ÉXODO 10:23 - Biblia Guarani Tumpa Iñee

²³ Mbaetɨ kia ave ipuere oecha japicha, jare mbaetɨ kia ave oë oïa güi mboapɨ ara rupi; ërei opaete Israel iñemuña reta güɨnoi tembipe jo rupi.

ÉXODO 10:23 ပူးပေါင်းရင်းမြစ်များ

ÉXODO 14:20

jare oñeñono Egiptoɨgua reta jare Israel iñemuña reta ipäu pe; Egiptoɨgua reta pe amapɨtu ombopɨtumimbi, ërei Israel iñemuña reta pe omboesape pɨ̈tu yave; jáeramo jókuae pɨ̈tu Egiptoɨgua reta mbaetɨ ipuere oupitɨ Israel iñemuña reta.

ÉXODO 7:25

Oasa chiu ara, yandeYa oyapo güire kuae mɨakañɨ ɨ̈aka re.

ÉXODO 8:18

Jare imbaekuaa vae reta jökorai vi oyapo tëi, imbaekuaa rupi oyapo vaerä kɨ́; ërei mbaetɨ ipuere oyapo reta. Jare ikɨ opaete kuimbae reta jare opaete mɨmba reta.

ÉXODO 8:19

Jayave imbaekuaa vae reta jei Faraón pe: —¡Tumpa imbaepuere ko kuae! Ërei Faraón ipɨa oñemotäta, mbaetɨ oipota oyeapɨsaka jae reta iñee re, yandeYa jei rami.

ÉXODO 8:22

Ërei jókuae ara che añono teeta ɨvɨ Gosén, echa joko pe tëta chembae oiko; agüɨye vaerä metei mbae nunga mberu ave oï jókuae ɨvɨ pe, reikuaa vaerä che ko peYa jókuae ɨvɨ pe oï vae.

ÉXODO 9:26

Jaeño ete ɨvɨ Gosén pe, Israel iñemuña reta yogüɨrekoa pe mbaetɨ oa amandau.

ÉXODO 9:4

Jare che amboyaota Israel iñemuña reta jɨmba Egiptoɨgua reta jɨmba güi; jökorai mbaetɨta omano Israel iñemuña reta jɨmba.’ ”

ISAÍAS 42:16

Jesambae reta arajata tape, jae reta oikuaambaea rupi, jae reta japerä rupi pɨtumimbi amoembipeta, tape pɨ̈chɨi vae ambokavita. Kuaekuae, ayapota chupe reta, mbaetɨta aeya reta jae aeño.

AMÓS 4:7

“Jare amombɨta vi ama pegüi mboapɨ yasɨ ndei mbaarɨvo mbove; amongɨ metei tëta guasu reño, ïru tëta guasu re mbaetɨ amongɨ; amogüe kó re okɨ, ïru kó re mbaetɨ okɨ vae opa ipiru;

MALAQUÍAS 3:18

Jayave pe reta peikuaa yeta jupi vae jare jupimbae vae, Tumpa pe oyeokuai vae jare mbaetɨ oyeokuai chupe vae.”

Colosenses 1:13

YandeRu yandereepɨ ma mbaepuere pɨtumimbi pegua güi, jare yandereroyakavo ma Taɨ oaɨu vae iporookuaía pe;

JOSUÉ 24:7

Jare jae reta oyerure cheve yave, che ambopɨtumimbi jae reta jaɨkue kotɨ, Egiptoɨgua reta jenonde, jare ɨguasu pe opa ayasoi Egiptoɨgua reta. Peñemuñagüe reta oecha Egipto pegua reta pe ayapo vae. Jaɨkue rupi pe reta peiko ɨma año ñuu rupi,

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.