ÉXODO 18:16 - Biblia Guarani Tumpa Iñee

¹⁶ Oime yave maratu oyokotɨ, yogüeru chépɨri jare ajäa metei metei rupi jare amombeu chupe reta Tumpa iporookuai reta.

ÉXODO 18:16 ပူးပေါင်းရင်းမြစ်များ

2 SAMUEL 15:3

Absalón jei yepi chupe: “Jókuae neñeapo jupi ko, ërei mbaetɨ mburuvicha guasu oñono kia oyeapɨsaka vaerä nderé.”

2 CRÓNICAS 19:10

Oipotagüe perëtara reta yogüeru yave pekotɨ tëta guasu reta güi, oñeapo vaerä peve oporoyuka vae re, ani mborookuai reta jei vae re, pemombeu kavi chupe reta agüɨye vaerä iyoa reta yandeYa kotɨ, agüɨye vaerä yandeYa iyarasɨ pekotɨ jare perëtara reta kotɨ. Kuae peyapo yave ngaraa peyoa.

JOB 31:13

Aröɨro ra cherembiokuai kuimbae ani kuña reta jupi jei vae, oyoaka reta yave che ndive.

ÉXODO 18:17

Jayave Moisés jovaya jei chupe: —Mbaetɨ ko ikavi reyapo vae,

ÉXODO 2:13

Pɨareve pe oë ye, jare oecha mókoi hebreo reta oñoraro ñogüɨnoi, jayave jei oporonupa oï vae pe: —¿Maera pa rekua nerëtara re?

ÉXODO 23:7

Peyembosɨrɨ apu reta güi, agüɨye peyuka jekombae vae jare jupi vae, echa che mbaetɨta ambojupi jeko vae.

ÉXODO 24:14

Jare jei tenondegua reta pe: —Oreräro kuae pe, royu ye pekotɨ regua; Aarón jare Hur oï pe reta ndive; oime yave maratu, pekua jae reta pɨri.

LEVÍTICO 24:15

Jare nemiari Israel iñemuña reta pe, körai: Oipotagüe jei yave ñee ikavimbae iTumpa kotɨ, toiporara jeko re.

NÚMEROS 15:35

Jare yandeYa jei Moisés pe: “Tomano jókuae kuimbae; opaete vae toyapi toyuka ita pe, teyupa güi ikatu pe.”

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

1 Corintios 6:1

Kia nunga vae pepɨte pe omboeko ïru vae mbae re yave, ¿maera pa oñeapo jese oporogüɨroviambae reta pe? ¿Maera pa mbaetɨ oñeapo jese oporogüɨrovia vae reta pe?

DEUTERONOMIO 4:5

Mase, che ko pomboe mborookuai reta oyeapogüe re, cheYa Tumpa cheokuai rami, peyapo vaerä jókuae ɨvɨ peota pepɨ̈ro pembaerä vae pe.

DEUTERONOMIO 5:1

Moisés omboatɨ opaete Israel iñemuña reta jare jei chupe reta: “Peyeapɨsaka Israel iñemuña reta, kuae mborookuai reta amombeuta añave vae re, peikuaa jare peñovatu peyapo vaerä.

DEUTERONOMIO 6:1

Kuae ko jae mborookuai reta yandeYa Tumpa cheokuai pomboe vaerä vae, peyapo vaerä jókuae ɨvɨ pepɨ̈rota peñemoëta pɨpe vae pe.

1 SAMUEL 12:23

YandeYa tachemborɨ agüɨye vaerä ayerure poi peré, pomboe aveita peguata kavi vaerä jupi rupi.