ÉXODO 14:30 - Biblia Guarani Tumpa Iñee

³⁰ Jökorai jókuae ara yandeYa güɨroasayepe Israel iñemuña reta Egiptoɨgua reta güi; jare Israel iñemuña reta oecha Egiptoɨgua reta jëogüegüe ɨguasu jembeɨ rupi.

ÉXODO 14:30 ပူးပေါင်းရင်းမြစ်များ

2 CRÓNICAS 32:22

Körai yandeYa oepɨ Ezequías jare Jerusalén pegua reta, Senaquerib mburuvicha guasu Asiria pegua imbaepuere güi jare opaete ïru reta ipo güi, jare omee mbɨakatu rupi yogüɨreko vaerä opaete iyɨvɨrigua reta ndive.

SALMOS 106:10

Jökorai, güɨroasayepe tovaicho reta güi, imotareɨa reta ipo güi.

SALMOS 106:8

Ërei Tumpa güɨroasayepe, oaɨu jee ramo; oechauka vaerä imbaepuere.

SALMOS 58:10

Oyeroviata jupi vae oecha yave kia oyepɨ chupe; ¡ipɨ oyoeta jupimbae reta jugüɨgüe pe!

SALMOS 59:10

Tumpa cheparareko vae ojota cherenonde, Tumpa omeeta aecha vaerä cherovaicho reta ikañɨtei.

SALMOS 91:8

Añetete nderesa pe etei remaeta jare reechata iyoa vae reta pe jepɨta vae.

ÉXODO 14:13

Jare Moisés jei chupe reta: —Agüɨye pekɨɨye, peyemboɨ täta, jare pemae añave yandeYa pereepɨta vae re; echa Egiptoɨgua reta añave peecha vae ngaraa ye ma peecha.

ISAÍAS 63:11

Ërei jókuae Israel iñemuña reta imaendúa arakae vae re, Moisés re jare opaete vae reta re, jare jei reta körai: “¿Ketɨ pa oime oï jókuae Tumpa güɨnoe imbae vae reta ɨguasu güi vae, ivecha reta iyangarekoa Moisés ndive vae? ¿Jókuae oñono Moisés iyɨvɨte pe iespíritu vae,

ISAÍAS 63:8

Echa jae jei: “Añetete chembae vae reta ko, cheraɨ mbaetɨ yapu vae reta.” Jae ko güɨroasayepe reta,

ISAÍAS 63:9

opaete mbɨatɨtɨ rupi yogüɨreko vae güi. Jae etei ko ou güɨroasayepe reta; jae ko oepɨ reta iporoaɨu rupi jare iporoparareko rupi, jare güeru reta jare omopüa reta jekuae avei pegua.

OSEAS 1:7

Ërei Judá pegua reta re anoita mboroparareko, jare che peYa Tumpa aepɨta; mbaetɨta aepɨ güɨrapa rupi, ani kɨsepuku rupi, ani ñeraro rupi, ani sundaro kavayu regua reta rupi.”

DEUTERONOMIO 4:34

¿Ani oime pa mbae nunga tumpa ou oiparavo tëtaguasu imbaerä ïru tëtaguasu güi vae, yemboaporova ndive, mɨakañɨ ndive, ñeraro ndive, imbaepuere yae jare ipo oporoiämondo yae reve, opaete oyapo perovake yandeYa Tumpa Egipto pe rami?

Judas 1:5

Jáeramo yepe tëi peikuaa ma, ërei aipota pomomaendúa ye kuae re: YandeYa güɨnoe Israel pegua reta Egipto güi. Ërei taɨkue rupi opa omokañɨtei jese güɨroviambae vae reta.

JUECES 10:11

Jare yandeYa jei Israel iñemuña reta pe: “Pe reta peiporara yae peikose Egiptoɨgua reta ipo pe, amorreo reta ipo pe, Amón iñemuña reta ipo pe, filisteo reta ipo pe,

1 SAMUEL 11:13

Ërei Saúl jei chupe reta: —Kuae ara mbaetɨ eteita kia omano, echa kuae ara yandeYa ko güɨroasayepe Israel iñemuña reta, jovaicho reta güi.

1 SAMUEL 14:23

Jökorai jókuae ara yandeYa güɨroasayepe Israel iñemuña reta jovaicho reta güi, jare oñoraro reta ojoi oväe Bet-avén pe.