ESTER 8:17 - Biblia Guarani Tumpa Iñee

¹⁷ Opaete tëta ñavo mburuvicha guasu iporookuai ojoa rupi, Judáɨgua reta oyerovia yae jare ipɨakatu, jare oyapo reta arete okaru vaerä jókuae ara. Jare jeta jókuae tëtaɨgua reta oyeapo Judaɨguarä, echa okɨɨye reta Judáɨgua reta güi.

ESTER 8:17 ပူးပေါင်းရင်းမြစ်များ

GÉNESIS 35:5

Jare oë reta ma yave joko güi, Tumpa omee okɨɨye yae vaerä opaete tëta iyɨvɨrigua reta, jare mbaetɨ oaɨkuemoña reta Jacob taɨ reta.

NEHEMÍAS 8:10

Jaɨkue rupi jei chupe reta: “Pekua, peu soo ikɨra kavi vae jare vino jëe kavi vae, jare pemee vi tokaru mbaetɨ güɨnoi vae reta; echa ara oñeñono tee yandeYa pe vae ko; agüɨye pepɨatɨtɨ, echa yandeYa Tumpa pegua yerovia ñanemomɨ̈rata vae ko.”

ESTER 9:19

Jáeramo, Judáɨgua reta yogüɨreko tëta raɨ oñekësembae rupi vae, ara catorce yasɨ Adar pe oyapo reta arete, oyerovia reve jare oyombopota reta mbae pe.

ESTER 9:2

Judáɨgua reta oyomboatɨ tëta ñavo ñogüɨnoia rupi, mburuvicha guasu Asuero iɨvɨ rupi, oñoraro vaerä ikavimbae oyapota tëi chupe reta vae ndive. Jare mbaetɨ kia ipuere oyemboɨ chupe reta, echa ou kɨɨye opaete vae re.

ESTER 9:22

Echa jókuae ara Judáɨgua reta oyepɨ jovaicho reta re, ara jare yasɨ mbɨatɨtɨ pegua oyepoepɨ yerovia katu pe, ara kavi pe; kuae ara oyapo reta okaru vaerä yerovia ndive, oyombopota reve jare omee reve mbae paravete vae reta pe.

ESTER 9:27

Judáɨgua reta ombojee oyapo avei vaerä iyeupe, jare iñemuña reta, jare opaete oyeapota Judaɨguarä vae reta pe: Oasambae reve mókoi ara omboareteta año ñavo;

ESTER 9:3

Jare opaete mburuvicha tëta ñavo ñogüɨnoi vae, ɨvɨ iyangarekoa, sundaro ruvicha jare mburuvicha guasu imborɨa reta, omborɨ Judáɨgua reta; Mardoqueo güi okɨɨye ramo.

SALMOS 105:38

Egiptoɨgua oecha opa ñogüɨnoe yogüɨraja yave, oyerovia reta, echa okɨɨye yae chugüi reta.

SALMOS 18:43

Chereroasayepe tëta iñerarose vae güi, cheñono tëtaguasu reta itenondeguarä. Tëta aikuaambae yeokuai cheve.

ÉXODO 15:16

¡Toa jese reta ñeiämondo jare kɨɨye! ¡Ndeyɨva imbaepuere jeko pegua topɨta reta kïrii ita rami, opa regua oasa ndembae vae reta, cheYa, opa regua oasa ndembae vae reta reyora vae!

DEUTERONOMIO 11:25

Ngaraa etei kia ipuere peré, yandeYa Tumpa oñonota kɨɨye jare orɨrɨi vaerä pegüi opaete ɨvɨ rupi peoa rupi, jae jei peve rami.

DEUTERONOMIO 2:25

Añave güive amboɨpɨta añono kɨɨye rai opaete tëta reta re pegüi; oendu yave peregua, ipɨatɨtɨta jare orɨrɨita pegüi.’

JOSUÉ 2:11

Kuae roendu ramboeve, opaetei rorɨrɨi rokɨɨye güi; mbaetɨ etei mɨ̈rata opɨta metei kuimbae re ave pereko pegua, echa peYa Tumpa, jae ko Tumpa ɨvate ara pe jare kuae ɨvɨ pe.

JOSUÉ 2:9

—Aikuaa peYa ko omee peve kuae ɨvɨ; echa opaete ore rokɨɨye yae pegüi. Opaete kuae tëta guasu pegua reta okɨɨye yae ko ñogüɨnoi pereko pegua.

1 SAMUEL 25:8

Eparandu nderembiokuai reta pe, jare jae reta omombeu kavita ndeve. Kuae jeko pegua romoñera reiparareko vaerä kuae kunumi reta amondo vae, emee oreve mbae renoigüe, echa che nderaɨ rami vi ko.”