ÉXODO 14:14 - Biblia Guarani Tumpa Iñee

¹⁴ YandeYa ko oñerarota pepoepɨka pe, jare pe reta mbaetɨta peyemoambeko.

ÉXODO 14:14 ပူးပေါင်းရင်းမြစ်များ

2 CRÓNICAS 20:15

Jare jei: “Peyeapɨsaka opaete Judá pegua reta jare Jerusalén pegua reta, jare nde, mburuvicha guasu Josafat. YandeYa jei peve körai: ‘Agüɨye pekɨɨye ani peyomongɨɨye jókuae jeta yae vae güi, echa yandeYa ko oñerarota, mbaetɨta ko pe reta.

2 CRÓNICAS 20:17

Mbaetɨta ko pe reta peñeraro. Peyemboɨ kïrii, jare peechata kërai yandeYa pereepɨ. ¡Judá pegua reta jare Jerusalén pegua reta, agüɨye pekɨɨye, agüɨye peyembopɨtu; peporepeña pɨareve jese reta, echa yandeYa oïta pe reta ndive!’ ”

2 CRÓNICAS 20:29

Kuae re oikuaa reta yave opaete tëtaguasu rupigua reta okɨɨye reta Tumpa güi, echa yandeYa oñoraro Israel jovaicho reta ndive.

NEHEMÍAS 4:14

Jare aecha okɨɨye reta ramo, apüa jare jae imboetea vae reta pe, sundaro ruvicha reta pe jare opaete vae reta pe: “Agüɨye pekɨɨye chugüi reta, pemaendúa yandeYa re, tuicha jare kɨɨyea yae vae ko, jare peñeraro perëtara reta re, peraɨ reta re, perayɨ reta re, jare perembireko reta re jare pero reta re.”

NEHEMÍAS 4:20

Jáeramo, peendu oñemoñee jókuae mimbɨguasu yave peyemboatɨ ore ndive, jare ñaneTumpa oñerarota yanderekovia pe.”

NEHEMÍAS 9:11

Remboyao ɨguasu chupe reta, jare jökorai oasa reta jókuae remotinía rupi; ërei jaɨkuemoñaa reta opa reitɨ ɨ rugua pe, ita oyeitɨ ɨ tɨpɨ yae vae pe rami.

SALMOS 35:1

CheYa Tumpa, epüa oyovaicho chekotɨ vae reta re; eñeraro oñoraro che ndive vae reta ndive.

SALMOS 50:3

Outa ñaneTumpa, ërei ngaraa kïriiño ou; jenonde outa tata oporomboai vae, iyɨ́vɨri rupi, ɨvɨtuai imbaepuere yae vae.

SALMOS 83:1

CheRu Tumpa, ¡agüɨye kïriiño eï! ¡Agüɨye kïrii epɨta nderenda pe neñeembae!

ÉXODO 14:15

Jayave yandeYa jei Moisés pe: —¿Maera pa peeka yemborɨ cheve? Ere Israel iñemuña reta pe toguata.

ÉXODO 14:25

jare opa vi güɨrokomegua ikäretou reta iruera, jare opa ombopɨa-këraiasɨ. Jayave Egiptoɨgua reta jei oyoupe: —Yatekuarai kuae Israel iñemuña reta güi, echa iYa Tumpa oñeraro jae reta jekovia pe yandekotɨ.

ÉXODO 15:3

YandeYa jae ko ñeraro regua. YandeYa, ¡jae ko jee!

ISAÍAS 30:15

YandeYa Tumpa, Iyoambae Israel pegua jei: “Pepɨagüiveño, agüɨye peyembokepegua, jare peasayepeta ko, echa jayave ko oime mɨ̈rata.” Ërei pe reta mbaetɨ peipota,

LAMENTACIONES 3:26

Ikavi ko kïriiño ñaäro yandeYa iporogüɨroasayepe.

DEUTERONOMIO 1:30

YandeYa Tumpa ko ojota perenonde, jae oñorarota peré, peecha Egipto pe oyapo rami.

DEUTERONOMIO 20:4

echa yandeYa Tumpa ko ojo pe ndive, oñoraro vaerä peré perovaicho reta ndive, pereroasayepe vaerä.’

DEUTERONOMIO 3:22

Agüɨye pekɨɨye chugüi, echa yandeYa Tumpa ko oñerarota peré.’

JOSUÉ 10:10

Jare yandeYa omongɨɨye yae Israel iñemuña reta güi, jökorai jeta yae oparapiti reta Gabaón pe, jare oporoaɨkuemoña reta Bet-horón kotɨ tape ojo vae rupi, jokoropi jekuae oyuka reta amorreo reta ojoi regua oväe Azeca jare Maceda pe.

JOSUÉ 10:14

Jare mbaetɨ ye jókuae rami tenonde yave ani taɨkue rupi, yandeYa oendu metei kuimbae iñee vae, echa yandeYa oñeraro Israel iñemuña reta jekovia pe.

JOSUÉ 10:42

Opaete kuae mburuvicha guasu reta, jare iɨvɨ reta Josué opɨ̈ro opaete voi, echa yandeYa Israel iTumpa oñeraro Israel iñemuña reta jekovia pe.

JOSUÉ 23:10

Metei kuimbae vaeño pegüi reta ombosɨita mil kuimbae, echa yandeYa Tumpa ko oñeraro perekovia pe, jae jei peve rami.

JOSUÉ 23:3

Jare pe reta peecha opaete kërai yandeYa Tumpa omoamɨri peve opaete kuae tëtaguasu reta vae; echa yandeYa Tumpa ko oñeraro perekovia pe.

JUECES 5:20

Ara güi yasɨtata reta oñeraro, jókuae oïa güi oñoraro rami Sísara ndive;

1 SAMUEL 4:7

filisteo reta omboɨpɨ okɨɨye, jare jei reta: “¡Ou Tumpa jae reta jeyupa pe! ¿Këraita pa añave yaiko? ¡Echa tenonde yave mbaetɨ jökorai!