ÉXODO 12:31 - Biblia Guarani Tumpa Iñee

³¹ Jare jókuae pɨ̈tu Faraón oenɨiuka Moisés jare Aarón, jare jei chupe reta: —Peë cherëta güi, pe reta jare opaete Israel iñemuña reta, pekua pemboete peYa, pe pere rami.

ÉXODO 12:31 ပူးပေါင်းရင်းမြစ်များ

SALMOS 105:38

Egiptoɨgua oecha opa ñogüɨnoe yogüɨraja yave, oyerovia reta, echa okɨɨye yae chugüi reta.

ÉXODO 10:29

Jare Moisés jei: —Ikavi kuae rere vae; ngaraa ye ma aecha nderova.

ÉXODO 10:9

Moisés jei chupe: —Rojota oremichia reta ndive, ndechi reta ndive, oreraɨ reta jare orerayɨ reta ndive, orevecha reta jare oreguaka reta ndive; echa orearete tuicha yae vae ko oreYa peguarä.

ÉXODO 11:1

YandeYa jei yepe Moisés pe: —Metei mbae ikavimbae vae aru ye ñotai räri Faraón re jare Egipto re, jayave ramo jae omaeñota peo kuae güi; jae etei opata pemombo kuae güi.

ÉXODO 11:8

Jare yogüeruta opaete ndemborɨa reta cheróvai, jare oyetavatɨkata cheróvai jei reve: “Ekua, jare eraja opaete kuae tëta oï ndepo igüɨ pe vae.” Kuae jaɨkue rupi ramo aëta. Jare Moisés iyarasɨ yae oë ojo Faraón jóvai güi.

ÉXODO 12:39

Jare omboyɨ reta mbɨyape oyembovumbaeño güeru reta Egipto güi vae, echa Egiptoɨgua reta opa ramboeve omoë iɨvɨ güi, mbaetɨ oyupavo reta oyapo vaerä tembíu iyeupe.

ÉXODO 6:1

YandeYa jei Moisés pe: —Añave reechata Faraón ndive ayapota vae; echa chembaepuere rupiño omaeñota peo, chembaepuere rupiño jae etei pemoëta iɨvɨ güi.

ÉXODO 8:25

Jayave Faraón oenɨi Moisés jare Aarón, jare jei chupe reta: —Pekua, pemee mɨmba oyeyukagüe peTumpa pe kuae ɨvɨ peño.

ÉXODO 8:8

Jayave Faraón oenɨi Moisés jare Aarón, jare jei chupe reta: —Peyerure peYa kotɨ oekɨ vaerä chegüi pïte reta jare cherëta güi, javoi amaeñota yogüɨraja nerëtaɨgua reta, omee reta vaerä mɨmba oyeyukagüe peYa pe.

1 SAMUEL 6:6

¿Maera pa pepɨa täta Faraón jare Egiptoɨgua reta rami? Tumpa oiporarauka chupe reta yave jaɨkue rupi mbaetɨ omaeño yogüɨraja reta.