ESTER 9:31 - Biblia Guarani Tumpa Iñee

³¹ omoañete vaerä kuae ara Purim iara oñemokañɨmaa oï vae, Judáɨgua Mardoqueo jare mburuvicha guasu jembireko Ester oporookuai rami. Jae reta ombojee ma iyeupe jare iñemuña reta pe, oyemomaendúa avei vaerä isapúkai poi mbɨatɨtɨ reve vae re jare oyekuaku poi reta tembíu güi vae re.

ESTER 9:31 ပူးပေါင်းရင်းမြစ်များ

2 CRÓNICAS 35:25

Jare Jeremías oyapo metei tairari mbɨatɨtɨ pegua Josías imano re. Opaete kuimbae jare kuña oikatu otairari vae reta omboaɨkuere kuae tairari reta mbɨatɨtɨ pegua Josías re añave rupi. Kuae tairari oñejäa opaete Israel pe jare oime oyekuatía oï tairari reta mbɨatɨtɨ pegua oyekuatiaa pe.

ESTER 4:16

“Ekua emboatɨ opaete Judáɨgua Susa pe ñogüɨnoi vae, jare peyekuaku tembíu güi cheré, agüɨye pekaru jare peɨu mboapɨ ara, ara rupi jare pɨ̈tu rupi; jökoraita vi che ayapo cherembiokuai kuñatai reta ndive, jare jaɨkue rupi aiketa mburuvicha guasu oïa pe, yepe tëi mbaetɨ mborookuai jökorai; cheyuka yave tacheyuka.”

ESTER 4:3

Jare ɨvɨ oyemboyao vae ñavo rupi mburuvicha guasu omee mborookuai vae ojo oväea pe, Judáɨgua reta ipɨatɨtɨ yae, oyekuaku reta tembíu güi, oyaeo mbɨatɨtɨ ndive; jare jeta amogüe reta jemimonde mbɨatɨtɨ pegua ndive oke tanimbu re.