ÉXODO 18:11 - Biblia Guarani Tumpa Iñee

¹¹ añave aikuaa yandeYa tuicha yae ete ko opaete ïru tumpa reta güi vae; echa ipɨayemboete pekotɨ vae reta re oechauka imbaepuere.

ÉXODO 18:11 ပူးပေါင်းရင်းမြစ်များ

1 REYES 17:24

Jare kuña imemano vae jei: —Añave aikuaa nde añetete jae Tumpa iñeemombeúa jare Tumpa iñee remombeu vae añete vae ko.

2 REYES 5:15

Jare oyerova ye Tumpa iñeemombeúa kotɨ, jae jare opaete iguataïru reta ndive, jare oyemboɨ jae jóvai, jare jei: —¡Añave aikuaa, mbaetɨ yepe Tumpa opaete ɨvɨ pe, jaeño oime Israel pe! Romoñera reipɨɨ vaerä mbae nunga mbota yepe, kuae che arugüe güi.

1 CRÓNICAS 16:25

echa yandeYa tuicha yae ko, jupi ko oyemboete vaerä, jare kɨɨyea yae ko opaete tumpa-raanga reta güi.

2 CRÓNICAS 2:5

Jókuae tupao guasu amopüata vae tuicha yaeta ko, echa oreTumpa imbaepuere yae vae ko opaete tumpa-raanga reta güi.

NEHEMÍAS 9:10

Jare reyapo jeta mɨakañɨ reta Faraón kotɨ, opaete iyɨvɨrigua reta kotɨ jare opaete jëta pegua reta kotɨ, echa reikuaa oyembotuicha reve oiporarauka yae Israel iñemuña reta pe vae. Jökorai nerërakua yae repɨta añave regua.

NEHEMÍAS 9:16

Ërei ngatu oreñemuñagüe reta ipɨa yemboete jare ipɨa täta, jare mbaetɨ oyeapɨsaka reta ndeporookuai reta re.

NEHEMÍAS 9:29

Remboeta chupe reta oyerova ye vaerä ndeporookuai kotɨ; ërei jae reta oyembopɨapochɨ, mbaetɨ oendu jare iyoa reta ndeporookuai kotɨ, kuimbae oyapo ndeporookuai reta jeigüe yave oikove; oñemopüa reta ndekotɨ, oyembopɨa täta reta, jare mbaetɨ oyeapɨsaka reta.

SALMOS 119:21

Nde reñeengata ipɨapochɨ vae reta pe, jeko kavimbae reta pe, osɨrɨ ndeporookuai güi vae reta pe.

SALMOS 135:5

Echa che aikuaa yandeYa tuicha yae ko, yandeYa tuicha yae ko opaete tumpa-raanga reta güi.

SALMOS 31:23

Opaete, pe jupi vae reta, peaɨu yandeYa. Jupi vae reta re yandeYa oyangareko, ërei oiporarauka oyembotuicha reve mbae oyapo vae pe.

SALMOS 95:3

Echa yandeYa, jae Tumpa tuicha yae vae, mburuvicha guasu tuicha yae vae opaete tumpa-raanga reta güi.

SALMOS 97:9

echa, nde cheYa, Tuichagüe yae ete vae ko opaete ɨvɨ re, ndetuicha yae ko opaete tumpa-raanga reta güi.

ÉXODO 1:10

Añave yandearakuaa yandeyeupe ikotɨ reta, agüɨye vaerä jekuae oñemuña reta; güɨramoi oime yave ñeraro oñemoïruta yanderovaicho reta ndive oñeraro reta vaerä yande ndive, jare opata yogüɨraja yandegüi.”

ÉXODO 1:16

—Pemborɨ hebrea reta imembɨ oa vaerä yave, pemae jese; kuimbae yave ¡peyuka!, ërei kuña yave pemaeño toikove.

ÉXODO 1:22

Jayave Faraón oyókuai opaete jëtaɨgua reta, körai: “Pemombo ɨ pe opaete michia raɨ kuimbae oa vae, ërei kuña ko yave pemaeño toikove.”

ÉXODO 10:3

Jayave Moisés jare Aarón yogüɨraja Faraón pɨri, jare jei reta chupe: —OreYa, hebreo reta iTumpa jei körai: “¿Kërai yave regua pa mbaetɨta reñemomichi cheróvai? Emaeño toyogüɨraja tëta chembae, chemboete vaerä;

ÉXODO 12:12

Echa che aasata jókuae pɨ̈tu opaete ɨvɨ Egipto rupi, jare omanota opaete membɨrɨpɨ kuimbae ɨvɨ Egipto rupi, jökoraita opaete kuimbae reta jare mɨmba reta. Che peYa aitɨta cheporojäa opaete tumpa-raanga reta Egipto pegua re.

ÉXODO 14:18

Egiptoɨgua reta oikuaa vaerä che ko jae peYa, ayemboeteuka yave Faraón rupi, isundaro kavayu regua reta rupi jare opaete ikäretou maratuta oasa vae rupi.

ÉXODO 14:8

YandeYa omotäta Faraón mburuvicha guasu Egipto pegua ipɨa, jare oaɨkuemoña Israel iñemuña reta; ërei Israel iñemuña reta mbaepuere yae ete rupi ko ñogüɨnoe yogüɨraja.

ÉXODO 15:11

CheYa, ¿kia pa nde rami ïru tumpa reta güi? ¿Kia pa nde rami tuicha yae jare iyoambae, mɨakañɨ tuichagüe jare yavaetegüe iyapoa? ¡Jupi ko reyemboeteuka vaerä!

ÉXODO 5:2

Ërei Faraón jei: —¿Kia pa jókuae “peYa”, ayeapɨsaka vaerä iñee re jare amaeño vaerä yogüɨraja Israel iñemuña reta? Che mbaetɨ ko aikuaa peYa, ngaraa vi amaeño yogüɨraja Israel iñemuña reta.

ÉXODO 5:7

—Kuae ara güive agüɨye mo pemee kapii chupe reta oyapo reta vaerä ladrillo, añave rupi pemee peiko chupe reta rami. ¡Toyogüɨraja jae reta etei togüeru iyeupe kapii!

DANIEL 4:37

Añave che Nabucodonosor, amboete jare ambotuicha Mburuvicha guasu ara pegua, echa opaete jembiapo reta añete vae ko, jare jemimbota reta jupi vae ko; jare jae ipuere omomichi ipɨayemboete oiko vae.”

NÚMEROS 33:4

jae reta oñotɨ ramboeve opaete taɨrɨpɨ reta yandeYa güeru mano jese vae reta, jókuae rupi yandeYa oitɨ iyarasɨ itumpa-raanga reta re.

San Lucas 1:51

Imbaepuere rupi oyapo mbae tuichagüe. Opa omoai ipɨayemboete vae reta.

Santiago 4:6

Ërei Tumpa omee yandeve jeta yae ipɨakavi, echa oyekuatía oï: “Tumpa oyovaicho ipɨarai vae reta kotɨ, ërei ipɨakavi oñemomichi vae reta kotɨ.”

1 Pedro 5:5

Pe taɨrusu reta, peiko petenondegua reta jeia re. Jare opaete vae peiko kavi oyoupi peñemomichi reve; echa: “Tumpa oyovaicho ipɨarai vae reta kotɨ, ërei ipɨakavi oñemomichi vae reta kotɨ.”

1 SAMUEL 2:3

Agüɨye kia timiari ipɨayemboete reve, agüɨye kia toyembotuicha yae iñee pe, echa Tumpa opaete mbae oikuaa vae jae ko yandeYa, jae ojäa opaete kuimbae jembiapo.