ÉXODO 12:49 - Biblia Guarani Tumpa Iñee

⁴⁹ Kuae mborookuai eteiño vi toï kuae ɨvɨ pegua reta pe jare ketɨgua reta pepɨte pe yogüɨreko vae pe.”

ÉXODO 12:49 ပူးပေါင်းရင်းမြစ်များ

ÉXODO 12:50

Körai oyapo opaete Israel iñemuña reta; yandeYa oyókuai Moisés jare Aarón rami, jökorai oyapo reta.

LEVÍTICO 19:34

Pemae kavi jese reta, pe pemae oyoe rami; peaɨu, pe reta peyeaɨu rami; echa pe reta ketɨgua peikose yepi ɨvɨ Egipto pe. Che ko peYa Tumpa.

LEVÍTICO 24:22

Metei mborookuaiño toiko peveguarä jare ketɨgua reta peguarä. Echa che ko peYa Tumpa.”

NÚMEROS 15:29

Metei mborookuaiño toï peveguarä jare ketɨgua yogüɨreko pepɨte pe vae pe; metei mborookuaiño toï oikuaambae reve oyavɨ vae peguarä.

NÚMEROS 35:15

Kuae ova tëta guasu toñogüɨnoi tëta guasu reta ñepɨ̈rokarä Israel iñemuña reta pe, ketɨgua reta yogüɨreko pepɨte pe vae ani jokoropi oasa vae reta peguarä. Jokotɨ ipuere vaerä otekuarai kia nunga vae oyuka yave japicha oyemongetambae reve.

NÚMEROS 9:14

Jare ketɨgua yogüɨreko pepɨte pe vae, oyapo yave Pascua yandeYa pe, toyapo mborookuai Pascua regua jei rami etei. Metei mborookuaiño toiko opaete pegua, ketɨgua pe ani kuae ɨvɨ pegua pe.”

Gálatas 3:28

Mbaetɨ ma ko judío ani judiombae vae; mbaetɨ ma tembiokuai ani tembiokuaimbae vae, kuimbae ani kuña. Echa Cristo Jesús re opaete pe reta metei ramiño ko.

Colosenses 3:11

Jare kuae teko ipɨau vae pe mbaetɨ ma oyemboyoavɨ judiombae judío güi, oyembocircuncida vae oyembocircuncidambae güi, yaikuaambae ani ketɨgua, oyeokuai vae jare oyeokuaimbae vae, jaeño ko Cristo oiko jare oï opaete pe.