ÉXODO 15:20 - Biblia Guarani Tumpa Iñee

²⁰ Jare ñeemombeúa María, Aarón jeindɨ oipɨɨ metei angúa raɨ, jare opaete kuña reta oë jaɨkue angúa raɨ ndive ochüke reve,

ÉXODO 15:20 ပူးပေါင်းရင်းမြစ်များ

GÉNESIS 31:27

¿Maera pa reñemi reyu jare chembotavɨ? Mbaetɨ remombeu cheve, romboyupavo kavi vaerä yerovia jare tairari ndive, tambora jare arpa pe.

2 SAMUEL 1:20

Agüɨye pemoërakua tëta Gat pe agüɨye pemoërakua tëta Ascalón joka guasu rupi, agüɨye vaerä oyerovia filisteo ikuña reta, agüɨye vaerä opɨrae oyerovia güi itumpa-raanga pota vae reta tayɨ reta.

2 SAMUEL 6:14

David omonde güɨreko metei temimonde iyɨvambae sacerdote pegua pe lino pegua, jare güɨropo tätagüe yandeYa jóvai,

2 SAMUEL 6:16

Jare Tumpa ikäjou ojo ma oväe David jëta pe yave, jembireko Mical, Saúl tayɨ oecha ventana rupi David güɨropo yandeYa jóvai; Mical güɨröɨro ipɨa pe omae jese.

2 SAMUEL 6:5

David jare opaete Israel iñemuña reta yogüɨraja yogüɨreko Tumpa jóvai, güɨropo reve jare ombopu reve arpa, ngitara, angúa raɨ, mimbɨ jare platillo.

2 REYES 22:14

Jayave sacerdote Hilcías, Ahicam, Acbor, Safán jare Asaías yogüɨraja ñeemombeúa kuña Hulda pɨri, Salum jembireko; Salum jae ko Ticva taɨ, Harhas jɨmɨmino, temimonde reta iñovatúa. Hulda oiko tëta guasu Jerusalén jembeɨ kotɨ, jare omomiari reta yave,

1 CRÓNICAS 15:16

David oyókuai vi levita reta itenondegua reta ombojee vaerä jëtara reta güi otairari vae reta yogüɨraja vaerä jembiporu tairari pegua ndive: Ngitara, arpa jare platillo, jare ombopu reta vaerä oyerovia katu yae reve.

1 CRÓNICAS 6:3

Amram taɨ reta jae: Aarón, Moisés jare María. Aarón taɨ reta jae: Nadab, Abiú, Eleazar jare Itamar.

NEHEMÍAS 6:14

¡CheRu Tumpa: Agüɨye neakañɨ opaete Sanbalat jare Tobías oyapogüe güi; jare ñeemombeúa kuña Noadías jare ïru ñeemombeúa reta oipota tëi cheiämondo vae güi!

SALMOS 149:3

Pemboete jee peropo reve, petairari chupeguarä angúa raɨ jare arpa ipu rupi.

SALMOS 150:4

¡Pemboete, peropo reve angúa raɨ ipu rupi! ¡Pemboete, miori ipu rupi jare mimbɨ reta ndive!

SALMOS 30:11

Chepɨatɨtɨ reipoepɨ cheve yerovia katu pe, temimonde mbɨatɨtɨ pegua remboi chegüi, jare chemboemimonde yerovia katu pe.

SALMOS 68:11

YandeYa omee ñee; jeta kuña omoërakua körai:

SALMOS 68:25

Otairari vae reta yogüɨraja tenonde, tembiporu tairari pegua ombopu vae reta taɨkue, jare mbɨte pe yogüɨraja kuñatai taɨrusu vae reta ombopu reve angúa raɨ.

SALMOS 68:26

¡Pemboete Tumpa peyemboatɨa pe! ¡Pemboete, pe opaete Israel iñemuña reta!

SALMOS 81:2

Petairari reve pembopu angúa raɨ, arpa ikavi yae ipu vae jare ngitara.

ÉXODO 2:4

Jare jókuae michia jeindɨ omae oiko jese mombɨrɨ güi maratuta ra oasa vae.

