere oyapo reta Pascua jókuae yasɨ, mbaetɨ oupitɨ sacerdote reta oñeñono tee Tumpa pe vae jeko pegua, jare Israel iñemuña reta ave mbaetɨ vi oyomboatɨ Jerusalén pe.

ÉXODO 19:24

Ërei yandeYa jei chupe: —Egüeyɨ ekua, jare eyeupi ye eyu Aarón ndive; ërei sacerdote reta jare Israel iñemuña reta agüɨye toasa oyembojaanga oï vae, oyeupi reta vaerä che aïa pe; agüɨye vaerä maratu ayapo reta.

ÉXODO 19:5

Añave, peyeapɨsaka yave cheñee re jare peñovatu yave cheporogüɨrökuavee päve, peikota chembaerä mbae jepɨ yae vae rami opaete ïru tëta reta güi, echa chembae ko opaete ɨvɨ.

ÉXODO 24:5

Omondo Israel iñemuña reta güi, taɨrusu vae reta omee vaerä yandeYa pe mɨmba reta oyeyukagüe opaetei oyeapɨ vae jare toro taɨrusu vae reta, mɨmba oyeyukagüe mbɨakatu pegua.

ISAÍAS 52:11

¡Pesɨrɨ, pesɨrɨ, peë jókuae Babilonia güi, agüɨye peyavɨkɨ mbae ikɨa Tumpa jóvai vae, peë joko güi; peyetɨo yandeYa jembiporu jerajaa reta!

LEVÍTICO 21:6

iyoambae toyogüɨreko Tumpa pe, agüɨye tomongɨa reta Tumpa jee, echa mbota oyeapɨ oñemee cheve vae jare mbɨyape Tumpa pegua jae reta ko omee, jáeramo iyoambae toyogüɨreko.

NÚMEROS 11:18

Ërei opaete vae pe rereta: Peñeñono tee pɨareve peguarä, jare peuta soo; echa peyaeo reta oendu yandeYa, jare pere: “¡Kia mona omee soo yau! ¡Añetete Egipto pe ikavi yae ko yaiko tëi!” Jayave che ameeta peve soo jare peuta.

Hechos 5:10

Jare jupiveiño Safira omano oa Pedro jóvai. Jare oike ma yave kuimbae taɨrusu vae reta, oecha omano ma. Jayave güɨraja oñotɨ ime amɨri iyɨpɨ pe.

Hechos 5:5

Ananías kuae oendu yave, omano oa ɨvɨ re. Jare opaete kuae regua oikuaa vae reta okɨɨye yae.