ESTER 4:16 - Biblia Guarani Tumpa Iñee

¹⁶ “Ekua emboatɨ opaete Judáɨgua Susa pe ñogüɨnoi vae, jare peyekuaku tembíu güi cheré, agüɨye pekaru jare peɨu mboapɨ ara, ara rupi jare pɨ̈tu rupi; jökoraita vi che ayapo cherembiokuai kuñatai reta ndive, jare jaɨkue rupi aiketa mburuvicha guasu oïa pe, yepe tëi mbaetɨ mborookuai jökorai; cheyuka yave tacheyuka.”

ESTER 4:16 ပူးပေါင်းရင်းမြစ်များ

GÉNESIS 18:19

Echa aiparavo ko güɨroata vaerä taɨ reta jare opaete iñemuña reta cheporomboe rupi; oyapo reta vaerä jupi vae jare sɨmbi vae; jökorai yave aruta Abraham re opaete arökuavee chupe vae.”

GÉNESIS 43:14

Jare Tumpa imbaepuere yae ete vae tomee mboroparareko jókuae kuimbae pe pekotɨ, jare toyora ye jókuae perɨkeɨ ïru jare kuae Benjamín pe tipɨakavi. Jare mbaetɨta ma cheraɨ reta oyembou ye chekotɨ yave, ¡jökorai toiko!

2 SAMUEL 10:12

Eñemoäta ngatu, ñañemoäta ngatu ñañoraro ñanerëtaguasu re, jare tëta guasu reta pɨpegua Tumpa imbae reta re. ¡Jare yandeYa toyapo jaekavi chupe vae!”

2 REYES 7:4

Yaike yave tëta guasu pe, yandeyukata yɨmbɨaɨ, karuai jeko pegua; jare kuae pe yapɨta yave ñamanota vi. Yaja Siriaɨgua reta jeyupa kotɨ; jae reta omaeño yaikove yave, yaikoveta; ani yandeyuka reta yave, ñamano.

2 CRÓNICAS 20:3

Jayave Josafat okɨɨye; jare oñemomichi reve oparandu yandeYa pe. Jare omoërakuauka opaete Judá pegua reta pe oyekuaku vaerä tembíu güi.

ESDRAS 8:21

Jare jókuae ɨ̈aka Ahava jembeɨ pe royekuaku tembíu güi, roñemomichi vaerä oreTumpa jóvai royavɨ jeko pegua, jare royerure vaerä chupe orereraja kavi vaerä, ore, oremichia reta jare orembaembae reta.

ESTER 4:15

Jare Ester omondo jei Mardoqueo pe:

ESTER 4:17

Jayave Mardoqueo ojo oyapo Ester oyókuai rami.

ESTER 4:3

Jare ɨvɨ oyemboyao vae ñavo rupi mburuvicha guasu omee mborookuai vae ojo oväea pe, Judáɨgua reta ipɨatɨtɨ yae, oyekuaku reta tembíu güi, oyaeo mbɨatɨtɨ ndive; jare jeta amogüe reta jemimonde mbɨatɨtɨ pegua ndive oke tanimbu re.

ESTER 5:1

Jare mboapɨa ara pe Ester oyemonde kavi, jare oike mburuvicha guasu jo joka japɨpe pe, oyemboɨ mburuvicha guasu öke re katu oguapɨ oïa jóvai.

ESTER 9:31

omoañete vaerä kuae ara Purim iara oñemokañɨmaa oï vae, Judáɨgua Mardoqueo jare mburuvicha guasu jembireko Ester oporookuai rami. Jae reta ombojee ma iyeupe jare iñemuña reta pe, oyemomaendúa avei vaerä isapúkai poi mbɨatɨtɨ reve vae re jare oyekuaku poi reta tembíu güi vae re.

ISAÍAS 22:12

Jáeramo, kuae ara yandeYa Imbaepuere yae ete vae, oparea peve reta peyaeo vaerä jare pepɨatɨtɨ vaerä, oparea peve reta peñeapi vaerä jare pemonde reta vaerä temimonde mbɨatɨtɨ pegua.

