ESTER 3:13 - Biblia Guarani Tumpa Iñee

¹³ Jare omondo reta tupapire, jerajaa reta ndive opaete tëta reta mburuvicha guasu iporookuaía pegua pe, pɨpe oyókuai opaetei vaerä oyuka jare omokañɨtei opaete Judáɨgua reta jókuae ara voi: Taɨrusu reta, ndechi reta, michia reta jare kuña reta yasɨ Adar pe, jae ko yasɨ docea ara trece pe, oyemombae reve imbaembaegüe reta re.

ESTER 3:13 ပူးပေါင်းရင်းမြစ်များ

2 CRÓNICAS 30:6

Jökorai yogüɨraja ñee jerajaa reta opaete Israel rupi jare Judá rupi mburuvicha guasu jare iyɨvɨrigua reta jembikuatía ndive, omoërakua vaerä mburuvicha guasu iporookuai jei reta reve: “Israel iñemuña reta, peyerova ye yandeYa kotɨ, Abraham, Isaac jare Israel iTumpa kotɨ, jare jae oyerova yeta pekotɨ, opaete pe perembɨre mburuvicha guasu reta Asiria pegua ipo güi vae.

ESTER 7:4

echa che jare cherëtaɨgua reta roñemee roï opa vaerä romano jare opa vaerä rokañɨtei. Tembiokuairä roñemee yave chekïriiñota tëi; ërei jókuae tovaicho oyapogüe ngaraa etei jaekavi mburuvicha guasu iporookuaía peguarä.

ESTER 8:5

Jare jei: —Mburuvicha guasu, jaekavi ndeve yave jare ndepɨakatu chekotɨ, jare aiporu vae rerovia jaekavi yave, jare nde añetete cheraɨu yave, toyekuatía metei mborookuai omboai vaerä Amán, Hamedata taɨ Agag iñemuña oyapogüe, opa vaerä Judáɨgua reta oñemokañɨtei opaete tëta reta rupi vae.

ESTER 9:1

Ara trece, yasɨ docea Adar pe, jae ko ara oyembojee mborookuai mburuvicha guasu jei oyembopo vaerä vae, Judáɨgua jovaicho reta güɨnoi vaerä mbaepuere jese reta, opa vaerä oyuka reta jókuae ara, ërei mbaetɨ jökorai; echa Judáɨgua reta rärii güɨnoi mbaepuere imotareɨa reta re.

ESTER 9:10

Jae ko payandepo Amán taɨ reta Judáɨgua reta jovaicho, Hamedata jɨmɨmino reta, ërei mbaetɨ opoko reta imbaembaegüe re.

ESTER 9:5

Jare kɨsepuku pe Judáɨgua reta opa oyuka jovaicho reta, jeta rupi oyuka jare omokañɨtei reta, oyapo reta ipɨapotaa jovaicho reta pe.

JOB 9:25

Jarembae yae ara reta oasa chegüi, oasa jarembae, mbaetɨ reve aecha ikavi vae.

ISAÍAS 10:6

Amondota jókuae tëtaguasu iyoa vae kotɨ, jókuae tëtaguasu chemboarasɨuka vae kotɨ, opɨ̈ro vaerä chugüi imbaeyekou reta, oñepɨ̈ro vaerä jese, tuyuapo re oñepɨ̈ro rami.

JEREMÍAS 51:31

Oyoaɨkue yoaɨkue oväe tupapire jare ñee jerajaa reta, omombeu vaerä mburuvicha guasu Babilonia pegua pe, jëta guasu opaetei ma oñepɨ̈ro vae.

Romanos 3:15

Osɨi katu oporoyuka vaerä;

Santiago 2:13

Echa kia mbaetɨ oiparareko japicha vae, Tumpa ojäata oipararekombae reve; ërei oporoparareko vae mbaetɨta oñejäa.

1 SAMUEL 15:3

Jáeramo, ekua eporepeña Amalec iñemuña reta re, jare opa emboai opaete mbaembae güɨnoi vae, agüɨye nepïri jese reta; eyuka kuimbae reta, kuña reta, michia reta, jare oa ramo vae reta ave, guaka reta, vecha reta, camello reta jare mburika reta.”

1 SAMUEL 22:19

Jare sacerdote reta jëta Nob jee vae pe oike reta, jare oyuka kuimbae reta, kuña reta, michia okambuño vae reta, güeye, mburika jare vecha reta, opaetei oyuka kɨsepuku pe.