ÉXODO 18:10 - Biblia Guarani Tumpa Iñee

¹⁰ jare jei: —Toyemboete yandeYa, Faraón jare Egiptoɨgua reta ipo güi pereepɨ vae jare oepɨ opaete vae Egiptoɨgua reta ipo güi vae,

ÉXODO 18:10 ပူးပေါင်းရင်းမြစ်များ

GÉNESIS 14:20

Jare opaete vae reta tomboete Tumpa Tuichagüe yae ete vae, echa jae ko ndemborɨ remoamɨri nderovaicho reta.” Jayave Abram omee payandepo güi metei, jókuae opaete güeru ye vae güi Melquisedec pe.

GÉNESIS 24:27

jare jei: “¡Toyemboete yandeYa, cheya Abraham iTumpa, echa mbaetɨ ombosɨrɨ iporoparareko cheya Abraham güi, chereru yandeYa jare aväe cheya jëtara reta jëta!”

2 SAMUEL 18:28

Jayave Ahimaas oya jare oyetavatɨka itindɨasɨ ɨvɨ re mburuvicha guasu jóvai, jare oyapo maraetei chupe, jare jei chupe: —Toyemboete ndeYa Tumpa, echa jae ko opa omokañɨtei nde cheruvicha guasu kotɨ oñemopüa vae reta.

1 REYES 8:15

Jei: “Toyemboete yandeYa, Israel iTumpa, cheru David ndive imiari vae, jare iñee ombopo vae, jei reve:

1 REYES 8:56

“¡Toyemboete yandeYa mbɨakatu omee imbae vae tëta Israel pe vae, jae oñererökuavee rupi! Echa mbaetɨ etei ombopombae jae oñererökuavee jembiokuai Moisés rupi vae.

SALMOS 41:13

¡Toyemboeteuka cheYa, Israel iTumpa, jekuaekuae avei! ¡Amén! ¡Amén!

San Lucas 1:68

“Toyemboeteuka yandeYa Israel iTumpa, echa jae ou omborɨ jare oepɨ tëta imbae.

Efesios 1:3

Toyemboete Tumpa, yandeYa Jesucristo Tu. Jae iporerekua yanderé opaete mborerekua ara pegua pe, Cristo re,

1 Tesalonicenses 3:9

Jáeramo romee yasoropai tuicha Tumpa pe peré. Echa royerovia yae peré yandeRu Tumpa jovake.

1 Pedro 1:3

Toyemboete Tumpa yandeYa Jesucristo Tu. Jae yandeparareko yae ramo yandeapo taɨ retarä, ñaäro vaerä yayerovia reve, Jesucristo oikove ye omanogüe reta ipɨte güi vae rupi.

1 SAMUEL 15:6

Jare Saúl jei ceneo reta pe: —¡Pesɨrɨ jare peë Amalec iñemuña reta ipɨte güi agüɨye vaerä pomokañɨtei jae reta ndive, echa pe reta pemboyekuaa peporoparareko Israel iñemuña reta kotɨ yogüeru reta yave Egipto güi! Jayave ceneo reta asɨrɨ Amalec iñemuña reta güi.

1 SAMUEL 25:32

Jare David jei Abigail pe: —Toyemboete yandeYa Israel iTumpa, echa jae ndembou cherövaiti vaerä añave.