ÉXODO 14:10 - Biblia Guarani Tumpa Iñee

¹⁰ Jare Faraón köi ma ou chugüi reta yave, Israel iñemuña reta omopüa iñäka, jare oecha Egiptoɨgua reta yogüeru jaɨkue yave okɨɨye yae ete reta, jare jäse reve oyerure reta yandeYa pe.

ÉXODO 14:10 ပူးပေါင်းရင်းမြစ်များ

2 CRÓNICAS 18:31

Jayave kuae reta oecha yave Josafat, oyemongeta reta jae ko mburuvicha guasu Israel pegua javoi oñova reta oñeraro vaerä jae ndive. Jayave Josafat osapúkai yandeYa pe, jare jae omborɨ. Tumpa ombosɨrɨ chugüi jovaicho reta;

NEHEMÍAS 9:9

Jare nde reecha oreñemuñagüe reta oiporara Egipto pe vae, jare reendu oyaeo reta Ɨguasu Pɨ̈ta vae pe vae.

SALMOS 106:44

Ërei jeseve, omae jese reta oiporara reta ñogüɨnoi yave, jare oendu chupe reta iyerure ipɨatɨtɨ reve vae,

SALMOS 107:13

Ërei oiporara ñogüɨnoi yave, osapúkai reta yandeYa pe, jare jae oepɨ mbɨatɨtɨ reta güi;

SALMOS 107:19

Ërei oiporara ñogüɨnoi yave osapúkai reta yandeYa pe, jare jae oepɨ mbɨatɨtɨ reta güi;

SALMOS 107:28

Jayave oiporara ñogüɨnoi yave osapúkai reta yandeYa pe, jare jae oepɨ mbɨatɨtɨ reta güi.

SALMOS 107:6

Ërei oiporara ñogüɨnoi yave osapúkai reta yandeYa pe, jare jae oepɨ mbɨatɨtɨ reta güi.

SALMOS 34:17

Jupi vae reta osapúkai, jare yandeYa oendu; jare oepɨ opaete ipɨatɨtɨ güi.

SALMOS 53:5

Joko pe oime kɨɨye yavaetegüe, yepe tëi mbaetɨ mbae jeko pegua okɨɨye vaerä. Echa Tumpa opa omoai perovaicho reta ikägüe, ñemomarai pe opɨtata, echa Tumpa güɨröɨro reta.

SALMOS 81:7

Resapúkai reyerure mbɨatɨtɨ iara pe jare che roepɨ; amboyevɨ ndeve ararɨapu rupi; rojäa ɨ Meriba jembeɨ pe.

ÉXODO 13:17

Faraón omaeño yogüɨraja Israel iñemuña reta güire, Tumpa mbaetɨ güɨraja tape köi vae rupi, filisteo reta iɨvɨ rupi oasa vae rupi; echa Tumpa oyemongeta agüɨye vaerä ipɨtu kuae tëta oecha yave ñeraro, jare oyerova reta ye Egipto kotɨ.

ÉXODO 15:25

Jare Moisés oyerure yandeYa pe, jare yandeYa oechauka chupe metei ɨvɨra; jókuae oitɨ ɨ pe, jare ombokavi ɨ. Jare joko pe yandeYa omee chupe reta mborookuai reta, joko pe ojäa jae reta iporogüɨrovia;

ISAÍAS 26:16

CheYa, reiporarauka oreve yave, roeka, orenupa yave, royerure.

ISAÍAS 7:2

Jare omombeu reta Acaz, David iñemuña pe körai: “Siriaɨgua reta oñemoïru Efraín pegua reta ndive.” Jayave mburuvicha guasu jare opaete vae orɨrɨi ipɨa okɨɨye güi, kaa pe ɨvɨra reta okana ɨvɨtu yave rami.

JEREMÍAS 22:23

Añave nde reiko pɨagüive ndero kavi pe, oñeova ɨ̈vɨrare reta Líbano pegua pe vae pe. ¡Ërei jaema reiporarata, jasɨ katu yae vae ou nderé yave! Kuña imembɨrasɨ oï vae rami.”

DEUTERONOMIO 9:7

Agüɨye peakañɨ pemboarasɨuka yandeYa Tumpa ñuu pe vae güi. Pepɨapochɨ ko yandeYa kotɨ ɨvɨ Egipto güi peë güive kuae pe peväe regua.

JOSUÉ 24:6

Peñemuñagüe reta anoe Egipto güi yave, Egiptoɨgua reta oaɨkuemoña Ɨguasu Pɨ̈ta vae kotɨ, ikäretou ñeraro pegua reta pe jare kavayu regua reta ndive.

JOSUÉ 24:7

Jare jae reta oyerure cheve yave, che ambopɨtumimbi jae reta jaɨkue kotɨ, Egiptoɨgua reta jenonde, jare ɨguasu pe opa ayasoi Egiptoɨgua reta. Peñemuñagüe reta oecha Egipto pegua reta pe ayapo vae. Jaɨkue rupi pe reta peiko ɨma año ñuu rupi,

1 Juan 4:18

Mboroaɨu oimea pe mbaetɨ kɨɨye, jaeño mboroaɨu ikavi yae vae ombosɨrɨ kɨɨye, echa kɨɨye güeru mbaeporara; jáeramo okɨɨye vae mbaetɨ ko oikuaa kavi Tumpa iporoaɨu.