ÉXODO 12:28 - Biblia Guarani Tumpa Iñee

²⁸ Jare Israel iñemuña reta opa yogüɨraja oyapo, yandeYa oyókuai Moisés jare Aarón rami.

ÉXODO 12:28 ပူးပေါင်းရင်းမြစ်များ

2 SAMUEL 5:25

Jare David oyapo yandeYa jei chupe rami, jare opa omoamɨri filisteo reta Geba güive Gezer pe.

1 REYES 17:5

Jare jae oyapo yandeYa jei chupe rami; echa ojo jare oiko ɨ̈aka raɨ Querit iyɨ́vɨri Jordán jóvai, kuaraɨ oëa kotɨ.

ÉXODO 12:27

Pe pereta chupe reta: ‘Kuae ko oyeyuka Pascua pe yandeYa pe vae, jae oasa güɨraveño Israel iñemuña reta ñogüɨnoia iárambo rupi Egipto pe yave, yandeYa güeru yave mano Egiptoɨgua reta re jare omboasayepe yandero pegua reta.’ ” Jayave Israel iñemuña reta oyetavatɨka jare omboete yandeYa.

ÉXODO 12:29

Pɨare mbɨte rupi yandeYa güeru mano opaete membɨrɨpɨ kuimbae re ɨvɨ Egipto pe, Faraón taɨrɨpɨ oï mburuvicharä vae güive tembipɨɨ tembipɨɨrɨru pe oï vae taɨrɨpɨ ave, jare opaete mɨmba reta imembɨrɨpɨ kuimbae.

ÉXODO 12:35

Israel iñemuña reta oyapo Moisés oyókuai rami, oeka Egiptoɨgua reta pe mbae jepɨ vae korepoti pegua, oro pegua jare temimonde vi.

ÉXODO 14:4

Jare che amotätata Faraón ipɨa, peraɨkuemoña vaerä; jare ayemboeteukata Faraón rupi jare opaete isundaro reta rupi, jare oikuaata Egiptoɨgua reta che ko jae peYa vae.” Jare jae reta jökorai oyapo.

ÉXODO 36:1

Jayave, Bezaleel jare Aholiab, jare opaete kuimbae ipɨa arakuaa vae reta, yandeYa omee arakuaa katu chupe vae reta, oikatu vaerä oyapo opaete mbaravɨkɨ o mbaemboetea pegua vae toyapo, opaete mbaembae yandeYa oporookuai jese vae.”

ÉXODO 39:32

Körai opa oyeapo tupao guakapi peguarä vae, jare opaete mbaembae pɨpeguarä vae. Israel iñemuña reta oyapo yandeYa oyókuai Moisés rami kavi.

ÉXODO 39:42

Opaete mbaembae reta yandeYa oyókuai Moisés rami kavi, Israel iñemuña reta oyapo opaete mbaravɨkɨ.

ÉXODO 39:43

Jare Moisés omae opaete mbaembae re, jare oecha oyapo reta yandeYa oyókuai rami, jare jei ñee kavi chupe reta.

ÉXODO 7:10

Jökorai Moisés jare Aarón yogüeru Faraón pɨri jare oyapo reta yandeYa oyókuai rami. Jare Aarón oitɨ ɨvɨ re ipopoka Faraón jóvai jare oyeapo mboirä.

ÉXODO 7:6

Moisés jare Aarón oyapo yandeYa oyókuai rami;

LEVÍTICO 24:23

Jare Moisés imiari Israel iñemuña reta pe, jare jae reta güɨnoe teyupa güi, jókuae Tumpa oyangao vae, jare oyapi reta ita pe oyuka. Jökorai Israel iñemuña reta oyapo, yandeYa oyókuai Moisés vae rami.

NÚMEROS 1:54

Jare Israel iñemuña reta oyapo opaete mbaembae yandeYa oyókuai Moisés vae rami.

NÚMEROS 31:31

Moisés jare sacerdote Eleazar oyapo yandeYa oyókuai Moisés vae rami.

NÚMEROS 31:41

Jare omee Moisés yandeYa peguarä mbota, sacerdote Eleazar pe, yandeYa oyókuai rami.

NÚMEROS 31:47

jare jókuae mbɨte rupi omee Moisés Israel iñemuña reta pe vae güi oekɨ cincuenta ñavo güi metei, kuimbae ani mɨmba yepe, jare omee Leví iñemuña reta pe, yandeYa jo pe oparavɨkɨ vae reta pe, yandeYa oyókuai Moisés vae rami.

NÚMEROS 5:4

Jökorai oyapo Israel iñemuña reta, omombo reta jókuae nunga teyupa güi ikatu pe; yandeYa oyókuai Moisés vae rami.

DEUTERONOMIO 34:9

Jare Josué, Nun taɨ ipɨa arakuaa yae opɨta, echa Moisés oñono ipo jese; jare Israel iñemuña reta güɨrovia katu jese, jare oyapo reta yandeYa oyókuai Moisés vae rami.

Hebreos 11:28

Iporogüɨrovia rupi Moisés oyapo Pascua jare oñapiramo öke reta tugüɨ pe, agüɨye vaerä araɨgua mano jerúa oyuka Israel iñemuña taɨrɨpɨ reta.

JOSUÉ 14:5

Israel iñemuña reta omboyao iyeupe ɨvɨ, yandeYa oyókuai Moisés vae rami.

JOSUÉ 2:21

Jare Rahab jei: —Toiko jökorai, pe pere rami. Jayave Rahab opa omondo reta, jare opa yogüɨraja. Javoi jae oñapɨti jókuae tɨmasa pɨ̈ta vae ventana re.

JOSUÉ 4:8

Jare Israel iñemuña reta oyapo jökorai, Josué oyókuai reta rami. Ɨ̈aka Jordán mbɨte güi oupi reta doce ita; metei ñavo ita doce Israel iñemuña reta iñavo, jare güɨraja teyupa pe jare joko pe oñono reta yandeYa jei Josué pe rami.