ÉXODO 12:15 - Biblia Guarani Tumpa Iñee

¹⁵ Chiu ara peuta mbɨyape oyembovumbae; jare tenondegua ara güive mbaetɨta peiporu mbɨyape imbovúa pero rupi; echa kuae Israel iñemuña reta ipɨte pe kia nunga vae jou yave mbɨyape oyembovugüe tenondegua ara güive chiúa ara rupi vae toyemombo ete kavi Israel iñemuña reta ipɨte güi.

ÉXODO 12:15 ပူးပေါင်းရင်းမြစ်များ

GÉNESIS 17:14

Kuimbae oyembocircuncidambae, jókuae nunga toyemombo jëtara reta ipɨte güi, echa oyavɨ ko cheporogüɨrökuavee päve kotɨ.

2 CRÓNICAS 30:21

Jökorai chiu ara Israel iñemuña reta Jerusalén pe ñogüɨnoi vae oyapo arete mbɨyape oyembovumbae mbaemboete pegua oyerovia reve. Jare sacerdote reta jare levita reta omboete ara ñavo yandeYa, otairari reta tembiporu reta tairari pegua ipu katu vae pe.

ESDRAS 6:22

Jare oyapo reta yerovia katu ndive arete mbaemboete pegua mbɨyape oyembovumbae pegua chiu ara, yandeYa omee ye oyerovia reta vaerä jeko pegua, jare oipoepɨ mburuvicha guasu Asiria pegua ipɨa ikotɨ reta, omomɨ̈rata vaerä omopüa Tumpa jo, Israel iTumpa.

ÉXODO 12:8

Jare jókuae pɨ̈tu tou reta soo oyeapegüe jare mbɨyape oyembovumbae; ñana iro vae ndive tou reta.

ÉXODO 13:3

Jare Moisés jei opaete vae pe: “Pemaendúa kuae ara peñerenoe Egipto güi vae re, yeokuaiasɨ katu güi, echa yandeYa perenoe kuae güi imbaepuere rupi. Jáeramo agüɨye peu mbɨyape oyembovugüe.

ÉXODO 23:15

Toyeapo cheve arete mbɨyape oyembovumbae regua; chiu ara peuta mbɨyape oyembovumbae, che poyókuai rami, jae ko yasɨ Abib pe, echa kuae yasɨ pe peë Egipto güi; jare agüɨye metei ave ipogüɨrai tou cheróvai.

ÉXODO 30:33

Kia nunga vae oyapo yave kuae rami etei mbae ikäti kavi vae, jare opɨyere yave oipotagüe kuimbae re, toyemombo ete kavi jëtara reta ipɨte güi.’ ”

ÉXODO 30:38

Kia nunga vae oyapo yave kuae rami etei oëtu vaerä, toyemombo ete kavi jëtara reta ipɨte güi.”

ÉXODO 31:14

Jayave pemboete ara mbutuu pegua oñeñono tee ko peveguarä; kuae ara omboetembae tomano. Echa oipotagüe oyapo yave mbaravɨkɨ kuae ara, jókuae nunga toyemombo ete kavi Israel iñemuña reta ipɨte güi.

ÉXODO 34:18

Peyapo arete mbɨyape oyembovumbae pegua; chiu ara peu mbɨyape oyembovumbae, che poyókuai rami, yasɨ Abib pe che amombeu pevea pe, echa yasɨ Abib pe peë Egipto güi.

ÉXODO 34:25

Agüɨye pemee mbɨyape oyembovugüe mɨmba oyeyukagüe jugüɨ ndive, agüɨye jembɨregüe peñovatu pɨareve peguarä mɨmba oyeyuka arete Pascua pe vae.

LEVÍTICO 17:10

Oipotagüe kuimbae Israel iñemuña reta güi ani ketɨgua reta yogüɨreko pepɨte pe vae güi jou yave tugüɨ, che tayovaicho jókuae tugüɨ jou vae ndive, che tamombo ete kavi jëtara reta ipɨte güi.

LEVÍTICO 17:14

echa opaete mɨmba oikove vae, tugüɨ re ko güɨnoi tekove. Jáeramo jae Israel iñemuña reta pe agüɨye vaerä jou mɨmba jugüɨgüe, echa opaete mɨmba tugüɨ re ko oikove, oipotagüe jou tugüɨ vae toyemombo ete kavi.

MALAQUÍAS 2:12

¡YandeYa omokañɨta Jacob iñemuña reta ipɨte güi kia nunga jökorai oyapo vae, jare oipotagüe güeru tëi mbota yandeYa Imbaepuere yae ete pe vae!

NÚMEROS 28:17

Jare ara quince pe jókuae yasɨ, arete ikavi yae vae; chiu ara toyeu mbɨyape oyembevumbae.

NÚMEROS 9:13

Ërei mbaetɨ oyapo Pascua vae, yepe tëi mbaetɨ ikɨa ani ketɨ ojo; jókuae nunga toyemombo ete kavi jëtara reta ipɨte güi. Mbaetɨ omee mbota yandeYa pe oñemeeta tëi vae jeko pegua, toiporara iyoa re.

San Mateo 16:12

Jayave ramo jemimboe reta oikuaa Jesús mbaetɨ ko jei chupe reta mbɨyape imbovúa re vae. Jaeño ko oyeandu vaerä fariseo reta jare saduceo reta iporomboe güi.

San Lucas 12:1

Jare jeta yae oyemboatɨ Jesús oïa pe, jare oñomoaña moaña. Jayave Jesús tenonde jei jemimboe reta pe: “Peyeandu fariseo reta iporomboe güi. Echa jae reta jova mókoi vae reta ko.

San Lucas 2:43

Jare oasa ma arete Pascua yave, José jare Jesús ichɨ oyerova ye jëta kotɨ yave Jesús opɨta Jerusalén pe jae reta oikuaambae reve.

Hechos 12:3

Jare Herodes oecha kuae oyapo vae ikavi judío reta pe yave, oipɨɨuka vi Pedro. Jókuae ara reta pe judío reta oyapo arete oyeu vaerä mbɨyape oyembovumbae.

Gálatas 5:12

¡Mbae mona oyeapiao ete voi mo jókuae pomoambeko vae reta!

DEUTERONOMIO 16:3

Agüɨye peu mɨmba oyeyukagüe ndive mbɨyape oyembovugüe, chiu ara peu mbɨyape oyembovumbae, mbɨyape mbɨatɨtɨ pegua, echa mbaetɨ peë pɨagüive ɨvɨ Egipto güi, kuae ko pemaendúa vaerä opaete ara rupi kërai peë ɨvɨ Egipto güi vae re.

DEUTERONOMIO 16:5

Agüɨye pemee mɨmba oyeyuka Pascua pe vae oipotagüe tëta yandeYa Tumpa omee pevea pe.

DEUTERONOMIO 16:8

Ova ara peu mbɨyape oyembovumbae, jare chiúa ara pe peyemboatɨ arete ikavi yae vae peyapo vaerä yandeYa Tumpa peguarä, agüɨye mbae nunga mbaravɨkɨ peyapo jókuae ara.