ÉXODO 14:28 - Biblia Guarani Tumpa Iñee

²⁸ Jare ɨ opa ye oyea, jare opa oyasoi käretou reta, sundaro kavayu regua reta; opaete Faraón isundaro reta oike oaɨkuemoña ɨguasu ipäu rupi vae reta, mbaetɨ etei metei ave omomara.

ÉXODO 14:28 ပူးပေါင်းရင်းမြစ်များ

GÉNESIS 50:9

Yogüɨraja vi jupíe käretou ndive jare kavayu regua reta, jare oyeapo metei äpɨta tuichagüe.

GÉNESIS 7:18

Jare jeiete oyeupi ɨporu guasu, opaetei oyasoi ɨvɨ; jare arca ɨvate yae ma ovevɨi ɨ iárambo.

2 CRÓNICAS 20:24

Jare Judá pegua reta yogüeru oväe ɨvɨtɨ iyapɨte re yave, omae reta ñuu kotɨ jare oecha reta jeta vae tëogüe oyoa ɨvɨ rupi. ¡Metei ave mbaetɨ ojoyepe!

NEHEMÍAS 9:11

Remboyao ɨguasu chupe reta, jare jökorai oasa reta jókuae remotinía rupi; ërei jaɨkuemoñaa reta opa reitɨ ɨ rugua pe, ita oyeitɨ ɨ tɨpɨ yae vae pe rami.

SALMOS 106:22

jeta mɨakañɨ oyapo Cam iɨvɨ pe vae, mbae oporombopɨakañɨ yae vae oyapo Ɨguasu Pɨ̈ta vae pe vae.

SALMOS 136:15

Faraón isundaro reta ndive opa oyasoiuka Ɨguasu Pɨ̈ta vae pe vae, echa iporoparareko jekuae avei vae ko.

SALMOS 78:53

Güɨroata reta oyangareko kavi yae jese reve, jökorai agüɨye vaerä okɨɨye reta; ërei ɨguasu opa oyasoi jovaicho reta.

ÉXODO 14:13

Jare Moisés jei chupe reta: —Agüɨye pekɨɨye, peyemboɨ täta, jare pemae añave yandeYa pereepɨta vae re; echa Egiptoɨgua reta añave peecha vae ngaraa ye ma peecha.

ÉXODO 15:10

Ërei reipeyu ndeɨvɨtu pe, jare ɨguasu opa oyasoi reta; opa opɨta ɨ rugua yavaete yae vae pe, jiero oa ɨ rugua pe rami.

ÉXODO 15:19

Faraón oike kavayu re opo reve ikäretou reta ndive, jare isundaro reta kavayu re oike reta ɨguasu pe yave, yandeYa opa ye ɨguasu omboyerova jese reta; ërei Israel iñemuña reta oasa ɨvɨ otinía rupi, ɨguasu ipäu rupi.

HABACUC 3:13

Reyu reepɨ ndembae vae reta, nderembiparavo reta. Jeko kavimbae reta juvicha remboai jare iyɨvɨrigua reta.

DEUTERONOMIO 11:4

jare kërai oyapo Egipto pegua sundaro reta pe vae, ikavayu reta jare ikäretou reta pe, opa Ɨguasu Pɨ̈ta vae pegua pe oyasoi yogüeru reta tëi peraɨkue yave. YandeYa opa omokañɨtei reta.

Hebreos 11:29

Iporogüɨrovia rupi Israel iñemuña reta oasa Ɨguasu Pɨ̈ta vae ɨvɨ otini vae rupi rami; jare Egiptoɨgua reta oipota tëi oasa jae reta rami yave opa ɨ oyasoi.

JUECES 4:16

Ërei Barac omoña käretou reta jare sundaro reta Haroset-goim pe regua. Jókuae ara opaetei Sísara isundaro reta omano kɨsepuku pe, mbaetɨ etei jembɨre metei yepe.