ÉXODO 16:15 - Biblia Guarani Tumpa Iñee

¹⁵ Jare Israel iñemuña reta oecha yave jei reta oyoupe: “¿Mbae ra kuae?” Echa mbaetɨ oikuaa reta mbae ra ko vae. Jayave Moisés jei chupe reta: —Jae ko mbɨyape, yandeYa omee peu vaerä vae.

ÉXODO 16:15 ပူးပေါင်းရင်းမြစ်များ

NEHEMÍAS 9:15

Yɨmbɨaɨ reta yave, remee mbɨyape ara güi chupe reta, iɨuve reta yave, remee ɨ ɨ̈vavira güi chupe reta. Javoi rere chupe reta oike vaerä yogüɨreko, ɨvɨ nde reñererökuavee remee chupe reta vae pe.

NEHEMÍAS 9:20

Jare rembou vi ndeEspíritu kavi omboe reta vaerä; mbaetɨ remboata maná jou reta vaerä jare ɨ iɨuve yave peguarä.

SALMOS 105:40

Tembíu oiporu reta yave, Tumpa ombou chupe reta inambu, jare mbɨyape ara pegua pe omoangapɨɨ reta.

SALMOS 78:24

¡Omongɨ jese reta maná, jou reta vaerä, omee chupe reta mbɨyape ara güi!

ÉXODO 16:31

Jare Israel iñemuña reta ombojee maná; temitɨ culantro jäɨ rami, tïi jare ipiche mbɨyape ei ndive oyea vae rami.

ÉXODO 16:33

Jare Moisés jei Aarón pe: —Eñono maná mókoi kilo rupi metei mbaerɨru pe, jare eñono yandeYa jóvai, jare toñeñovatu peñemuña reta peguarä.

ÉXODO 16:4

YandeYa jei Moisés pe: —Mase, che ambouta ara güi mbɨyape ama okɨ rami; toë tomonoo reta ara ñavo jókuae ara jou vaeräño, aikuaa vaerä oyapo ra ko cheporookuai vae ani mbaetɨ ra vae.

PROVERBIOS 9:5

“Peyu pekaru, jare peu vino amboyea kavigüe.

NÚMEROS 21:5

Jare opaete vae iñeenguru Tumpa kotɨ jare Moisés kotɨ, körai: —¿Maera pa orereru ɨvɨ Egipto güi romano vaerä kuae ñuu rupi? Echa mbaetɨ tembíu jare ɨ ave. ¡Orembogüérai ma kuae maná jëe ngatumbae!

San Lucas 12:30

Echa opaete ɨvɨ pegua reta oyemoambeko kuae mbaembae re. Ërei peRu oikuaa ko kuae mbaembae oata peve vae.

San Juan 6:49

Peñemuñagüe reta jou maná ñuu pe, ërei opa omano reta.

San Juan 6:58

Che ko jae mbɨyape ara güi ou vae. Kuae mbɨyape mbaetɨ ko maná peñemuñagüe reta jou ñuu pe vae rami, echa jeseve jae reta opa omano. Ërei oipotagüe kuae mbɨyape jou vae, oikoveta jekuae avei pegua.

1 Corintios 10:3

Jare opaete vae jou tembíu Espíritu pegua.

DEUTERONOMIO 8:16

pemongaru ñuu rupi maná pe, tembíu peñemuñagüe reta mbaetɨ oikuaa vae pe, pemoñemomichi jare pejäa, jökorai peapo kavi peiko kavi vaerä.

DEUTERONOMIO 8:3

Jare oiporarauka peve, jare pemboyɨmbɨaɨuka, ërei pemongaru maná pe, tembíu mbaetɨ peikuaa vae, jare peñemuñagüe reta ave mbaetɨ oikuaa vae, jökorai oikuaauka vaerä peve, kërai mbɨyape reñoä ko kuimbae oikoveta, jaeño opaete yandeYa jei vae re ko kuimbae güɨnoita tekove.

Hebreos 9:4

joko pe oï tätapɨirɨru oro pegua, käjou morogüɨrökuavee päve pegua oro pe oñeova vae, metei yapepo oro pegua maná oï pɨpe vae, Aarón ipopoka jokɨ vae jare itape reta morogüɨrökuavee päve güɨnoi vae.

JOSUÉ 5:12

Arete Pascua güi pɨareve pe mbaetɨ ye ma oyekuaa maná, temitɨ iagüe omboɨpɨ jou reta güire; Israel iñemuña reta mbaetɨ ye ma oecha maná, ërei jou reta Canaán pegua temitɨ iagüe jókuae año.

Apocalipsis 2:17

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae pe ameeta jou vaerä jókuae maná oñeomi oï vae, jare ameeta vi chupe metei ita raɨ tïi vae. Jókuae ita re oime metei tee ipɨau vae oyekuatía oï, jókuae tee mbaetɨ etei kia oikuaa, jaeño omboresive vae.’