ESDRAS 9:8 - Biblia Guarani Tumpa Iñee

⁸ Jare añave michi pegua nde oreYa Tumpa remboyekuaa ndeporoparareko royeyora vaerä mbovɨ ropɨtagüe pe, remee vaerä oreve jókuae ɨvɨ nde rerökuavee oreve vae, remee ye roï kavi pɨau ye vaerä royeokuai pɨte pe.

ESDRAS 9:8 ပူးပေါင်းရင်းမြစ်များ

2 REYES 19:4

Güɨramoi yandeYa Tumpa oendu opaete Rabsaces iñee reta, iya mburuvicha guasu Asiria pegua ombou iñeenguruasɨ katu vaerä Tumpa oikove avei vae kotɨ, oiporarauka vaerä iñee rupi; kuaekuae yandeYa Tumpa oendu. Jáeramo eyerure oimeño opɨtagüe reta re.”

ESDRAS 9:9

Echa tembiokuairä roiko, ërei royeokuai pɨte pe nde oreTumpa mbaetɨ orereeya, nde oreparareko mburuvicha guasu reta Persia pegua jóvai, oremoäta ngatu romopüa pɨau ye vaerä tupao guasu oyemboai vae, ¡oreangareko Judá pe jare Jerusalén pe!

NEHEMÍAS 1:11

Romoñera cheYa Tumpa, añave eyeapɨsaka che nderembiokuai iyerure re, jare ïru nderembiokuai reta iyerure, jae reta oipota omboete nderee; emee añave che nderembiokuai pe toë ikavi mbaembae cheve, jare emeeuka cheve mboroparareko mburuvicha guasu güi.”

NEHEMÍAS 9:31

Ërei ndeporoparareko yae jeko pegua mbaetɨ opa remokañɨtei reta, jare mbaetɨ vi reeya reta; echa nde ko Tumpa oyeaeä vae jare iporoparareko vae.

JOB 33:30

güɨroasayepe mano güi, omaeño oikove.

SALMOS 13:3

CheYa, Tumpa, ¡emae cheré, emaeño tamae tembipe re! ¡Agüɨye tamano!

SALMOS 13:4

¡Agüɨye vaerä cherovaicho jei cheve: “Amoamɨri”! ¡Cherovaicho reta oyeroviata ko, chemoamɨri yave!

SALMOS 138:7

Aiko mbɨatɨtɨ rupi yave, nde remee tekove cheve; cherovaicho reta iyarasɨ chekotɨ vae güi, nde chereroasayepe ndembaepuere pe.

SALMOS 34:5

Omae jese vae reta oyerovia katu, mbaetɨ oñemomaraiuka reta.

SALMOS 85:6

¿Ngaraa ma ra remee roikove ye vaerä, ndembae vae reta oyerovia katu ye vaerä nderé?

PROVERBIOS 29:13

Paravete vae jare imbaeyuvanga vae, oyovakeño ko; opareve pe yandeYa omee tekove.

ECLESIASTÉS 12:11

Yarakuaa vae reta iñee ko ɨvɨra jakuaroviasɨ vae rami, jare clavo oyekutuasɨ mbae re vae rami ko oporomboe vae reta iñee.

ISAÍAS 1:9

Ërei yandeYa Imbaepuere yae ete vae mbaetɨ yave mona oeya mbovɨ yepe yandeve ñemuña, Sodoma jare Gomorra rami ko yapɨtata tëi.

ISAÍAS 14:3

Tëta Israel, yandeYa ndemombutuu opaete mbɨatɨtɨ reta güi, mbaembae reiporara vae güi, jare yeokuaiasɨ katu pe neñono reta vae güi yave,

ISAÍAS 56:5

yepe tëi mbaetɨ taɨ jare tayɨ, ërei che ameeta chupe reta ikavi yae vae, jae ko, jee opɨta vaerä jekuae avei pegua chero pe, chero japɨpe pe; ameeta chupe jee opambae, ngaraa etei oyemboai vae.

