ESTER 2:13 - Biblia Guarani Tumpa Iñee

¹³ jayave ramo kuñatai ndei omenda vae ou mburuvicha guasu pɨri. Opaete jae oiporu vae oñemee chupe, oñemopöra kavi vaerä pɨpe, jókuae ndive oë vaerä o kuña reta pegua güi ou mburuvicha guasu jo pe.

ESTER 2:13 ပူးပေါင်းရင်းမြစ်များ

ESTER 2:11

Jare Mardoqueo oguata ara ñavo o kuña reta pegua joka jóvai rupi, oikuaa vaerä kërai ra oï Ester, jare kërai ra oyangareko reta jese vae.

ESTER 2:12

Jare ara oväe ou vaerä mburuvicha guasu Asuero pɨri metei ñavo kuñatai ndei omenda vae yave, oasa güire doce yasɨ, mborookuai kuña reta kotɨ jei rami, echa jökorai oñemopöra yogüɨreko ou regua oväe ara; jae ko: Ova yasɨ mbae ikäti kavi vae mirra pegua pe, jare ova yasɨ ïru mbae ikäti kavi vae, jare kuña reta mbae oipichɨ iyé vae pe,

ESTER 2:14

Kaaru yave ou jare ndeimbove yave ojo ye ïru o kuña reta pegua pe, eunuco Saasgaz, mburuvicha guasu kuña güɨrekoiño vae reta iyangarekoa ipo pe; mbaetɨ yeta ma ou mburuvicha guasu pɨri, ërei mburuvicha guasu oipota yave oekauka yeta jee rupi.