ÉXODO 18:19 - Biblia Guarani Tumpa Iñee

¹⁹ Añave, eyeapɨsaka jaeta ndeve vae re, Tumpa toï nde ndive. Nde ekua Tumpa jóvai opaete vae jekovia pe, jare emombeu chupe mbaemboavai jae reta güɨnoi vae.

ÉXODO 18:19 ပူးပေါင်းရင်းမြစ်များ

GÉNESIS 39:2

Ërei yandeYa oï José ndive, jare José ko jae kuimbae opaete jembiapo reta oë kavi chupe vae; jare oiko iya Egiptoɨgua jo pe.

2 SAMUEL 14:17

Jayave kuae nderembiokuai oäro mburuvicha guasu jei vae ikavi yaeta, echa nde metei araɨgua rami ko, reikuaa mbae ko ikavi vae jare mbae ko ikavimbae vae. ¡YandeYa Tumpa toï nde ndive!

ÉXODO 18:15

Jare Moisés jei jovaya pe: —Echa yogüeru chépɨri oparandu vaerä Tumpa pe.

ÉXODO 18:20

Jare emboe reta mborookuai reta re, jare eechauka kavi chupe reta kërai yogüɨreko vaerä jare mbae ra oyapo retata vae.

ÉXODO 18:24

Jare Moisés oendu jovaya jei chupe vae, oyapo opaete jei chupe rami:

ÉXODO 20:19

Jare jei reta Moisés pe: —Ndeño nemiari oreve, jare ore toroendu; ërei agüɨye Tumpa timiari ore ndive, agüɨye vaerä romano.

ÉXODO 3:12

Jare Tumpa jei: —Ekua, echa che aïta nde ndive; jare kuae toï ikañɨmaa vaerä che etei ko romondo vae: Renoe ma Egipto güi tëta chembae yave, chemboeteta kuae ɨvɨtɨ re.

ÉXODO 4:12

Añave ekua jare che ameeta neñeerä jare romboeta kërai nemiari vaerä.

ÉXODO 4:16

Jare jae oikota neñee omombeu vaerä, nde nemiari chupe vae jae omombeuta opaete vae pe, jare nde reïta chupe Tumpa rami.

PROVERBIOS 9:9

Emee arakuaa iyarakuaa vae pe, jare iyarakuaa yae eteta; emboe jupi vae, jare oñemoïruta chupe iyarakuaa.

NÚMEROS 27:5

Jare Moisés güɨraja kuae teko yandeYa jóvai.

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

DEUTERONOMIO 20:1

Peë yave peñoraro vaerä perovaicho ndive, jare peecha kavayu regua reta, käretou ñeraro pegua jare jeta sundaro pegüi yave, agüɨye pekɨɨye chugüi reta, yandeYa Tumpa ɨvɨ Egipto güi perenoe vae ko oï pe ndive.

DEUTERONOMIO 5:5

Jayave che aï yandeYa jare pe reta pepäu pe, amombeu vaerä yandeYa iñee reta, echa pe reta pekɨɨye tata güi, jare mbaetɨ peyeupi ɨvɨtɨ re. Jayave yandeYa jei:

JOSUÉ 1:9

Mase, royókuai reñemomïrata vaerä jare reñemoäta ngatu vaerä; agüɨye ekɨɨye jare agüɨye eyembopɨtu, echa che ndeYa Tumpa aïta nde ndive oipota rupi reoa rupi.”