ÉXODO 15:2 - Biblia Guarani Tumpa Iñee

² Chetairari yandeYa kotɨño ko, jae ko chepɨ̈rata jare cheyemboasa. Jae ko cheTumpa, amboeteta ko, cheru iTumpa ko, ambotuichata ko.

ÉXODO 15:2 ပူးပေါင်းရင်းမြစ်များ

GÉNESIS 17:7

Añonota kuae morogüɨrökuavee päve yandeyeupe, jare nderaɨ reta pe, jare opaete nderaɨ iñemuña reta peguarä vi jekuae avei pegua, aiko vaerä neTumparä.

GÉNESIS 49:18

¡CheYa, ndeporogüɨroasayepe aäro!

2 SAMUEL 22:3

cheTumpa, cheñepɨ̈roa, nderé tayeko cheyeopiaka, mbaepuere chereepɨ vae, añepɨ̈ro kavi yae nderé vae, chereroasayepe vae. ¡Chereroasayepe mbaesusere güi vae!

2 SAMUEL 22:47

¡Toyemboete cheYa! ¡Toyemboete cheangarekoa! ¡Toyembotuichauka Tumpa cheangareko jare chereroasayepe vae!

2 SAMUEL 22:51

Che mburuvicha guasu nderembiparavo pe remee aporomoamɨri yae vaerä; nde cheparareko avei jökorai vi cheñemuña reta.”

2 SAMUEL 7:24

echa nde reiparavo ndembaerä Israel jekuae avei pegua, jare nde reiko iTumparä.

2 SAMUEL 7:5

“Ekua ere cherembiokuai David pe, kërai jae mbaetɨta omopüa o aiko pɨpe vaerä vae.

1 REYES 8:13

Ërei che omopüa o ndeveguarä, pɨpe eiko jekuae avei.”

1 REYES 8:27

Ërei ¿añetete ra ko Tumpa oikota ɨvɨ pe? Mase, ara reta viña pa ipɨguasuä ndeve, ¡vɨtei pa kuae tupao amopüagüe!

1 CRÓNICAS 16:14

YandeYa, jae ko ñaneTumpa. ¡Jae ipo pe oï opaete ɨvɨ!

SALMOS 109:1

CheRu Tumpa, amboete vae, agüɨye nekïrii epɨta;

SALMOS 118:14

Cheñepɨ̈roa jare chetairari ko yandeYa. ¡Jae ko chereroasayepe vae!

SALMOS 118:21

CheYa, tamee mbaemboete ndeve, echa reendu cheve, echa nde ko chereroasayepe vae.

SALMOS 118:28

CheTumpa ko nde, toromboete; cheYa Tumpa, torombotuicha.

SALMOS 132:5

Aväe regua o jendarä Imbaepuere yae ete vae Jacob pe vae peguarä vae.”

SALMOS 140:7

CheYa Tumpa, chereroasayepe vae imbaepuere yae vae, nde reyangareko cheäka re ñeraroa pe.”

SALMOS 145:1

Torombotuicha cheTumpa, cheruvicha guasu, amboeteta nderee jekuae avei rupi.

SALMOS 18:46

¡Toyemboete yandeYa! ¡Toyemboeteuka ita guasu cheñepɨ̈roa! ¡Toyembotuicha cheTumpa chereroasayepe vae!

SALMOS 22:10

Chesɨ jɨe peve cheangareko, chesɨ jɨe peve nde ko jae cheTumpa.

SALMOS 22:3

Ërei nde ko iyoambae, nde ko Israel iñemuña reta ndemboete vae.

SALMOS 27:1

YandeYa jae ko cherekove jare chereroasayepe vae, ¿kia güi pa akɨɨyeta? YandeYa jae ko cheñepɨ̈roa, ¿kia güi pa akɨɨyeta?

SALMOS 28:8

YandeYa jae ko imbae vae reta iñepɨ̈roa jëguambae, ñepɨ̈roa oporogüɨroasayepe vae jembiparavo peguarä.

