ÉXODO 14:27 - Biblia Guarani Tumpa Iñee

²⁷ Jayave Moisés omopüa ipopoka ɨguasu re, jare köe ma ou yave ɨguasu täta yae rupi ou ye opa oyea, jare Egiptoɨgua reta otekuarai pota tëi yave oñoövaiti reta ɨguasu ndive; jökorai yandeYa opa oyuka Egiptoɨgua reta ɨguasu mbɨte pe.

ÉXODO 14:27 ပူးပေါင်းရင်းမြစ်များ

NEHEMÍAS 9:11

Remboyao ɨguasu chupe reta, jare jökorai oasa reta jókuae remotinía rupi; ërei jaɨkuemoñaa reta opa reitɨ ɨ rugua pe, ita oyeitɨ ɨ tɨpɨ yae vae pe rami.

SALMOS 106:11

Ɨ opa oyasoi jovaicho reta, mbaetɨ etei jembɨre metei ave.

SALMOS 136:15

Faraón isundaro reta ndive opa oyasoiuka Ɨguasu Pɨ̈ta vae pe vae, echa iporoparareko jekuae avei vae ko.

SALMOS 78:53

Güɨroata reta oyangareko kavi yae jese reve, jökorai agüɨye vaerä okɨɨye reta; ërei ɨguasu opa oyasoi jovaicho reta.

ISAÍAS 10:26

Che peYa Imbaepuere yae ete vae ainupata Madián pegua reta ayuka ɨvɨtɨ Oreb pe rami; chembaepuere amboyekuaata Asiria re, Egipto re amboyekuaa rami.

DEUTERONOMIO 11:4

jare kërai oyapo Egipto pegua sundaro reta pe vae, ikavayu reta jare ikäretou reta pe, opa Ɨguasu Pɨ̈ta vae pegua pe oyasoi yogüeru reta tëi peraɨkue yave. YandeYa opa omokañɨtei reta.

Hebreos 11:29

Iporogüɨrovia rupi Israel iñemuña reta oasa Ɨguasu Pɨ̈ta vae ɨvɨ otini vae rupi rami; jare Egiptoɨgua reta oipota tëi oasa jae reta rami yave opa ɨ oyasoi.

JOSUÉ 24:7

Jare jae reta oyerure cheve yave, che ambopɨtumimbi jae reta jaɨkue kotɨ, Egiptoɨgua reta jenonde, jare ɨguasu pe opa ayasoi Egiptoɨgua reta. Peñemuñagüe reta oecha Egipto pegua reta pe ayapo vae. Jaɨkue rupi pe reta peiko ɨma año ñuu rupi,

JOSUÉ 4:18

jare sacerdote reta, yandeYa ikäjou morogüɨrökuavee päve pegua güɨraja vae reta ñogüɨnoe ɨ̈aka Jordán güi ɨvɨ otinía pe oyemboɨ ñoete ɨ̈aka Jordán pegua ɨ opa ye oyea, jare oyepɨyere yere etei osɨrɨ ye tenonde rami.