ESTER 4:14 - Biblia Guarani Tumpa Iñee

¹⁴ Echa kïriiño repɨta kuae ara rupi yave, Judáɨgua reta pe outa ko yemborɨ ïkotɨa güi; ërei ngatu nde jare nerëtara reta opata pekañɨtei. ¡Güɨramoi jaerä nde reyeparavo mburuvicha guasu jembirekorä!

ESTER 4:14 ပူးပေါင်းရင်းမြစ်များ

GÉNESIS 22:14

Abraham ombojee jókuae ɨvɨ: “YandeYa ko omeeta mbae oata vae.” Jáeramo jókuae güive añave rupi jei reta: “YandeYa iɨvɨtɨ re omeeta mbae oata vae.”

2 REYES 13:5

Javoi yandeYa oñono Israel pe metei kuimbae oporoepɨ vae, jökorai Israel iñemuña reta oasayepe Siriaɨgua reta güi; jare yogüɨreko pɨagüive ye jo reta rupi, tenonde rupi rami.

2 REYES 19:3

jei reta vaerä chupe: Körai jei Ezequías: “Kuae ara ko jae mbɨatɨtɨ iara, mbaeporara iara jare yeangao iara; echa kuña imembɨrasɨ oï yave, opa jete jëogüe, jökorai ko roï.

ESDRAS 9:9

Echa tembiokuairä roiko, ërei royeokuai pɨte pe nde oreTumpa mbaetɨ orereeya, nde oreparareko mburuvicha guasu reta Persia pegua jóvai, oremoäta ngatu romopüa pɨau ye vaerä tupao guasu oyemboai vae, ¡oreangareko Judá pe jare Jerusalén pe!

NEHEMÍAS 6:11

Ërei che jae chupe: “¿Kuimbae che rami vae otekuaraita pa? ani, ¿kia che rami vae oiketa pa tupao guasu pe güɨroasayepe vaerä jekove? Ngaraa aike tupao guasu pe.”

ESTER 2:15

Ester, Mardoqueo ombokuakuaa tayɨrä vae, itutɨ Abihail amɨri tayɨgüe, ara oväe ma ou vaerä mburuvicha guasu pɨri yave, mbaetɨ ye mbae oiporu, jaeño eunuco Hegai, kuña reta iyangarekoa jei chupe vae; jare opaete vae ipɨakatu omae Ester re.

ESTER 2:17

Jare mburuvicha guasu oaɨu yae Ester opaete ïru kuña reta güi, ipɨakatu yae jese opaete ïru kuñatai reta ndeiño etei oasa kuimbae ndive vae güi; jare oñono iñäka re äka-regua mburuvicha pegua, jare oyapo jembirekorä, Vasti ipoepɨka pe.

ESTER 2:7

Mardoqueo ombokuakuaa tayɨrä itutɨ tayɨ Hadasa, jae ko Ester, echa tu jare ichɨ omano; jókuae kuñatai ikavi jare ipöra yae.

ESTER 4:13

Jayave Mardoqueo omondo ye jei Ester pe: —Agüɨye eyemongeta ndeño ete reasayepeta ïru judío reta güi, mburuvicha guasu jo pe reï güiño.

ESTER 4:15

Jare Ester omondo jei Mardoqueo pe:

JOB 9:18

mbaetɨ omaeño cheukuai yepe; jeieteño mbɨatɨtɨ omoïru cheve.

ECLESIASTÉS 3:7

Oime ara, mbae yamondoro vaerä, oime vi ara, mbae yambovɨvɨ vaerä. Oime ara, ñanekïrii vaerä, oime vi ara, ñanemiari vaerä.

ISAÍAS 49:23

Mburuvicha guasu reta ñogüɨnoita ndeangareko vaerä, jare tayɨ reta ñogüɨnoita oyangareko vaerä nemichia reta re. Oyetavatɨka retata nderóvai ɨvɨ re ndemboete, jare ndepɨ oipɨte retata. Jare chekuaata che ko jae peYa vae, jare kërai cheré güɨrovia vae reta ngaraa oñemomaraiuka.”

ISAÍAS 54:17

Ngaraa ipuere ndemboai metei ave tembiporu ñeraro pegua oyeapogüe. Remoamɨrita oipotagüe oñemopüa tëi ñeapo rupi ndekotɨ vae. Jökoraita ko opaete cherembiokuai reta, köraita ko oporomoamɨri reta.” Jei yandeYa.

JEREMÍAS 30:11

Che, peYa jae: Aï pe ndive pogüɨroasayepe vaerä. Amboaita opaete tëtaguasu reta jókuae opa pomoai moaia rupigua. Ërei pe mbaetɨta pomboai; jaeño aiporaraukata peve pereko oï rupi; ngaraa poeya peiporarambae.”

JEREMÍAS 46:28

Che peYa jae: Cherembiokuai Jacob agüɨye ekɨɨye, echa che ko aï nde ndive. Amokañɨteita opaete tëtaguasu reta jókuae opa romoai moai jupi vae. Ërei nde mbaetɨta romokañɨtei opaetei, jaeño ronupata ndereko oï rupi, ngaraa roeya reiporarambae.”

LEVÍTICO 26:42

che chemaenduata morogüɨrökuavee päve ayapo Jacob ndive, Isaac ndive, jare Abraham ndive vae re, jare chemaenduata vi peɨvɨ re.

San Mateo 16:18

Jare che vi jae ndeve, nde jae ko Pedro. Jare che etei amopüata cherembiparavo reta kuae ita guasu re, jare mano ngaraa mbaepuere güɨnoi jese reta.

San Mateo 24:22

Jare yandeYa mbaetɨ omboapɨ jókuae ara reta yave, ngaraa etei oime oasayepe vae. Ërei jembiparavo reta jeko pegua omboapɨta jókuae ara reta.

DEUTERONOMIO 32:36

Echa yandeYa oepɨta imbae vae reta, jembiokuai oaɨu jeko pegua oipoepɨta iyemongeta; oecha mbaetɨ ma ipɨ̈rata yave, mbaetɨ ma yave tembipɨɨ ani tembipɨɨmbae.

JUECES 15:6

Filisteo reta omboɨpɨ oparandu kia ra jókuae oyapo vae, jare oikuaa reta Sansón ko oyapo, oyepɨ vaerä jembireko, tu omee tayɨ chugüi Sansón ichëi pe vae jeko pegua yave, yogüɨraja reta opa oapɨ kuña jare tu.

1 SAMUEL 12:22

Echa yandeYa, jae jee re ngaraa oeya imbae vae reta; echa yandeYa oipota pe reta peiko jae imbaerä.

1 SAMUEL 17:29

David jei: —¿Ërei mbae pa ayapo? ¡Aparanduí ko aï!