ÉXODO 13:19 - Biblia Guarani Tumpa Iñee

¹⁹ Jayave Moisés güɨraja José jetegüe, jae güɨrökuaveeuka Israel iñemuña reta pe güɨraja vaerä jetegüe, jei reve: “Añetete Tumpa outa perenoe, jare perajata kuri jetegüe perupíe.”

ÉXODO 13:19 ပူးပေါင်းရင်းမြစ်များ

GÉNESIS 48:21

Jare Israel jei José pe: —Mase, che jaema amanota, ërei Tumpa oïta pe ndive, jae pereroyerova yeta ñaneñemuñagüe reta iɨvɨ pe.

ÉXODO 4:31

Jare opaete vae güɨrovia; oendu reta yandeYa ou ko Israel iñemuña reta omborɨ vae, jare oikuaa reta Tumpa oecha kërai oiporara yae reta ko vae yave, itɨndɨ reta omboete.

San Lucas 1:58

Jare Elisabet jëtaɨgua reta jare jëtara reta pe jërakua, kërai yandeYa oiparareko vae yave, jae reta oyerovia yae Elisabet ndive.

San Lucas 7:16

Jayave opaete vae okɨɨye. Omboete reta Tumpa, jei reve: —Ñeemombeúa tuichagüe oyekuaa yandepɨte pe. Tumpa ou yandemborɨ, yande tëta imbae vae reta.

Hechos 7:15

Jökorai Jacob ojo Egipto pe. Jare joko pe jae jare jókuae ñaneñemuñagüe reta opa omano.

Hechos 7:16

Jare opa jetegüe reta oyereru Siquem pe, joko pe oñotɨ reta tɨvɨa pe, Abraham ɨvɨ ogua Hamor taɨ reta güi vae pe.

Hebreos 11:22

Iporogüɨrovia rupi José omanota ma yave, jei Israel pegua reta pe oëta ko yogüɨraja Egipto güi vae; jare oyókuai reta jetegüe re.

JOSUÉ 24:32

Israel iñemuña reta oñotɨ Siquem pe José jetegüe, Egipto güi güeru reta vae, Jacob ogua ɨvɨ Hamor iñemuña reta güi cien reare korepoti pegua pe, Siquem tu güi; jókuae opɨta José iñemuña reta imbaerä.