ÉXODO 16:32 - Biblia Guarani Tumpa Iñee

³² Jare Moisés jei: —Körai yandeYa jei: “Pemonoo mókoi kilo rupi, jare peñovatu peñemuña reta peguarä, oecha reta vaerä mbɨyape che amee peu ñuu rupi vae, ɨvɨ Egipto güi che pogüɨnoe yave.”

ÉXODO 16:32 ပူးပေါင်းရင်းမြစ်များ

SALMOS 105:5

Pemaendúa mɨakañɨ reta tuichagüe jae oyapo vae re, jare mborookuai reta jae omee vae re;

ÉXODO 16:16

Kuae ko jae peYa ombou vae: Pemonoo metei ñavo peyeupe pepuereta peu rupi; metei ñavo vae tomonoo mókoi kilo rupi jo pegua ñavo jou vaerä.

ÉXODO 16:31

Jare Israel iñemuña reta ombojee maná; temitɨ culantro jäɨ rami, tïi jare ipiche mbɨyape ei ndive oyea vae rami.

ÉXODO 16:33

Jare Moisés jei Aarón pe: —Eñono maná mókoi kilo rupi metei mbaerɨru pe, jare eñono yandeYa jóvai, jare toñeñovatu peñemuña reta peguarä.

JEREMÍAS 7:23

Jaeño ayókuai reta oendu katu vaerä cheñee; echa jökorai yave che aikota iTumparä jare jae reta yogüɨrekota chembae retarä. Ayókuai vi yogüɨreko vaerä che ayókuai rami, ikavi yogüɨreko vaerä.

OSEAS 11:4

Kuimbae reta jɨmasa pe rami aroya cheyé, mboroaɨu rupi; kia nunga vae oekɨ güeye reta iyatua güi yuvo rami ko che, jare añono chupe reta tembíu.

San Lucas 22:19

Javoi Jesús oipɨɨ mbɨyape, jare omee yasoropai Tumpa pe jese. Jare opɨ̈saa mbɨyape omee chupe reta, jei reve: —Kuae ko jae cherete, oñemeeta peré vae. Peyapo kuae pemaendúa cheré vaerä.

Hebreos 2:1

Jáeramo, ikavi ko ñaneräta ngatu yae vaerä yaendugüe re, agüɨye vaerä yapia chugüi.

Hebreos 9:4

joko pe oï tätapɨirɨru oro pegua, käjou morogüɨrökuavee päve pegua oro pe oñeova vae, metei yapepo oro pegua maná oï pɨpe vae, Aarón ipopoka jokɨ vae jare itape reta morogüɨrökuavee päve güɨnoi vae.