ECLESIASTÉS 3:4

Oime ara, yayaeo vaerä, oime vi ara, yapuka vaerä. Oime ara, ñaporoäpiro vaerä, oime vi ara, yapɨrae vaerä.

JEREMÍAS 31:4

Romopüa pɨau yeta, Israel. Rembopu yeta angúa raɨ, repɨraeta reyerovia katu reve.

MIQUEAS 6:4

Echa che pogüɨnoe ɨvɨ Egipto güi, yeokuaiasɨ katu güi poepɨ, jare añono pereroata vaerä Moisés, Aarón jare María.

NÚMEROS 12:1

María jare Aarón iñeenguru Moisés kotɨ, kuña Cus iñemuña pegua jeko pegua, echa jae omenda kuña Cus iñemuña pegua ndive.

NÚMEROS 12:2

Jei reta vi: “¿Moisés rupiño pa yandeYa imiari? ¿Mbaetɨ pa imiari vi yande rupi?” Jare kuae oendu yandeYa.

NÚMEROS 20:1

Tenondegua yasɨ pe, Israel iñemuña reta yogüɨraja oväe ñuu Zin pe, jare oyembojeyupa reta Cades pe; joko pe María omano, jare joko pe oñotɨ reta.

NÚMEROS 26:59

Amram jembireko jee Jocabed, Leví tayɨ, Egipto pe oa chupe vae; kuae kuña imembɨ Amram pe, jare oa chupe Aarón, Moisés jare jeindɨ María.

San Lucas 2:36

Jare oï vi joko pe ñeemombeúa kuña Ana jee vae, Fanuel tayɨ. Fanuel jae ko ñemuña Aser pegua. Ana itɨ̈aro yae ma. Omenda güire jaeño chiu año oiko ime ndive.

Hechos 21:9

Kuae kuimbae güɨnoi irundɨ tayɨ ndei omenda vae ñeemombeúa reta.

1 Corintios 11:5

Ërei metei kuña oyerure Tumpa pe yave ani omoërakua Tumpa iñee ïru vae reta pe oñeäka-soimbae reve yave, metei ñemomarai vi ko; echa oñeapiasɨ vae rami ko.

1 Corintios 14:34

tikïrii kuña reta. Echa mbaetɨ ko jaekavi imiari vaerä. Metei ñavo toiko ime jeia re, echa jökorai jei mborookuai pe.

JUECES 11:34

Jare Jefté oyerova ye jëta Mizpa kotɨ yave, tayɨ jaevaeño oë oövaiti güɨropo reve jare ombopu angúa raɨ, Jefté mbaetɨ ye ïru tayɨ ani taɨ güɨnoi chugüi.

JUECES 21:21

jare peïndaivi peï. Jare peecha kuñatai reta ñogüɨnoe opɨrae yave, peë jókuae peñemía güi jare peñomi peävo kuñatai, jare peraja peɨvɨ pe.

JUECES 4:4

Jókuae ara rupi mburuvicharä oiko metei kuña Israel iñemuña reta re, jae ko ñeemombeúa Débora, Lapidot jembireko.

1 SAMUEL 10:5

Jókuae jaɨkue rupi reota reväe Tumpa iɨvɨtɨ re, sundaro filisteo reta jeyupa güɨnoia pe; jare reike jókuae tëta pe yave, reövaitita mbovɨ ete ñeemombeúa reta yogüeru ɨvɨtɨ mbaemboete renda güi vae, jae reta jenonde yogüɨrajata ngitara imbopúa, angúa raɨ, jare mimbɨ imoñeea jare arpa imbopúa reta, jare jae reta omombeu Tumpa iñee.

1 SAMUEL 18:6

Jökorai jae reta oyerova ye yave, David oyuka güire filisteo, opaete tëta guasu reta güi ñogüɨnoe Israel iñemuña pegua kuña reta otairari jare opɨrae reve, oövaiti vaerä mburuvicha guasu Saúl, angúa raɨ ndive, jare tairari yerovia katu pegua ndive, temimbɨ reta tairari pegua ndive.