ÉXODO 12:22 - Biblia Guarani Tumpa Iñee

²² Jare peipɨɨ metei yokuaa ñana hisopo jee vae, jare pemoäkɨ mbaerugüɨ ɨvɨñae pe oï vae pe, jare peipichɨ ɨvɨra öke iarambogua re jare öke iyɨke yɨke pe oï vae re; jare agüɨye metei ave toë jo jöke güi köe regua.

ÉXODO 12:22 ပူးပေါင်းရင်းမြစ်များ

SALMOS 51:7

Chetɨo ñana hisopo pe, jare taiko chekɨambae; cheyoe, jare taiko iroɨ tïiasɨ vae rami;

ÉXODO 12:7

Jare tomboɨru reta jugüɨ, jare toipichɨ reta jöke iyɨke re ɨvɨra oï yoyavi vae re jare vi ɨvɨra öke iárambo rupi oyepɨasa oï vae re, jókuae o pe okaru retataa pe.

ISAÍAS 26:20

Cherëtaɨgua reta, peike pero pe, jare peyokenda öke peike yave. Peñemi räri joko pe, yandeYa iyarasɨ oasa regua.

NÚMEROS 19:18

Javoi kuimbae ikɨambae oï vae toipɨɨ ñana hisopo, jare tomopöe jókuae ɨ pe, jare toñapiramo o guakapi pegua re, jare opaete mbaembae pɨpegua re, jare opaete joko pe ñogüɨnoi vae reta re, jare kia ikägüegüe oyavɨkɨ vae re, ani tëogüe ñana pe oï vae, kɨsepuku pe omano vae, ani omanoi vae, ani tɨvɨa re vae.

San Mateo 26:30

Jare opa yave otairari reta Tumpa pe, oë reta yogüɨraja ɨvɨtɨ Olivo kotɨ.

Hebreos 11:28

Iporogüɨrovia rupi Moisés oyapo Pascua jare oñapiramo öke reta tugüɨ pe, agüɨye vaerä araɨgua mano jerúa oyuka Israel iñemuña taɨrɨpɨ reta.

Hebreos 12:24

jare Jesús re, oporomoñoövaiti morogüɨrökuavee päve ipɨau ndive vae re, jare Jesús jugüɨ yandetɨo vae re, jókuae tugüɨ ikavi yae Abel jugüɨ omee vae güi.

Hebreos 9:1

Jáeramo, tenondegua morogüɨrökuavee päve pe oyókuai kërai omboete reta vaerä jókuae o mbaemboetea ɨvɨ pegua pe.

Hebreos 9:14

Vɨtei pa Cristo jugüɨ, echa jae Espíritu Santo oikoño mai vae rupi oñemee Tumpa pe ikɨambae etei, jókuae rupi oitɨo yandeyemongeta ikavimbae mano pegua güi, yayeokuai vaerä Tumpa oikove vae pe.

Hebreos 9:19

Echa Moisés opa güire omombeu Israel pegua reta pe opaete mborookuai reta, jayave oiporu toro taɨrusu vae reta jugüɨ jare kavara kuimbae reta jugüɨ, ɨ, vecharaagüe oñemopɨ̈tagüe jare ñana hisopo, pɨpe oñapiramo tembikuatía jare opaete vae reta,

JOSUÉ 2:19

Kia nunga vae oë yave ndero güi ikatu pe, jaeiño güɨnoita teko iyeupe imano re, jare ore ngaraa rogüɨnoi teko. Ërei ndero pe oï nde ndive vae re kia nunga vae oñono yave ipo, oreré toï teko.

1 Pedro 1:2

yandeRu Tumpa peparavo, ndei ɨvɨ oyeapo mbove oikuaa voi pe reta peyeapota ko taɨ retarä. Espíritu Santo peñono tee Tumpa peguarä, peñeereendu katu vaerä jare peyeyoe vaerä Jesucristo jugüɨ pe. Tumpa ipɨakavi jare ipɨakatu toï jeta pe reta ndive.