ESTER 9:14 - Biblia Guarani Tumpa Iñee

¹⁴ Jare mburuvicha guasu omondo oyeapo vaerä jökorai, Susa pe omee mborookuai jare Amán taɨ reta payandepo reve jetegüe opa oyembosavava.

ESTER 9:14 ပူးပေါင်းရင်းမြစ်များ

ESDRAS 7:13

Che amee kuae mborookuai opaete cheporookuaía pe yogüɨreko tëta Israel pegua vae reta güi, jare isacerdote reta güi, levita reta güi ikɨ̈reɨ ojo nde ndive Jerusalén pe vae, tojo.

ESTER 7:10

Jökorai oeterasa reta Amán ɨvɨra omokätɨro tëi Mardoqueo peguarä vae re. Jökorai mburuvicha guasu iyarasɨ poi.

ESTER 7:9

Jare metei jembiokuai eunuco Harbona jee vae jei mburuvicha guasu pe: —Mase, oime Amán jëta pe oyatɨka ɨvɨra veintidó metro ɨvate vae oeterasa vaerä jese Mardoqueo, jókuae kuimbae omombeu ndeve ndemomburu vae reta regua vae. Jayave mburuvicha guasu jei: —¡Peeterasa jese!

ESTER 9:13

Jare Ester jei: —Mburuvicha guasu pe jaekavi yave, toñemee pɨareve Judáɨgua reta Susa pegua pe añave mborookuai jei rami; jare toyeeterasa payandepo reve Amán taɨ reta jetegüe ɨvɨra re.

ESTER 9:15

Jare Judáɨgua ñogüɨnoi Susa pe vae oyomboatɨ reta vi ara catorce, yasɨ Adar pe, jare oyuka Susa pe tresciento kuimbae reta; ërei mbaetɨ etei imbaembaegüe re opoko reta.

PROVERBIOS 12:7

Tumpa opata omokañɨtei iyoa vae reta, jare ngaraa ye ma yogüɨreko, ërei jupi vae reta, jo pegua reta ndive ngaraa oyemboai.

ECLESIASTÉS 6:3

Yepe mona metei kuimbae güɨnoi cien taɨ, jare oiko ɨma año; ërei ɨma año oiko reve, mbaetɨ yave oyekou opaete mbaembae re ani mbaetɨ oñeotɨ kavi, che jae jókuae nunga pe, michia raɨ okuagüe jërakua kavi yeño jókuae kuimbae güi.

NÚMEROS 24:20

Jare Balaam omae yave tëta Amalec iñemuña reta re, jei ombojaanga reve mbae oasata vae, körai: “Amalec, tëtaguasu reta iñäka; ërei opata okañɨtei kuri jekuae avei pegua.”

Gálatas 3:13

Ërei Cristo yandereepɨ ma mborookuai iyepopeyu güi, echa jae oyemboekouka yanderekovia pe. Echa oyekuatía oï körai: “Tijeko ɨvɨra re osagüɨu omano vae.”