ÉXODO 15:25 - Biblia Guarani Tumpa Iñee

²⁵ Jare Moisés oyerure yandeYa pe, jare yandeYa oechauka chupe metei ɨvɨra; jókuae oitɨ ɨ pe, jare ombokavi ɨ. Jare joko pe yandeYa omee chupe reta mborookuai reta, joko pe ojäa jae reta iporogüɨrovia;

ÉXODO 15:25 ပူးပေါင်းရင်းမြစ်များ

2 REYES 2:21

Jayave Eliseo ojo ɨesaɨ oïa pe jare oitɨ pɨpe yukɨ, jei reve: —Körai jei yandeYa: “Che ambokavi kuae ɨ, jare ngaraa ye ma kuae ɨ oporoyuka jare oporomombaerasɨ.”

2 REYES 4:41

Eliseo jei: —Peru cheve mbovɨ trigokúi. Jare jókuae opɨyere yapepo pe yave jei: —¡Añave eñono tokaru reta! Okaru reta, jare mbaetɨ ma ikavimbae vae oï jókuae yapepo pe.

2 REYES 6:6

Tumpa iñeemombeúa oparandu chupe: —¿Ketɨ pa oa? Jae omombeu chupe ketɨ ko oa vae. Jayave Eliseo oyasɨa metei ɨvɨra jare oitɨ joko pe, jare yɨɨ ombovevɨi ɨ iárambo.

SALMOS 50:15

Jare eyerure cheve ndepɨatɨtɨ yave; che roepɨta jare nde chemboeteta.”

SALMOS 66:10

OreRu Tumpa, nde ko orejäa, ¡oretɨo kavi, korepoti oyetɨo kaviasɨ rami!

SALMOS 81:7

Resapúkai reyerure mbɨatɨtɨ iara pe jare che roepɨ; amboyevɨ ndeve ararɨapu rupi; rojäa ɨ Meriba jembeɨ pe.

SALMOS 91:15

Chereenɨita, jare che aenduta chupe; ¡jae ndive aïta mbɨatɨtɨ pe! Aepɨta jare amboeteukata.

SALMOS 99:6

Moisés jare Aarón ñogüɨnoi isacerdote reta ndive; jare Samuel oï ombaemboete vae reta ndive. YandeYa ombopo yepi jae reta iyerure.

ÉXODO 14:10

Jare Faraón köi ma ou chugüi reta yave, Israel iñemuña reta omopüa iñäka, jare oecha Egiptoɨgua reta yogüeru jaɨkue yave okɨɨye yae ete reta, jare jäse reve oyerure reta yandeYa pe.

ÉXODO 16:4

YandeYa jei Moisés pe: —Mase, che ambouta ara güi mbɨyape ama okɨ rami; toë tomonoo reta ara ñavo jókuae ara jou vaeräño, aikuaa vaerä oyapo ra ko cheporookuai vae ani mbaetɨ ra vae.

ÉXODO 17:4

Jayave Moisés oyerure yandeYa pe, jei: —¿Mbae pa ayapota kuae reta ndive? ¡Echa jökoraiño yave, cheapi retata cheyuka ita pe!

ÉXODO 20:20

Jare Moisés jei chupe reta: —Agüɨye pekɨɨye; echa pekuaa vaerä ou Tumpa, peipoɨu vaerä chugüi, agüɨye vaerä peyoa.

PROVERBIOS 17:3

Oro jare korepoti, oyetɨ o kavi tata pe; ërei yemongeta reta, ojäa yandeYa.

JEREMÍAS 15:1

YandeYa jei cheve: “Yepe tëi mona Moisés jare Samuel oyerure cheve, ngaraa aiparareko kuae tëta. Ere kuae tëta pe toë, tojo reta cheróvai güi.

JEREMÍAS 9:7

Jáeramo che, peYa Imbaepuere yae ete vae, jae: Mbaetɨ ye mbae ayapo vaerä tëta chembae vae ndive, jaeño tata pe añonota ambokavi vaerä.

EZEQUIEL 47:7

ayu aiko ramboeve aecha ɨ̈aka jembeɨ rupi jare jovaicho jembeɨ rupi jeta yeyé ɨvɨra.

EZEQUIEL 47:8

Javoi jei cheve: “Kuae ɨ ojo kuaraɨ oëa kotɨ, ogüeyɨta Arabá kotɨ jare ojota Ɨguasu Jembochɨ vae pe; joko pe oa ojo yave, jókuae ɨguasu ikavita yau vaerä.

1 Corintios 1:18

Echa ñee Cristo ikurusu regua mbokere ko, kañɨtei pe yogüɨrajata vae reta peguarä. Ërei yande yayemboasauka vae reta peguarä ko Tumpa imbaepuere.

DEUTERONOMIO 13:3

Agüɨye peyeapɨsaka jókuae ñeemombeúa iñee reta re, ani jókuae ipaɨu katu vae re. Echa yandeYa Tumpa ko pejäa oï oikuaa vaerä peaɨu ra yandeYa Tumpa opaete pepɨa ndive, jare opaete perekove ndive.

DEUTERONOMIO 8:16

pemongaru ñuu rupi maná pe, tembíu peñemuñagüe reta mbaetɨ oikuaa vae pe, pemoñemomichi jare pejäa, jökorai peapo kavi peiko kavi vaerä.

DEUTERONOMIO 8:2

Pemaendúa opaete tape yandeYa Tumpa pereru jupi vae re, kuae cuarenta año ñuu rupi vae, pemoñemomichi vaerä jare pejäa vaerä, oikuaa vaerä pepɨa pe penoi vae, peyapota ra iporookuai reta ani mbaetɨta ra vae.

JUECES 2:22

Kuae tëtaguasu reta rupi yandeYa ojäa vaerä Israel iñemuña reta, oipotata ra oguata reta iporookuai rupi iñemuñagüe reta rami ani mbaetɨta ra.

JUECES 3:1

Kuae ko jae tëtaguasu reta yandeYa omaeño opɨta ojäa vaerä Israel iñemuña reta, jókuae mbaetɨ oikuaa reta kërai ko ñeraro opɨ̈ro vaerä ɨvɨ Canaán vae reta, echa ndei vɨteri oa reta.

JUECES 3:4

Kuae reta rupi yandeYa oipota ojäa Israel iñemuña reta, oikuaa vaerä oyapota ra mborookuai reta jae omee Moisés rupi iñemuñagüe reta pe vae.