ÉXODO 12:33 - Biblia Guarani Tumpa Iñee

³³ Jare Egiptoɨgua reta omoangeko opa reta vaerä omoë iɨvɨ güi, echa jei reta: “¡Opata ñamano!”

ÉXODO 12:33 ပူးပေါင်းရင်းမြစ်များ

GÉNESIS 20:3

ërei ngatu Tumpa ou Abimelec pe ike pe pɨ̈tu yave, jare jei chupe: “Mase, remanota ko, kuña reruruka vae jeko pegua, echa omenda vae ko.”

SALMOS 105:38

Egiptoɨgua oecha opa ñogüɨnoe yogüɨraja yave, oyerovia reta, echa okɨɨye yae chugüi reta.

ÉXODO 10:7

Jayave Faraón jembiokuai reta jei: —¿Kërai yave pa ikueraita yandembosusere kuae kuimbae? Emaeño mo toyogüɨraja kuae kuimbae reta omboete vaerä iYa Tumpa. ¿Mbaetɨ pa reikuaa Egipto opa ma ko oyemboai oï vae?

ÉXODO 11:1

YandeYa jei yepe Moisés pe: —Metei mbae ikavimbae vae aru ye ñotai räri Faraón re jare Egipto re, jayave ramo jae omaeñota peo kuae güi; jae etei opata pemombo kuae güi.

ÉXODO 12:39

Jare omboyɨ reta mbɨyape oyembovumbaeño güeru reta Egipto güi vae, echa Egiptoɨgua reta opa ramboeve omoë iɨvɨ güi, mbaetɨ oyupavo reta oyapo vaerä tembíu iyeupe.

ÉXODO 6:1

YandeYa jei Moisés pe: —Añave reechata Faraón ndive ayapota vae; echa chembaepuere rupiño omaeñota peo, chembaepuere rupiño jae etei pemoëta iɨvɨ güi.

ISAÍAS 52:12

Echa ngaraa peë rai rai, jare ngaraa petekuarai; echa yandeYa ojota perenonde, Israel iTumpa ko pemboatɨta.

DANIEL 3:22

Jare mburuvicha guasu iporookuai aramoete pegua yae jeko pegua, omboakuasɨ yeyé reta ramo, tata jendɨvukugüe opa oyuka jókuae sundaro reta Sadrac, Mesac jare Abed-nego ovoɨ güɨraja omombo vae reta.