ESTER 9:22 - Biblia Guarani Tumpa Iñee

²² Echa jókuae ara Judáɨgua reta oyepɨ jovaicho reta re, ara jare yasɨ mbɨatɨtɨ pegua oyepoepɨ yerovia katu pe, ara kavi pe; kuae ara oyapo reta okaru vaerä yerovia ndive, oyombopota reve jare omee reve mbae paravete vae reta pe.

ESTER 9:22 ပူးပေါင်းရင်းမြစ်များ

ESTER 9:19

Jáeramo, Judáɨgua reta yogüɨreko tëta raɨ oñekësembae rupi vae, ara catorce yasɨ Adar pe oyapo reta arete, oyerovia reve jare oyombopota reta mbae pe.

ESTER 9:21

Oyókuai reve oyapo reta vaerä arete ara catorce jare ara quince yasɨ Adar pe, año ñavo.

ESTER 9:23

Jare Judáɨgua reta omboɨpɨ oyapo avei jókuae oasa jae reta ndive vae regua, Mardoqueo jembikuatía rupi oyókuai vae rami.

SALMOS 103:2

Tamboete cheYa, opaete chepɨa ndive; agüɨye tacheakañɨ metei iporerekua güi ave.

SALMOS 149:7

peyepɨ vaerä tëtaguasu reta re, peiporarauka vaerä Tumpa kotɨ oyembopɨapochɨ vae reta pe,

SALMOS 30:11

Chepɨatɨtɨ reipoepɨ cheve yerovia katu pe, temimonde mbɨatɨtɨ pegua remboi chegüi, jare chemboemimonde yerovia katu pe.

SALMOS 30:12

Jáeramo, atairarita ndeve mbaemboete pegua, mbaetɨta kïriiño apɨta, romboete aveita cheYa Tumpa.

SALMOS 37:15

Ërei ikɨsepuku pe aeño omanota, jare igüɨrapa reta opata oñemopë.

ISAÍAS 14:3

Tëta Israel, yandeYa ndemombutuu opaete mbɨatɨtɨ reta güi, mbaembae reiporara vae güi, jare yeokuaiasɨ katu pe neñono reta vae güi yave,

ZACARÍAS 8:19

“Yekuaku tembíu güi irundɨa yasɨ pegua vae, jare pandepoa pegua jare chiúa pegua, jare payandepoa pegua vae oyepoepɨta Judá pegua reta pe mbɨakatu pe, yerovia katu pe, jare arete ikavi yae vae pe. Peaɨu añetete vae jare mbɨakatu.”

San Mateo 5:4

Oyerovia ko ipɨatɨtɨ vae reta. Echa Tumpa ombopɨakatu retata.

San Lucas 11:41

Pemee pepɨakatu reve penoigüe paravete vae reta pe. Jókuae rupi ïru vae reta oikuaata ikɨambae ko pepɨa.

Gálatas 2:10

Jaeño jei reta oreve oremaendúa vaerä iparavete vae reta re. Jókuae che ayapoño mai chekɨ̈reɨ reve vae.

DEUTERONOMIO 15:7

Oime yave paravete vae pepɨte pe yandeYa Tumpa omee ɨvɨ pevea pe, agüɨye pepɨa täta pemborɨ vaerä perëtara paravete vae;

DEUTERONOMIO 16:14

Peyerovia kuae arete pe, peraɨ reta jare perayɨ reta, perembiokuai kuimbae jare perembiokuai kuña, Leví iñemuña reta, ketɨgua, tɨ̈reɨ, jare imemano vae yogüɨreko pepɨte pe vae ndive.

DEUTERONOMIO 16:15

Chiu ara peyapo arete yandeYa Tumpa peguarä, jókuae jae oiparavo jee oï pɨpea pe, echa jae iporerekuata peré, opaete pembaagüɨye rupi jare opaete mbae peyapo vae rupi, jare peyerovia yaeta.

Apocalipsis 11:10

Jare ɨvɨ pegua reta oyeroviata jókuae mókoi kuimbae jëogüegüe re. Oyapo retata arete jare omondota oyoupe mbota reta. Echa ndei omano mbove, jókuae mókoi ñeemombeúa reta oiporarauka yae ɨvɨ pegua reta pe.

1 SAMUEL 25:8

Eparandu nderembiokuai reta pe, jare jae reta omombeu kavita ndeve. Kuae jeko pegua romoñera reiparareko vaerä kuae kunumi reta amondo vae, emee oreve mbae renoigüe, echa che nderaɨ rami vi ko.”