ÉXODO 1:11 - Biblia Guarani Tumpa Iñee

¹¹ Jáeramo, oñono reta iárambo mbaravɨkɨ re oyangareko vae reta, oyapouka vaerä chupe reta mbaravɨkɨ ipoɨ vae; jare oyapo reta mburuvicha guasu pembaagüɨye jɨrurä, tëta Pitón pe jare Ramesés pe.

ÉXODO 1:11 ပူးပေါင်းရင်းမြစ်များ

GÉNESIS 15:13

Jayave yandeYa jei Abram pe: —Añetete, neñemuña reta yogüɨrekota ɨvɨ ambuae pe, joko pe yogüɨreko retata tembiokuai oyeguagüe rami, jare oiporara retata cuatrociento año rupi.

GÉNESIS 47:11

Jökorai José omee yogüɨreko vaerä tu jare tɨkeɨ reta Egipto pe, ɨvɨ ikavi yae vae pe, Ramesés pe, Faraón jei rami.

1 REYES 9:19

Jökoraiño vi omopüa ye opaete tëta guasu reta tembíu omboɨru pɨpe vae, jare käretou ñeraro pegua reta jenda, jare kavayu regua reta jëta, jare opaete Salomón ikɨ̈reɨ oyapo Jerusalén pe vae, Líbano pe jare opaete ɨvɨ güɨnoi ipo pe vae pe.

2 CRÓNICAS 16:4

Jare Ben-adad ikɨ̈reɨ omborɨ mburuvicha guasu Asa, jare omondo isundaro ruvicha reta oporepeña vaerä tëta guasu reta ɨvɨ Israel pegua re. Jökorai opɨ̈ro reta Ijón, Dan, Abel-maim jare opaete tëta guasu reta tembíu oñeñovatúa Neftalí pegua.

2 CRÓNICAS 8:4

jare omopüa pɨau ye tëta Tadmor ñuu pe jare opaete tëta guasu reta tembíu oñeñovatu pɨpe vae, Hamat pe omopüa vae.

SALMOS 105:13

jare yogüɨraja reta yepi tëtaguasu ñavo rupi, mborookuaía oimea ñavo rupi,

SALMOS 129:1

Tei añave opaete Israel iñemuña reta: “Chembopɨatɨtɨuka yae reta chetaɨrusu güive, ërei mbaetɨ chemoamɨri reta.

SALMOS 68:13

ërei pe reta opa peñemi. ¡Pɨkasu ipepo korepoti pe oñeovagüe rami! ¡Pɨkasu jaa oñeova oro pe rami!

SALMOS 81:6

“Ambogüeyɨ voɨta ndeatiɨ güi, ndepo reta opoi mbaravɨkɨ ipoɨ vae güi.

ÉXODO 1:14

Oiporarauka yae chupe reta mbaravɨkɨ rupi, oyapouka chupe reta tuyuapo jare ladrillo jare opaete mbaravɨkɨ kó rupigua rupi; jare opaete mbaembae oyapouka chupe reta vae rupi omombaravɨkɨasɨ katu yae.

ÉXODO 2:11

Moisés okuakuaa ma yave, metei ara ojo jëtara reta ñogüɨnoia pe; jare oecha oiporara yae reta mbaravɨkɨ ipoɨ vae, jare oecha vi metei Egiptoɨgua oinupa güɨnoi metei jëtara hebreo.

ÉXODO 3:7

Jaɨkue rupi yandeYa jei ye: —Aecha kavi ko Egipto pe tëta chembae oï vae, jare aendu iyerure mbɨatɨtɨ reve vae, oiporara yae mbaravɨkɨ iyangarekoa reta güi jeko pegua; aikuaa katu ko jembiporara reta.

ÉXODO 5:10

Jayave mbaravɨkɨ re omae vae reta jare oparavɨkɨ vae reta juvicha reta yogüɨraja jei oparavɨkɨ vae reta pe: —Faraón omee mborookuai agüɨye vaerä ma oñemee peve kapii.

ÉXODO 5:15

Jare Israel iñemuña reta güi mbaravɨkɨ re oyangareko vae reta yogüɨraja Faraón pɨri, jei reta reve chupe: —¿Maera pa körai oreapo ore nderembiokuai reta?

ÉXODO 5:8

Ërei tenonde rupi ladrillo oyapo yogüɨreko ramiño peyapouka chupe reta. ¡Agüɨye etei toata toyapo reta! Echa iyakɨ reta ko, jáeramo jei reta: “¡Yaja ñamee mɨmba oyeyukagüe ñaneTumpa pe!”

PROVERBIOS 27:4

Arasɨ ikaviä yae ko, arasɨ rai yavaete yae ko, ërei ñemotareɨ mbaetɨ kia ipuere güɨropɨa.

NÚMEROS 20:15

Oreñemuñagüe reta yogüɨraja Egipto pe, jare ɨma roiko joko pe, ërei Egiptoɨgua reta oiporarauka oreve, oreñemuñagüe reta pe rami.

DEUTERONOMIO 26:6

Ërei Egiptoɨgua reta orerekoasɨ katu, oiporarauka oreve, jare oreokuaiasɨ katu.