SALMOS 30:1

CheYa Tumpa, romboeteta, echa nde chereepɨ, mbaetɨ remaeño cherovaicho reta cheyóyai yóyai.

SALMOS 34:3

Embotuicha yandeYa che ndive, yambotuicha päve jee.

SALMOS 48:14

echa kuae Tumpa jae ko, oiko avei ñaneTumpa jekuae avei pegua vae. ¡Jae ko yandererajata kutɨ yé mano güi!

SALMOS 59:17

Atairarita ndeve, echa nde cheRu Tumpa jae ko cheñepɨ̈roa, ¡Tumpa cheraɨu vae!

SALMOS 68:20

Tumpa, jae ko oreTumpa oporogüɨroasayepe vae, jae ko yandeYa oporoyora mano güi vae.

SALMOS 99:5

¡Pembotuicha yandeYa Tumpa, peyetavatɨka petindɨasi reve jóvai! ¡Tumpa ko Iyoambae!

SALMOS 99:9

Pembotuicha yandeYa Tumpa, ¡peyetavatɨka chupe iɨvɨtɨ oñeñono tee vae jóvai! ¡YandeYa Tumpa ko Iyoambae!

ÉXODO 14:13

Jare Moisés jei chupe reta: —Agüɨye pekɨɨye, peyemboɨ täta, jare pemae añave yandeYa pereepɨta vae re; echa Egiptoɨgua reta añave peecha vae ngaraa ye ma peecha.

ÉXODO 3:6

Che ko jae neñemuñagüe Abraham, Isaac jare Jacob iTumpa. Jayave Moisés oñomi jova, echa okɨɨye omae vaerä Tumpa re.

ÉXODO 4:22

Jare rereta Faraón pe: “Körai jei cheYa: Israel jae ko cheraɨrɨpɨ.

ÉXODO 40:34

Jayave metei amapɨtu oñova tupao guakapi pegua, jare yandeYa iyemboetea omotɨnɨe tupao guakapi pegua.

ÉXODO 6:7

Jare poapota tëta chembaerä jare che aikota peTumparä; jare pe reta peikuaata che ko jae peYa Tumpa vae, pogüɨnoe mbaravɨkɨasɨ katu peyapo Egipto pe vae güi.

ISAÍAS 12:2

Tumpa ko jae chereroasayepe vae; tayeko jese, agüɨye takɨɨye, echa cheñepɨ̈roa ko jae, chetairari yandeYa kotɨño ko, jae ko chepɨ̈rata jare chereroasayepe vae.”

ISAÍAS 25:1

CheYa, nde ko jae cheTumpa; tambotuicha jare tamboete nderee, echa reyapo jeta mɨakañɨ, ndeyemongeta arakae güive voi ma reyapo vae, añete vae ko jare oyembopo vae ko.

ISAÍAS 45:17

Ërei yandeYa oepɨta jekuae avei pegua tëtaguasu Israel, jare ngaraa oñemomichiuka ani oñemomaraiuka reta opɨta jekuae avei rupi.

ISAÍAS 49:6

Jae jei körai: “Mbaetɨta royókuai, remopüa ye Jacob iñemuña reta vaeräño, Israel iñemuña jembɨregüe reta; roñono vi ko tembipe rami opaete tëtaguasu reta peguarä, reraja vaerä yereroasayepe amee vae opaete vae reta pe, ɨvɨ jembeɨ rupi ave.”

ISAÍAS 66:1

YandeYa jei körai: “Ara ko jae cheguapɨa jenda, jare ɨvɨ ko jae chepɨ jenda; jayave, ¿ketɨ pa pepuereta peyapo cherorä?, jare ¿ketɨ pa peñonota cheputuúa rendarä?

JEREMÍAS 3:23

Mbaetɨ etei mbaerä osirive oreve rosapúkai ɨvɨtɨ re vae; jaeño nde oreYa Tumpa re roväe yemborɨ.

