ESTER 9:25 - Biblia Guarani Tumpa Iñee

²⁵ Ërei Ester ou yave mburuvicha guasu jóvai, omee mborookuai jókuae ipɨapochɨ vae oyemongeta oyapota tëi rami, chupe oyeapo vaerä, jökorai Amán jare taɨ reta opa oeterasa ɨvɨra re.

ESTER 9:25 ပူးပေါင်းရင်းမြစ်များ

1 REYES 8:32

eendu ara pe jare eyapo jupi vae nderembiokuai pe. Jeko vae toiporara jeko re aeño, jare jekombae pe eyapo jupi vae jeko kavi rupi.

ESTER 3:6

Ërei mbaetɨ oipota oiporarauka Mardoqueo peño, echa oyekuaauka ma chupe reta kiaɨgua ko jae vae; jare Amán oeka kërai opa vaerä omokañɨtei Mardoqueo jëtara Judáɨgua reta, Asuero iporookuaía pe ñogüɨnoi vae.

ESTER 7:10

Jökorai oeterasa reta Amán ɨvɨra omokätɨro tëi Mardoqueo peguarä vae re. Jökorai mburuvicha guasu iyarasɨ poi.

ESTER 7:4

echa che jare cherëtaɨgua reta roñemee roï opa vaerä romano jare opa vaerä rokañɨtei. Tembiokuairä roñemee yave chekïriiñota tëi; ërei jókuae tovaicho oyapogüe ngaraa etei jaekavi mburuvicha guasu iporookuaía peguarä.

ESTER 7:5

Mburuvicha guasu Asuero jei Ester pe: —¿Kia pa, jare ketɨ pa oime oï jókuae oyemongeta ikavimbae yae oyapo vaerä vae?

SALMOS 140:8

CheYa Tumpa, agüɨye emee iyoa vae pe ipɨa jemimbota; agüɨye emaeño toë kavi chupe iyemongeta reta, agüɨye vaerä oyembotuicha.

SALMOS 140:9

Opaete oyere cheré vae reta, ¡iñee ikavimbae aeño, toiporara reta!

SALMOS 141:10

Jupimbae reta toa iñuai pe aeño, che aja ramboeve tenonde.

SALMOS 7:16

¡Mbaeyoa oyapogüe oiporarata! Iporogüɨrekoasɨ katu ko oyevɨta chupe.

SALMOS 7:17

Amboeteta cheYa, echa jae ko jupi vae, atairarita cheYa jee pe, cheYa Tuichagüe yae ete vae jee pe.

SALMOS 94:23

Jae ko omboyevɨta jeko aeño iyoa vae reta re. ¡YandeYa Tumpa ko opata omokañɨtei reta!

PROVERBIOS 26:27

Ɨvɨkua oyoo vae, jae yeño oata pɨpe; ita omboyapayere vae, ikotɨi oyapayereta ou.

PROVERBIOS 5:22

Iyoa vae oyepokoita jeko pe aeño; jare oñeapɨtiukata iyoa pe aeño.

ISAÍAS 22:25

Jókuae ara, okuéta jókuae clavo täta oyekutu oï tëi rami vae; oyeekɨta jare oata, opaete mbaembae oyembosagüɨu rami oï jese vae oata jare opata oyeka.’ ” Jei yandeYa Imbaepuere yae ete vae.

ABDÍAS 1:15

Ïru reta pe peyapo rami oyeapota vi pe ndive: ¡Jókuae peyapo vae jekoviata peve! Köi ma oï yandeYa iporojäa iara opaete tëtaguasu reta peguarä.

San Mateo 21:44

Oime kia nunga vae jókuae ita re ipɨ̈sa-yeyuka yave, oñemopëta ko. Jare kia re jókuae ita oa yave, opata omonguruvi.

1 SAMUEL 25:39

Jare David oikuaa yave Nabal omano, jei: —¡Toyemboete yandeYa, echa jae oyepɨ cheve Nabal ikavimbae oyapo cheve vae re! ¡Jae chereepɨ ikavimbae ayapota tëi vae güi, Jare yandeYa etei oitɨ Nabal re jembiapo ikavimbae! Kuae jaɨkue rupi David omondo omomiari Abigail, güeru vaerä jae jembirekorä.