ÉXODO 12:27 - Biblia Guarani Tumpa Iñee

²⁷ Pe pereta chupe reta: ‘Kuae ko oyeyuka Pascua pe yandeYa pe vae, jae oasa güɨraveño Israel iñemuña reta ñogüɨnoia iárambo rupi Egipto pe yave, yandeYa güeru yave mano Egiptoɨgua reta re jare omboasayepe yandero pegua reta.’ ” Jayave Israel iñemuña reta oyetavatɨka jare omboete yandeYa.

ÉXODO 12:27 ပူးပေါင်းရင်းမြစ်များ

1 CRÓNICAS 29:20

Javoi David jei opaete oyemboatɨ ñogüɨnoi vae reta pe: “Añave pemboete yandeYa Tumpa.” Jayave yatɨ vae reta omboete yandeYa, iñemuñagüe reta iTumpa, oyetavatɨka itindɨasɨ reve ombaemboete reta yandeYa jóvai jare mburuvicha guasu jóvai.

2 CRÓNICAS 20:18

Jayave Josafat oyetavatɨka itindɨasɨ ɨvɨ re, jaeramiño vi opaete Judá pegua reta jare Jerusalén pegua reta, oyetavatɨka yandeYa jóvai jare omboete reta.

2 CRÓNICAS 29:30

Jayave mburuvicha guasu Ezequías jare iyɨvɨrigua mburuvicha reta jei levita reta pe otairari vaerä yandeYa pe, David jare mbae re oecha voi vae Asaf iñee reta pe. Jare jae reta oyerovia yae reve otairari, jare oyetavatɨka reta omee vaerä mbaemboete.

NEHEMÍAS 8:6

Jayave Esdras omboete yandeYa Tumpa tuicha ete vae, jare opaete vae jei: ¡Amén! ¡Amén! Oupi reve ipo reta; jare oñemomichi reta jare omboete reta yandeYa Tumpa oyetavatɨka itindɨasɨ reve ɨvɨ re.

SALMOS 44:1

CheRu Tumpa, ore etei ko roendu, oreru reta imiari oreve vae, arakae yave reyapo jae reta iara pe vae re.

SALMOS 78:5

Jae oñono iporookuai Jacob peguarä, jare oñono mborookuai Israel peguarä; kuae re oyókuai ñaneñemuñagüe reta, oikuaauka vaerä taɨ reta pe.

ÉXODO 10:2

jare nde nemiari vaerä nderaɨ reta pe, nerɨmɨmino reta pe mbaembae reta ayapo Egipto pe vae, mɨakañɨ ayapo jese reta vae; peikuaa vaerä che ko jae peYa vae.

ÉXODO 12:11

Körai toñogüɨnoi jou reta vaerä: Toyupavo kavi toñogüɨnoi reta jare ipɨapaa tomonde reta, jare ipopoka ipo pe; jare tou reta jaɨai reve, echa che peYa iPascua ko.

ÉXODO 12:23

Echa yandeYa güeruta mano Egiptoɨgua reta re; jare oecha mbaerugüɨ öke iárambo jare iyɨke yɨke re yave, yandeYa oasata jókuae o jöke güi, jare ngaraa omaeño mano re oike vaerä pero pe oporoyuka.

ÉXODO 12:28

Jare Israel iñemuña reta opa yogüɨraja oyapo, yandeYa oyókuai Moisés jare Aarón rami.

ÉXODO 13:14

jare ïru ara rupi peraɨ reta oparandu yave peve: ‘¿Mbae pa ko kuae?’ Pe pereta chupe reta: ‘YandeYa orerenoe imbaepuere yae ete rupi Egipto güi, yeokuaiasɨ katu güi.

ÉXODO 13:8

Jókuae ara pemiarita peraɨ reta pe: ‘Oyeapo ko kuae, yandeYa oyapo oreve Egipto güi orerenoe yave vae jeko pegua.

ÉXODO 34:25

Agüɨye pemee mbɨyape oyembovugüe mɨmba oyeyukagüe jugüɨ ndive, agüɨye jembɨregüe peñovatu pɨareve peguarä mɨmba oyeyuka arete Pascua pe vae.

ÉXODO 34:8

Jayave Moisés jarembae pegua oyetavatɨka itindɨasɨ ɨvɨ re, jare omboete yandeYa.

ÉXODO 4:31

Jare opaete vae güɨrovia; oendu reta yandeYa ou ko Israel iñemuña reta omborɨ vae, jare oikuaa reta Tumpa oecha kërai oiporara yae reta ko vae yave, itɨndɨ reta omboete.

1 Corintios 5:7

Peyetɨo mbɨyape imbovúa indechigüe güi, peï vaerä mbɨyaperä ipɨau vae oyembovumbae rami. Echa Cristo ko vecha kuimbae taɨrusu vae yandePascua pegua, omano ma yanderé.

DEUTERONOMIO 16:2

Pascua iara pe pemee guaka jare vecha yandeYa Tumpa pe, jókuae jae oiparavo jee oïta pɨpea pe.

DEUTERONOMIO 16:5

Agüɨye pemee mɨmba oyeyuka Pascua pe vae oipotagüe tëta yandeYa Tumpa omee pevea pe.