ÉXODO 18:20 - Biblia Guarani Tumpa Iñee

²⁰ Jare emboe reta mborookuai reta re, jare eechauka kavi chupe reta kërai yogüɨreko vaerä jare mbae ra oyapo retata vae.

ÉXODO 18:20 ပူးပေါင်းရင်းမြစ်များ

SALMOS 143:8

Ndeimbove yave eikuaauka cheve ndeporoparareko, echa ndereño ayeko. Eikuaauka cheve kërai aiko vaerä, echa ndeveño ayerure.

SALMOS 32:8

YandeYa jei: “Romboeta jare aikuaaukata ndeve kërai reiko vaerä; ayangareko aveita nderé.

ÉXODO 18:16

Oime yave maratu oyokotɨ, yogüeru chépɨri jare ajäa metei metei rupi jare amombeu chupe reta Tumpa iporookuai reta.

ISAÍAS 30:21

Pepia pota tëi tape güi yave, peenduta pekupe kotɨ ñee jei peve: “Kuae ko jae tape, peguata kuae rupi. Agüɨye pepia ketɨ ave yepe.”

JEREMÍAS 42:3

Eyerure ndeYa Tumpa pe, oechauka vaerä oreve kërai roiko vaerä jare mbae ko royapota vae.

JEREMÍAS 6:16

YandeYa jei imbae vae reta pe: “Peyemboɨ tape reta rupi jare pemae, peparandu tape reta ñɨma yae vae re, kia nunga tape ra jae ikavi vae; peguata jupi jare peväeta mbutuu peyeupe.” Ërei jae reta jei: “Mbaetɨ, ngaraa roguata jupi.”

EZEQUIEL 3:17

“Nde kuimbae, che roñono sundaro ɨvate güi omae vae rami, Israel iñemuña reta peguarä. Che amombeu yave ndeve mbae nunga ñee, emoërakua chupe reta oikuaa voi ñogüɨnoi vaerä.

MIQUEAS 4:2

Jeta vae tëtaguasu reta yogüeruta, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä jemimbota re, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

San Marcos 13:34

Yambojaanga metei kuimbae ojo mombɨrɨ vae oeya jo vae re. Ojota ma yave, oeya jembiokuai reta ipo pe iparavɨkɨ ae ae oyapo reta vaerä; jare oyókuai vi öke järoa oäro avei vaerä.

DEUTERONOMIO 1:18

Jökorai jókuae ara rupi amee mborookuai opaete vae pe oyapo vaerä.

DEUTERONOMIO 4:1

Añave, pe Israel iñemuña reta, peendu mborookuai reta oyeapo vae re pomboe vae, peikove vaerä jare peike vaerä peiko, jókuae ɨvɨ peñemuñagüe reta iTumpa omee pevea pe.

DEUTERONOMIO 4:5

Mase, che ko pomboe mborookuai reta oyeapogüe re, cheYa Tumpa cheokuai rami, peyapo vaerä jókuae ɨvɨ peota pepɨ̈ro pembaerä vae pe.

DEUTERONOMIO 5:1

Moisés omboatɨ opaete Israel iñemuña reta jare jei chupe reta: “Peyeapɨsaka Israel iñemuña reta, kuae mborookuai reta amombeuta añave vae re, peikuaa jare peñovatu peyapo vaerä.

DEUTERONOMIO 5:27

Nde eya jese, jare eendu opaete ñee yandeYa Tumpa jei vae, javoi emombeu oreve opaete yandeYa Tumpa jei ndeve vae, jare ore toroendu jare toroyapo.’

DEUTERONOMIO 7:11

Jáeramo, peyapo mborookuai reta che poyókuai peyapo vaerä vae.

1 Tesalonicenses 4:1

Añave cherɨvɨ reta, pomoñera jare pomboarakuaa yandeYa Jesús re, kërai peyemboe oregüi kërai peiko vaerä jare pemboyerovia vaerä Tumpa, jökorai jeiete avei peyapo.

1 SAMUEL 12:23

YandeYa tachemborɨ agüɨye vaerä ayerure poi peré, pomboe aveita peguata kavi vaerä jupi rupi.