ÉXODO 18:21 - Biblia Guarani Tumpa Iñee

²¹ Jare eiparavo opaete vae güi, kuimbae oikatuta tëta güɨroata vae, Tumpa güi oipoɨu vae, kuimbae jupi vae, imbaepotaraimbae; jare eñono mil vae reta juvicharä, cien, cincuenta jare payandepo kuimbae reta juvicharä.

ÉXODO 18:21 ပူးပေါင်းရင်းမြစ်များ

GÉNESIS 22:12

Jei chupe: —¡Agüɨye emopüa ndepo kunumi re, agüɨye maratu eyapo. Echa aikuaa ma kërai ko ndeporogüɨrovia Tumpa kotɨ vae, aecha kërai mbaetɨ reipoɨu remee nderaɨ cheve; nderaɨ jaeño vae!

GÉNESIS 42:18

Jare mboapɨa ara pe José jei chupe reta: —Tumpa güi oipoɨu vae ko che; peyapo kuae, jayave ngaraa pemano.

GÉNESIS 47:6

Ɨvɨ Egipto ndepo pe ko oï; ɨvɨ Gosén emee nderu pe jare nderɨkeɨ reta pe yogüɨreko vaerä pɨpe, jare chugüi reta maangarekoa ikavi vae, peñono cherɨmba iyangarekoa itenondeguarä.

2 SAMUEL 18:1

David omae jare oipapa kavi jupiegua reta, jare oñono mburuvicha, mil vae reta re jare cien vae reta re.

2 SAMUEL 23:3

Israel iTumpa jei, Israel iyangarekoa jei cheve: ‘Mburuvicha güɨroata yave jupi rupi jëta pegua reta, Tumpa güi oipoɨu reve kavi güɨroata vae,

1 REYES 18:12

Aja ramboeve kuae güi yandeYa iEspíritu ndererajata kuae güi che mbaetɨ aikuaa vae pe. Javoi che aja Acab pe romombeu yave royuta roeka, javoi Acab mbaetɨ neväe yave, cheyukata. Che nderembiokuai chetaɨrusu güive amboete yandeYa vae ko.

1 REYES 18:3

Acab oenɨi Abdías, jae ko imbaembae iyangarekoa; jae ko oipoɨu yae yandeYa güi vae.

ESDRAS 7:25

Jare nde Esdras, neTumpa omee arakuaa ndeve rupi kavi eñono mburuvicha reta oporojäa vae reta, tëta re oyangareko vae reta, omae vaerä ɨ̈aka Éufrates jovaicho kuaraɨ oikea kotɨ yogüɨreko vae reta re; eñono opaete neTumpa iporookuai oikuaa vae reta re, jare mbaetɨ oikuaa vae nde emboe.

NEHEMÍAS 5:9

Jare jae vi chupe reta: “Pe reta peyapo peï vae mbaetɨ ko ikavi. ¿Maera pa mbaetɨ peipoɨu ñaneTumpa güi, agüɨye vaerä opuka tovaicho reta yanderé?

NEHEMÍAS 7:2

ayókuai cherëtara Hanani jare Hananías tëta guasu Jerusalén iyangarekoa reta juvicha (echa Hananías ko metei kuimbae jupi vae jare Tumpa güi oipoɨu vae, ïru vae reta güi mbaetɨ jae rami vae).

JOB 1:1

Ɨvɨ Uz pe oiko metei kuimbae Job jee vae; kuae kuimbae ko jupi, isɨmbi, Tumpa güiño oipoɨu jare oyeandu ikavimbae güi.

JOB 29:16

¡Mbae re oata vae reta turä, ketɨgua reta aepɨ vaerä!

JOB 31:13

Aröɨro ra cherembiokuai kuimbae ani kuña reta jupi jei vae, oyoaka reta yave che ndive.

SALMOS 15:1

CheYa, ¿kia pa oikota ndetupao pe? ¿Kia pa oikota ndeɨvɨtɨ oñeñono tee vae pe?

SALMOS 15:5

Mbaetɨ ikorepoti oiporuka vae pe oasa ete okovara vae; mbaetɨ oipɨɨ vɨari korepoti jekombae vae regua vae. Jökorai oiko vae, oiko kavi aveita.

ÉXODO 17:9

Jare Moisés jei Josué pe: —Eiparavo yandeve kuimbae reta, jare ekua eñeraro Amalec iñemuña reta ndive; pɨareve che aïta ɨvɨtɨ guasu iyapɨte re. Tumpa omee cheve popoka vae anoita chepo pe.

ÉXODO 18:25

Moisés oiparavo kuimbae oikatuta tëta güɨroata vae reta Israel iñemuña reta güi, jare oñono opaete vae juvicharä, mil kuimbae vae reta re, cien, cincuenta jare payandepo kuimbae reta re.

PROVERBIOS 28:2

Metei tëtaguasu pe mbaetɨ teko ikavi yave, jeta mburuvicha reta jeko kavimbae, ërei mburuvicha yarakuaa katu vae oikatu güɨroata kavi tëtaguasu.

