ÉXODO 19:21 - Biblia Guarani Tumpa Iñee

²¹ YandeYa jei Moisés pe: —Egüeyɨ ekua ere Israel iñemuña reta pe, agüɨye toasa reta jókuae oyembojaanga oï vae chereecha reta vaerä, echa jeta yae ko omanota chugüi reta.

ÉXODO 19:21 ပူးပေါင်းရင်းမြစ်များ

ÉXODO 3:3

Jayave Moisés jei: “¡Taja tamae, jare taecha kuae mɨakañɨ guasu oyekuaa vae, maera ra mbaetɨ ókai kuae yai!”

ÉXODO 3:5

Jare jei chupe: —Agüɨye eya kuae kotɨ; eekɨ ndepɨapaa ndepɨ güi, echa kuae ɨvɨ reï pɨpe vae, ɨvɨ oñeñono tee vae ko.

ÉXODO 33:20

Ngaraa ndepuere reecha cherova, echa ngaraa metei kuimbae chereecha yave oikoveño.

ECLESIASTÉS 5:1

Reo Tumpa jo pe yave, eyeandu reve eiko: Eya katu reyeapɨsaka vaerä, agüɨye eya mɨmba oyeyukagüe remee vaeräño, jókuae kuimbae reta yarakuaambae omee rami, echa mbaetɨ oikuaa reta ikavimbae ko oyapo ñogüɨnoi vae.

NÚMEROS 4:15

Jare Aarón jare taɨ reta opa güire oñono kavi o mbaemboetea oyereraja vaerä jare opaete ïru tembiporu reta yave, jaema oguata retata yave, toyogüeru Coat iñemuña reta, güɨraja reta vaerä. Ërei agüɨye toyavɨkɨ reta mbae oñeñono tee Tumpa peguarä vae, agüɨye vaerä omano reta. Opaete kuae mbaembae tupao guakapi pegua jae Coat iñemuña reta ivoɨtarä.

NÚMEROS 4:18

“Agüɨye pemaeño topa tokañɨtei Coat iñemuña reta jëtara reta Leví iñemuña reta ipɨte güi.

NÚMEROS 4:19

Oikoveño reta vaerä oyavɨkɨ yave mbaembae oñeñono tee kavi yae vae; kuae peyapo jae reta ndive: Aarón jare taɨ reta toyogüeru tomee metei ñavo pe iparavɨkɨ ae jare ivoɨta aerä.

NÚMEROS 4:20

Agüɨye toike reta tomae peñova peï yave mbaembae oñeñono tee vae re, agüɨye vaerä omano reta.”

DEUTERONOMIO 5:5

Jayave che aï yandeYa jare pe reta pepäu pe, amombeu vaerä yandeYa iñee reta, echa pe reta pekɨɨye tata güi, jare mbaetɨ peyeupi ɨvɨtɨ re. Jayave yandeYa jei:

1 SAMUEL 6:19

Jayave yandeYa oyuka jókuae kuimbae reta Bet-semes pegua reta, echa omae reta yandeYa ikäjou japɨpe re, omano reta chugüi setenta kuimbae. Jare täta oyaeo reta, echa yandeYa jeta oyukaɨvɨ.