ÉXODO 18:25 - Biblia Guarani Tumpa Iñee

²⁵ Moisés oiparavo kuimbae oikatuta tëta güɨroata vae reta Israel iñemuña reta güi, jare oñono opaete vae juvicharä, mil kuimbae vae reta re, cien, cincuenta jare payandepo kuimbae reta re.

ÉXODO 18:25 ပူးပေါင်းရင်းမြစ်များ

GÉNESIS 47:6

Ɨvɨ Egipto ndepo pe ko oï; ɨvɨ Gosén emee nderu pe jare nderɨkeɨ reta pe yogüɨreko vaerä pɨpe, jare chugüi reta maangarekoa ikavi vae, peñono cherɨmba iyangarekoa itenondeguarä.

2 SAMUEL 18:1

David omae jare oipapa kavi jupiegua reta, jare oñono mburuvicha, mil vae reta re jare cien vae reta re.

ÉXODO 18:21

Jare eiparavo opaete vae güi, kuimbae oikatuta tëta güɨroata vae, Tumpa güi oipoɨu vae, kuimbae jupi vae, imbaepotaraimbae; jare eñono mil vae reta juvicharä, cien, cincuenta jare payandepo kuimbae reta juvicharä.

ÉXODO 18:24

Jare Moisés oendu jovaya jei chupe vae, oyapo opaete jei chupe rami:

NÚMEROS 1:16

Kuae reta ko oyeparavo Israel iñemuña reta ipɨte güi, ñemuña ñavo güi tenondeguarä yogüɨreko vae.

NÚMEROS 1:4

ñemuña ñavo güi toñogüɨnoi pe ndive metei kuimbae, jëtara reta ipɨte pe tenondegua vae.

NÚMEROS 11:16

Jayave yandeYa jei Moisés pe: —Emboatɨ cheve setenta kuimbae, Israel iñemuña reta itenondegua, nde reikuaa tenondegua reta ko tëta pe vae, mburuvicha reta; jare eru reta tupao guakapi pegua jöke pe, tacheräro reta joko pe nde ndive.

Hechos 6:5

Kuae jaekavi jeta vae reta pe, jare oiparavo reta Esteban jae ko kuimbae iporogüɨrovia kavi jare tɨnɨe Espíritu Santo pe vae, Felipe, Prócoro, Nicanor, Timón, Parmenas jare Nicolás tëta guasu Antioquía pegua judiorä oyeapo vae.

DEUTERONOMIO 1:15

Jayave aipɨɨ ñemuña ñavo güi kuimbae yarakuaa katu vae, jare jäta ngatu vae, añono petenondeguarä, amogüe mil vae re, ïru cien vae re, cincuenta vae re jare payandepo vae re, jare amogüe reta ñemuña ñavo re.