ECLESIASTÉS 12:13

Opaete kuae ñemoñee reendu vae ko oipota jei: Eipoɨu Tumpa güi, jare eyapo iporookuai reta, echa jae ko kuae, kia ñavo oyapo vaerä.

ISAÍAS 16:5

David iñemuña güi metei oguapɨta mburuvicha guasurä mboroaɨu rupi. Jae ko oïta jupi rupi oporojäa vaerä, oyapota jupi vae opaete pe.

ISAÍAS 33:15

Jupi rupi oiko vae jare jupi rupi imiari vae, güɨröɨro yemboikokatu maepɨ̈ro rupi vae, mbaetɨ omomora mbae oyemboepɨ vɨari vae, mbaetɨ oyeapɨsaka yemongeta ikavimbae pegua vae re vae, jare mbaetɨ omae ipɨa pe ikavimbae re vae;

ISAÍAS 59:4

Mbaetɨ kia oñeapo jupi rupi, mbaetɨ vi kia oporojäa añetegüe rupi. Güɨrovia katu reta apu re, jare ñee añetembae re; ipurúa reta rami ikavimbae pe, jare omoë reta mbaeyoa.

JEREMÍAS 5:1

YandeYa jei: “Peguata Jerusalén pegua kaye reta rupi, pemae kavi, peeka joka guasu rupi, yaecha ra peväe kia jupi vae oyapo vae, jare añetegüe rupi oiko vae. Peväe yave cheɨ̈rota Jerusalén pe.

EZEQUIEL 18:8

oiporuka korepoti yave mbaetɨ oasa ete okovara jese; mbaetɨ ikavimbae oyapo ïru vae pe; oime yave ñeapo, jupi rupi ojäa mókoi reve;

EZEQUIEL 22:12

Nderapɨpe yogüɨreko vae reta oipɨɨ vɨari korepoti oyuka vaerä ïru vae; oiporuka korepoti oasa ete okovara ye vaerä jese, oyuvanga katu japicha re jare iñakañɨ reta chegüi. Che peYa jae.

ZACARÍAS 7:9

“Körai jei yandeYa Imbaepuere yae ete vae: ‘Peporojäa añete vae rupi, jare peporoparareko peyeaeä reve oyokotɨ.

ZACARÍAS 8:16

Kuaekuae jae peyapo aveita vae: Pemiari añetete rupi perapicha pe; peporojäa jupi rupi jare toime avei mbɨakatu morojäa oyeapo yave.

NÚMEROS 1:16

Kuae reta ko oyeparavo Israel iñemuña reta ipɨte güi, ñemuña ñavo güi tenondeguarä yogüɨreko vae.

NÚMEROS 1:4

ñemuña ñavo güi toñogüɨnoi pe ndive metei kuimbae, jëtara reta ipɨte pe tenondegua vae.

NÚMEROS 10:4

Ërei oñemoñee yave meteiño, toyemboatɨ nderóvai tenondegua retaño, opaete Israel iñemuña juvicha reta.

San Lucas 18:2

Jare jei chupe reta: “Oiko metei tëta guasu pe metei mburuvicha oporojäa vae. Oipoɨuä etei Tumpa güi jare iporomboeteä etei.

San Lucas 18:4

Mbovɨ ara rupi mburuvicha oporojäa vae mbaetɨ oyapo mbae oepɨ vaerä. Ërei jaɨkue rupi jei iyeupe: ‘Yepe tëi aipoɨuä Tumpa güi jare cheporomboeteä etei,

Hechos 20:33

Mbaetɨ aipota amae ïru vae ikorepoti, ioro ani jemimonde re.

Hechos 6:3

Jáeramo peiparavo pepɨte güi, chiu kuimbae reta jërakua kavi vae reta, tɨnɨe Espíritu Santo pe jare iyarakuaa katu vae reta. Jae reta toyapo kuae mbaravɨkɨ.

DEUTERONOMIO 22:18

Jayave tëta pegua tenondegua reta toipɨɨ jókuae kuimbae jare toinupa.

1 Timoteo 3:3

agüɨye tikause, agüɨye tiñerarose, agüɨye tomonganaiño jupimbae reve. Ërei tipɨakavi, toiko pɨagüive, agüɨye toipota yae korepoti iyeupeguarä.

JOSUÉ 22:14

Kuae sacerdote ndive omondo reta vi payandepo Israel iñemuña juvicha reta, yogüɨraja metei ñemuña ñavo jee re, jare jëtara ñavo jee re.

1 SAMUEL 8:12

Jare oñonota mil vae sundaro reta juvicharä, cincuenta vae juvicharä; jaeramiño vi oñono retata oparavɨkɨ reta vaerä iko rupi, jare ombaarɨvo reta vaerä, jare oyapoukata chupe reta tembiporu ñeraro pegua, jare ikäretou ñeraro pegua reta reguarä.

1 SAMUEL 8:3

Ërei mbaetɨ omomoe reta tu jeko, imbae potarai yae reta, korepoti oipɨɨ vɨari reta, güɨrokomegua reta teko jupi vae.