ÉXODO 10:26 - Biblia Guarani Tumpa Iñee

²⁶ Orerɨmba reta rogüɨrajata vi ko orerupíe, ngaraa metei ipɨ̈sa ave opɨta; echa chugüi reta roipɨɨta romee oreYa Tumpa pe, jare mbaetɨño roikuaa mbae pe romboeteta oreYa rojo ma roväe yave.

ÉXODO 10:26 ပူးပေါင်းရင်းမြစ်များ

ÉXODO 10:25

Jare Moisés jei chupe: —Nde remeeta vi ko oreve mɨmba oyeyuka vaerä jare mɨmba oyeyukagüe opaetei oyeapɨ vaerä vae, orepuere vaerä royuka romee oreYa Tumpa pe.

ÉXODO 10:9

Moisés jei chupe: —Rojota oremichia reta ndive, ndechi reta ndive, oreraɨ reta jare orerayɨ reta ndive, orevecha reta jare oreguaka reta ndive; echa orearete tuicha yae vae ko oreYa peguarä.

ÉXODO 12:32

Peraja vi pevecha jare peguaka reta peipota rami, pekua jare peyerure vi cheré.

ÉXODO 8:27

Mboapɨ ara roguatata ñuu rupi, jare romeeta mɨmba oyeyukagüe oreYa Tumpa pe, jae oreokuai rami.

PROVERBIOS 3:9

Emboete yandeYa mbaembae renoigüe pe, jare opaete ndembaagüɨyerɨpɨ reta pe.

ISAÍAS 23:18

Ërei opaete omonganagüe oñeñono teeta yandeYa peguarä, mbaetɨta omboɨru ani oñovatu reta iyeupe, omee retata yandeYa jembiokuai reta pe, jae reta ogua vaerä jeta tembíu jare temimonde ikavigüe.

OSEAS 5:6

Ivecha reta reve jare iguaka reta reve yogüɨrajata oeka yandeYa, ërei ngaraa oväe reta chupe, echa jae osɨrɨ chugüi reta.

ZACARÍAS 14:20

Jókuae ara rupi kavayu iyayu regua kapana raɨ re ave oyekuatiata: “YandeYa pe oñeñono tee vae.” Jare yapepo reta yandeYa jo pegua mɨmba oyeyuka oyeapɨ jese vae pegua tasa guasu ramita.

2 Corintios 8:5

Jare oyapo reta jeta yeyé ore roäro vae güi. Echa tenonde oñemee reta yandeYa pe, javoi joko güi oreve vi, Tumpa jemimbota rupi.

Hebreos 11:8

Iporogüɨrovia rupi Abraham, Tumpa oenɨi yave ojo, Tumpa güɨrökuavee omeeta ɨvɨ imbaerä vae kotɨ; oë ojo oikuaambae reve ketɨ ko ojo vae kotɨ.