ESTER 8:14 - Biblia Guarani Tumpa Iñee

¹⁴ Tupapire jerajaa reta opo kavayu iñäkua yae vae re, jarembae pegua güɨraja mburuvicha guasu mborookuai omee vae; jókuae mborookuai oñemoërakua vi Susa pe, kuae tëta güi mburuvicha reta oporookuai.

ESTER 8:14 ပူးပေါင်းရင်းမြစ်များ

1 REYES 4:28

Jókuae yasɨ vi güeruruka reta cebada jare kapii kavayu reta peguarä, jare kavayu käretou omoata vae reta peguarä.

2 CRÓNICAS 30:6

Jökorai yogüɨraja ñee jerajaa reta opaete Israel rupi jare Judá rupi mburuvicha guasu jare iyɨvɨrigua reta jembikuatía ndive, omoërakua vaerä mburuvicha guasu iporookuai jei reta reve: “Israel iñemuña reta, peyerova ye yandeYa kotɨ, Abraham, Isaac jare Israel iTumpa kotɨ, jare jae oyerova yeta pekotɨ, opaete pe perembɨre mburuvicha guasu reta Asiria pegua ipo güi vae.

NEHEMÍAS 1:1

Jae ko kuae Nehemías, Hacalías taɨ imiari vae regua. Metei ara, Quisleu yasɨ re Artajerjes veinte año ma oiko mburuvicha guasurä yave, che aï tëta Susa pe; kuae tëta güi ko mburuvicha guasu reta oporookuai.

ESTER 1:2

Iporookuaía güɨnoi Susa pe, kuae tëta güi mburuvicha guasu reta oporookuai.

ESTER 2:3

Jare eñono kuimbae reta tëta reta ñavo güi, güɨraja vaerä kuñatai reta maepöra yae vae, ndeiño etei oasa kuimbae ndive vae, o kuña reta pegua pe, tëta Susa mburuvicha guasu jëta pe, eunuco Hegai oyangareko mburuvicha guasu ikuña reta re vae ipo pe, jare joko pe toñemee chupe reta oñemopöra vaerä.

ESTER 3:13

Jare omondo reta tupapire, jerajaa reta ndive opaete tëta reta mburuvicha guasu iporookuaía pegua pe, pɨpe oyókuai opaetei vaerä oyuka jare omokañɨtei opaete Judáɨgua reta jókuae ara voi: Taɨrusu reta, ndechi reta, michia reta jare kuña reta yasɨ Adar pe, jae ko yasɨ docea ara trece pe, oyemombae reve imbaembaegüe reta re.

ESTER 3:14

Jókuae mborookuai oyekuatía oyemondo ɨvɨ ñavo peguarä vae, oñemoërakua opaete tëta reta rupi, oyupavo kavi ñogüɨnoi vaerä jókuae ara peguarä.

ESTER 3:15

Jare tupapire jerajaa reta oë aramoete pegua mburuvicha guasu iporookuai jei rami, kuae mborookuai oñemee Susa pe, kuae tëta güi mburuvicha reta oporookuai. Jare mburuvicha guasu okau Amán ndive ramboeve Susa pegua reta ipɨa kaviä yae ñogüɨnoi.

ESTER 8:13

Kuatía mborookuai oñemoërakua tëta ñavo rupi pɨpe vae, jare oikuaauka opaete pe vae, Judáɨgua reta ñogüɨnoi kavi vaerä jókuae ara, oyepɨ vaerä jovaicho reta re.

ESTER 8:15

Mardoqueo oë mburuvicha guasu oïa güi temimonde mburuvicha pegua jovɨ jare tïi vae ndive, jare äka-regua oro pegua tuicha vae ndive, jare oñeapeva lino pegua pɨ̈ta vae pe. Jayave tëta guasu Susa pegua reta oyerovia yae jare oyekou.

ECLESIASTÉS 9:10

Opaete mbae renoi reyapo vaerä vae, eyapo ndepuere rupi; echa omanogüe reta ñogüɨnoia pe, jókuae reotaa pe, mbaetɨ etei mbae oyeapo, mbaetɨ mbaravɨkɨ, mbaetɨ yemboe tuichagüe, mbaetɨ arakuaa ave.

DANIEL 8:2

Kuae aecha vae pe aïecha tëta Susa pe, jae ko tëta mburuvicha guasu reta iporookuaía ɨvɨ Elam pe, ɨ̈aka Ulai jee vae jembeɨ pe.

1 SAMUEL 21:8

Jare David jei Ahimelec pe: —¿Mbaetɨ pa renoi mii ani kɨsepuku kuae pe? Echa mburuvicha guasu iporookuai jarembae pegua yae jeko pegua, mbaetɨ omee aeka vaerä chekɨsepuku ani cherembiporu ñeraro pegua yepe.