ESTER 3:10 - Biblia Guarani Tumpa Iñee

¹⁰ Jayave mburuvicha guasu oekɨ ipoäka güi moäka-vera mborookuai pegua jare omee Amán, Hamedata taɨ pe, jae ko Agag iñemuña pegua, Judáɨgua reta re oyemboyovaicho vae.

ESTER 3:10 ပူးပေါင်းရင်းမြစ်များ

GÉNESIS 41:42

Jayave Faraón oekɨ ipoäka güi moäka-vera oñono José ipoäka re, jare omboemimondeuka temimonde tïiasɨ yae vae pe jare oñono mboɨ oro pegua iyayu re.

ESTER 3:1

Kuaekuae reta jaɨkue rupi mburuvicha guasu Asuero ombotuicha yae Amán, Hamedata taɨ Agag iñemuña pegua, jare omee oiko vaerä opaete mburuvicha reta itenondeguarä.

ESTER 3:11

Jare jei chupe: —Jókuae korepoti remombeu vae toiko ndembaerä, jaeramiño vi jókuae tëta, eyapo chupe ndepɨapotaa.

ESTER 3:9

Jáeramo nde cheruvicha guasu jaekavi ko ndeve yave, emee mborookuai opa vaerä oñemokañɨtei; jare che tajäa tamee tresciento treinta mil kilo korepoti, ndeveguarä okovara vae reta pe, oñovatu vaerä ndeve.

ESTER 7:6

Ester jei: —¡Tovaicho jare ikavimbae yae oyapo vae, jae ko kuae Amán ipɨapochɨ vae! Jayave Amán jova iyu yae opɨta okɨɨye güi mburuvicha guasu jare jembireko jóvai.

ESTER 8:2

Jare mburuvicha guasu oekɨ ipoäka güi moäka-vera opɨ̈ro ye Amán güi vae jare omee Mardoqueo pe. Jare Ester omee Mardoqueo ipo pe opaete mbaembae Amán imbaegüe.

ESTER 8:8

Peikuatía Judáɨgua reta pe, peikuaa rupi cheree re, jare pemboyeɨ jese chepoäka-vera; echa mborookuai mburuvicha guasu jee re oyekuatía jare ipoäka-vera oyemboyeɨ jese yave, ngaraa ye ma oyemboai.