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

ISAÍAS 6:13

Jare opɨta yave mbovɨ yepe kuae tëta pe, jókuae jaenunga vi oyemboaita; ërei ngatu ɨvɨra roble jare encina jee vae reta oyeasɨa yave, jekuaeño opɨta iyɨpɨgüe, jökoraita ko opɨta ñemuña reta oñeñono tee vae jembɨregüe.”

JEREMÍAS 42:2

yogüeru jei reta Jeremías pe: —Roiporu ndeve añave, agüɨye neäteɨ oreve: Eyerure ndeYa Tumpa pe oreré, ore mbovɨ ropɨtagüe re. Tenonde yave jeta yae ko roikose, ërei añave mbovɨ yae ropɨta, reecha rami.

JEREMÍAS 44:14

Metei ave ngaraa oasayepe jekove ndive Judá pe jembɨregüe, yogüɨraja Egipto pe yogüɨreko vae reta güi. Ikɨ̈reɨ ye tëi oyerova Judá pe oiko vaerä vae ngaraa ipuere, jaeño amogüe otekuaraigüe.’ ”

EZEQUIEL 14:22

Ërei oimeñota mbovɨ oasayepe vae, kuae reta oëta taɨ reta ndive jare tayɨ reta ndive. Yogüɨraja reta yave pépɨri, peikuaata kërai ko yogüɨreko vae re, ikavimbae oyapo reta vae, jayave pepɨakatuta kañɨtei ikavimbae aru Jerusalén re vae güi.

OSEAS 6:2

Mókoi ara jaɨkue rupi omee yeta tekove yandeve; mboapɨa ara pe yandemoingove yeta, jare yaikoveta jae jóvai.

HABACUC 3:2

CheYa Tumpa, aendu nderegua, jare opaete reyapogüe yave, chepɨakañɨ yae. Tenonde rupi mbae tuichagüe reyapo vae eyapo añave oreve, roikuaa vaerä vi. Eechauka oreve ndeporoparareko, yepe tëi ndearasɨ reve.

SOFONÍAS 3:12

Aeyata ndeve ipɨa omomichi vae jare mbaetɨ ipɨayemboete vae reta, jae reta oyekota chereño.

ZACARÍAS 10:4

Chugüi oëta ita o iguapɨka, etaka o guakapi pegua oñeapɨti jese vae jare güɨrapa ñeraro pegua, jare opaete mburuvicha.

ZACARÍAS 8:12

Echa mbɨakatu oimeta chupe reta: Uva iata, jare ɨvɨ omeeta mbaagüɨye, ara güi oata ɨsápɨi; kuae tëta güi jembɨregüe pe ayapota güɨnoi vaerä opaete kuae.

ZACARÍAS 8:6

Kuae omopɨakañɨ yave kuri jókuae ara rupi, tëta chembae güi jembɨregüe. ¿Cheve mɨakañɨta vi pa kuri?

Romanos 9:27

Jare Isaías jei iñeeäta reve Israel pegua reta re: “Yepe tëi jeta yae ko Israel iñemuña reta, ɨguasu jembeɨ pegua ɨvɨkuitï jeta yae rami, ërei jembɨregüeño ko oyemboasata;

Apocalipsis 3:12

Oporomoamɨri vae añonota cheTumpa jo pe okɨta rami, jare ngaraa etei oë ye. Güɨnoita mbaepuere tuicha vae metei okɨta ipɨ̈rata yae vae rami. Jare aikuatiata jese cheTumpa jee jare jëta guasu Jerusalén ipɨau vae jee ogüeyɨta ara güi cheTumpa ndive vae. Jaeramiño vi aikuatiata jese cheree ipɨau vae.

1 SAMUEL 14:27

Ërei Jonatán mbaetɨ yepe oendu tu jei sundaro reta pe vae, jare ɨvɨra güɨreko ipo pe vae iyapɨ omopöe ei pe, jare jou, jare omopɨ̈rata jou yave.

1 SAMUEL 14:29

Jayave Jonatán jei: —Cheru oyapo ikavimbae kuae sundaro reta pe, pemae cheré kërai mbaetɨ chepɨtu jau ramo michi yepe kuae ei,