ÉXODO 14:29 - Biblia Guarani Tumpa Iñee

²⁹ Israel iñemuña reta yogüɨraja ɨguasu ipäu otinía rupi; jare ɨ opüa ovapetea rami jae reta iyakatu kotɨ jare iyasu kotɨ.

ÉXODO 14:29 ပူးပေါင်းရင်းမြစ်များ

2 REYES 2:8

Jayave Elías oipɨɨ jemimonde iarambogua, omboyeapa jare oiporu ɨ re, jare ɨ oyemboyao oyougüi, jare oasa päve reta otinía rupi.

NEHEMÍAS 9:11

Remboyao ɨguasu chupe reta, jare jökorai oasa reta jókuae remotinía rupi; ërei jaɨkuemoñaa reta opa reitɨ ɨ rugua pe, ita oyeitɨ ɨ tɨpɨ yae vae pe rami.

SALMOS 106:9

Iñee omoë Ɨguasu Pɨ̈ta vae pe, jare oyemboyao. Jeta vae güɨroasa ɨ rugua rupi, ñuu rupi oasa rami.

SALMOS 136:13

Ɨguasu Pɨ̈ta vae omboyao vae, echa iporoparareko jekuae avei vae ko;

SALMOS 78:13

Omboyao ɨguasu, jare güɨroasa reta mbɨte rupi, ovapetea rami ɨ oyemboatɨ opɨta.

ÉXODO 14:22

Jare Israel iñemuña reta oike ɨguasu ipäu otinía rupi, jare ɨ opüa ovapetea rami jae reta iyakatu kotɨ jare iyasu kotɨ.

ÉXODO 15:19

Faraón oike kavayu re opo reve ikäretou reta ndive, jare isundaro reta kavayu re oike reta ɨguasu pe yave, yandeYa opa ye ɨguasu omboyerova jese reta; ërei Israel iñemuña reta oasa ɨvɨ otinía rupi, ɨguasu ipäu rupi.

ÉXODO 15:8

Nepɨ̈túe rupi oyemboatɨ ɨ; ɨaparúa reta oyemboatɨ meteia pe ovapetea rami; ɨguasu tɨpɨ yae vae opa ñasusu iyɨvɨte rupi.

ISAÍAS 11:15

YandeYa oipeata tape chupe reta Epigto pegua ɨguasu rupi, omopüata iyɨva ɨ̈aka Éufrates re, chiu pe opata omboyao jókuae ɨ̈aka, jare ipuereta oasa reta ipɨapaa omboimbae reve.

ISAÍAS 43:2

Ɨ reta reasa yave, che aïta nde ndive, ɨ̈aka reta reasa yave, ngaraa ɨ ndereraja; tata reasa yave, ngaraa rékai, ngaraa ave nderendɨ.

ISAÍAS 51:10

opa ko remondɨpa ɨguasu, ɨguasu rupi reyapo tape, reyoragüe reta oasa vaerä jokoropi.

ISAÍAS 51:13

Peakañɨ peYa peApoa güi, ara jare ɨvɨ iyapoa güi, ara ñavo pekaaru aru pekɨɨye oporombopɨatɨtɨ vae reta güi, oyemongeta pemokañɨtei vaerä yave. Ërei, ¿jama pa jókuae oporombopɨatɨtɨ vae reta iyarasɨ?

1 Corintios 10:1

Cherɨvɨ reta, aipota peikuaa kavi vaerä, kërai opaete ñaneñemuñagüe reta yogüɨreko jókuae amapɨtu igüɨ pe, jare opaete oasa reta ɨguasu.

JOSUÉ 3:16

jare ɨ ou ɨvate kotɨ güi vae opa opɨta meteia pe mombɨrɨ tëta Adam güi, tëta Saretán iyɨpɨ pe oï vae; jare ɨ ogüeyɨ Arabá, Ɨguasu Jembochɨ vae kotɨ vae opa tɨpa. Jökorai ɨ oyemboyao; jare opaete vae oasa Jericó oïa re katu.