JEREMÍAS 36:9

Joacim, Josías taɨ, chaúa yasɨ pandepoa año ma oiko mburuvicha guasurä Judá pe yave, oñemoërakua oime vaerä yekuaku tembíu güi yandeYa jóvai, Jerusalén pegua reta peguarä jare opaete ïru tëta guasu reta Judá pegua güi yogüeru Jerusalén pe vae reta peguarä.

DANIEL 2:18

oyerure reta vaerä mboroparareko re Tumpa ara pe oï vae pe, jókuae yaikuaambae vae regua, agüɨye vaerä jae jare iñeïru reta opa oyeyukauka Babilonia pegua ïru yarakuaa katu vae reta ndive.

San Mateo 12:40

Echa Jonás opɨta mboapɨ ara jare mboapɨ pɨ̈tu jókuae jevae tuicha yae vae ɨ rupigua jɨe pe. Jökorai che Kuimbaerä ayeapo vae apɨtata mboapɨ ara jare mboapɨ pɨ̈tu ɨvɨgüɨ pe.

San Lucas 9:24

Echa opaete oipota oñovatu jekove vae, okañɨteita ko. Ërei jókuae omee jekove chereko pegua vae güɨroasayepeta.

San Juan 19:22

Pilato jei: —Kuae aikuatiagüe, aikuatía ma ko.

Hechos 10:7

Araɨgua imiari jae ndive vae ojo ma yave, Cornelio oenɨi mókoi jembiokuai reta jare metei sundaro jupi jare güɨrovia katu vae;

Hechos 20:24

Ërei mbaetɨ akɨɨye. Mbaetɨ aɨu cherekoveño. Jaeño aipota amboapɨ kavi ayerovia reve mbaravɨkɨ yandeYa Jesús omee cheve vae. Echa jae cheokuai chemiari vaerä ñee kavi Tumpa ipɨakavi regua.

Hechos 21:13

Ërei Pablo jei: —¿Maera pa peyaeo jare chembopɨatɨtɨ? Echa mbaetɨ ko añeñono ayepokua vaeräño Jerusalén pe. Aï ko amano vaerä etei yandeYa Jesús jee re.

Hechos 27:33

Jare köe ma ou yave, Pablo omboarakuaa opaete joko pe ñogüɨnoi vae reta okaru vaerä. Jei chupe reta: —Catorce ara ma pekeä, jare mbaetɨ etei mbae ave peu.

Hechos 9:9

Joko pe oï mboapɨ ara mbae ave oechambae reve, mbaetɨ okaru ani ɨ yepe jou.

Romanos 16:4

jae reta oñemoëgua mano pe chereepɨ vaerä. Jáeramo cheñoä amee yasoropai chupe reta, opaete judiombae vae oporogüɨrovia vae reta vi omee yasoropai chupe reta.

Filipenses 2:30

echa Cristo iparavɨkɨ jeko pegua omano seri. Oñemoëgua mano pe oyangareko vaerä cheré perekovia pe, echa pe reta matɨ peï.

JOSUÉ 24:15

Ërei mbaetɨ peipota peyeokuai yandeYa pe yave, peiparavo peyeupe kia pe peyeokuai vaerä; tumpa reta, peñemuñagüe reta oyeokuai ɨ̈aka Éufrates jembeɨ pe yogüɨreko yave vae pe, ani amorreo reta kuae ɨvɨ pe yogüɨreko vae reta itumpa pe. Ërei che jare chero pegua reta ndive royeokuaita yandeYa peño.

1 SAMUEL 19:5

Jae oñemoëgua ko mano pe oyuka yave filisteo Goliat, jare yandeYa güɨroasayepe Israel iñemuña reta jókuae ara jovaicho reta güi, nde etei reecha jare reyerovia remae jese. ¿Maera pa reipota reyuka jekombae reve? ¿Remomburu David mbaetɨ reve oñeväe teko jese?