JEREMÍAS 31:33

Ërei kuae ko jae morogüɨrökuavee päve ayapota tëta Israel ndive jókuae ara kuri vae: Añonota cheporookuai reta ipɨa pe, aikuatiata ipɨa re; jare aikota jae reta iTumparä jare jae reta yogüɨrekota chembaerä.

JEREMÍAS 32:38

Jare yogüɨrekota chembae retarä jare che aikota jae reta iTumparä.

HABACUC 3:13

Reyu reepɨ ndembae vae reta, nderembiparavo reta. Jeko kavimbae reta juvicha remboai jare iyɨvɨrigua reta.

ZACARÍAS 13:9

Jare jókuae jembɨregüe amoingeta tata pe, jare amondɨkuita, korepoti oyemondɨkui rami, jare ambokavita, oro oyembokavi rami. Jayave jae chereenɨita, jare che aenduta chupe, jare jaeta: ‘Tëta chembae’, jare jae jeita: ‘YandeYa ko jae cheTumpa.’ ”

San Lucas 1:77

Reikuaauka vaerä yemboasa imbae reta pe, Tumpa iñɨ̈ro vaerä chupe reta iyoa re.

San Lucas 2:30

Echa aecha ma ndeporomboasa.

San Juan 4:22

Pe reta pembaemboete yave, mbaetɨ peikuaa kia ko pemboete vae. Ore rombaemboete yave, roikuaa kavi ko kia romboete vae. Echa ore judío reta rupi Tumpa oporomboasata.

San Juan 5:23

Opaete vae omboete vaerä Taɨ, Tu omboete reta rami. Mbaetɨ omboete reta Taɨ vae, omboeteä ko Tu, ombou vae.

Hechos 4:12

Mbaetɨ yé kia re yandepuere yayemboasauka. Echa mbaetɨ oñemee ɨvɨ pegua reta pe ïru kia, jese yayemboasauka vaerä.

2 Corintios 5:19

kërai Tumpa ombopɨakatu jae ndive opaete ɨvɨ pegua reta Cristo rupi, agüɨye vaerä ma omboeko reta imbaeyoa reta re. Jare Tumpa yandeokuai ñamoërakua vaerä yembopɨakatu regua.

Efesios 2:22

Cristo rupi pe reta vi peyeapo metei rami, peiko vaerä Tumpa oikoarä, Espíritu rupi.

DEUTERONOMIO 10:21

Echa ikotɨño ko penoita opaete mbaemboete, jaeño ko peTumpa, oyapo peve opaete kuae mbaembae tuicha yae vae jare mɨakañɨ reta peecha vae.

Filipenses 2:11

jare opaete vae jei vaerä Jesucristo ko jae opaete vae iYa. Kuae rupi yandeRu Tumpa oyemboete vaerä.

Filipenses 4:13

Opaete chepuere ayapo Cristo re, echa jae chemomɨ̈rata.

Colosenses 2:9

Echa Cristo re ko oï opaete Tumpa imbaepuere,

Apocalipsis 15:3

Jare otairari reta Moisés Tumpa jembiokuai itairari jare Vecha kuimbae taɨrusu vae itairari pe, jei reve: “Oreya Tumpa Imbaepuere yae ete vae, tuicha yae jare oremopɨakañɨ yae ko nderembiapo reta. Jupi jare añetete ko nderemimbota reta, oporogüɨrovia vae reta Juvicha Guasu.

Apocalipsis 19:1

Kuae jaɨkue rupi aendu jeta yae vae reta iñeeäta reve ara pe, jei reve: “¡Aleluya! yemboasa, yemboete jare mbaepuere jae ko yandeYa Tumpa imbae.

JUECES 5:21

ɨesaɨ, ɨesaɨ ñɨma yae vae, ɨesaɨ Cisón pegua opaetei reporomboai. ¡Nde repɨ̈ro imbaepuere yae vae reta iyaseo re!