ESDRAS 9:7 - Biblia Guarani Tumpa Iñee

⁷ Oreñemuñagüe reta yogüɨreko güive voi ma roiko mbaeyoa rupi, orereko pɨ̈chɨi jeko pegua, ore, oreruvicha guasu reta, jare oresacerdote reta ndive, opa roñemeeuka ïru ɨvɨ pegua mburuvicha guasu reta ipo pe, royeyukauka, royererajauka oreɨvɨ güi, ropɨ̈rouka orembaembae, ñemomarai rupi roiko añave regua.

ESDRAS 9:7 ပူးပေါင်းရင်းမြစ်များ

1 REYES 8:47

jókuae oyererajaa pe oyerova yave ndekotɨ jare omombeu iyoa jare oyapo ko ikavimbae,

2 CRÓNICAS 29:6

Echa peñemuñagüe reta oyembopɨapochɨ, oyapo reta ikavimbae yandeYa Tumpa jesa róvai; oeya reta yandeYa itupao, oyerova reta chugüi.

2 CRÓNICAS 30:7

Agüɨye peyeapo peñemuñagüe reta rami jare perëtara reta rami, oyembopɨapochɨ reta yandeYa kotɨ, iñemuñagüe reta iTumpa kotɨ, jare jae omee opa vaerä oyemboai, pe reta peecha rami.

2 CRÓNICAS 34:24

Körai jei yandeYa: ‘Che aruta kuae tëta re jare yogüɨreko pɨpe vae reta re opaete ikavimbae, kuae tembikuatía pe oyekuatía oï vae reta, mburuvicha guasu Judá pegua jóvai omongeta reta vae.

ESDRAS 9:13

Ërei opaete kuae mbaembae oasa ore ndive orereko ikavimbae jeko pegua, jare oreyoa yae jeko pegua, nde oreTumpa mbaetɨ reiporarauka oreve orereko kavimbae rupi etei, remaeño mbovɨ roikove vaerä.

NEHEMÍAS 9:30

Reropɨa reta ɨma año rupi, jare remboyeandu reta tëi ndeEspíritu rupi, neñeemombeúa reta rupi, ërei mbaetɨ oyeapɨsaka reta; jáeramo, remee tëta ambuae vae reta ipo pe.

ISAÍAS 64:4

Mbaetɨi oyeendu kuae nunga, mbaetɨi oyeecha Tumpa nde rami vae, kërai oyapo avei mbaembae, jese güɨrovia vae reta peguarä vae.

JEREMÍAS 25:18

Amee oɨu jese Jerusalén jare tëta guasu reta Judá pegua, mburuvicha guasu reta jare mburuvicha reta, oyemboai vaerä jare oyeeya vaerä tëtagüerä, oyeyóyai yóyai vaerä, yepopeyurä, añave oasa oï rami.

JEREMÍAS 3:25

Oreropa jare oremara yae, echa orendei güive añave regua, ore jare oreñemuñagüe reta oreyoa nde oreYa Tumpa kotɨ, jare mbaetɨ royapo nde rere vae.”

JEREMÍAS 32:23

Ërei ngatu, jae reta oike ma oñemoëta pɨpe yave, mbaetɨ oendu ndeporookuai reta ani oipota oyapo reta nde reyókuai oyapo vaerä vae. Jáeramo rembou chupe reta opaete kuae susere yavaetegüe.

JEREMÍAS 32:32

opaete ɨvɨ Israel pegua reta jare ɨvɨ Judá pegua reta jembiapo reta ikavimbae rupi chemboarasɨuka vae jeko pegua; jökoraiño vi mburuvicha guasu reta jare mburuvicha reta, sacerdote reta, ñeemombeúa reta jare opaete ɨvɨ Judá pegua reta jare Jerusalén pe yogüɨreko vae reta.

JEREMÍAS 44:22

Ërei yandeYa mbaetɨ ma güɨropɨa pereko kavimbae jare mbaetɨ ipöra chupe peyapogüe. Jáeramo perëtaguasu añave oyemboai oï jare ipoä oï, jare oiko okɨɨye vaerä jare omae kaviä vaerä jese vae jare yepopeyu rupi.

JEREMÍAS 44:9

¿Peäkañɨ ma pa opaete ikavimbae oyapo peñemuñagüe reta vae güi, jare ikavimbae oyapo mburuvicha guasu reta Judá pegua vae jare jembireko reta, jare pe reta etei jare perembireko reta vi oyapo ikavimbae yae vae ɨvɨ Judá pe jare kaye Jerusalén pegua rupi vae güi?

LAMENTACIONES 5:7

Oreñemuñagüe reta iyoa, jare opa ma omano; ërei ore roiporara jae reta iyoa re.

EZEQUIEL 11:9

Aiporaraukata pereko re peve: Pogüɨnoeta kuae tëta guasu güi, jare pomeeta ketɨgua reta ipo pe.

EZEQUIEL 39:23

Jare tëtaguasu reta oikuaata, kërai Israel iñemuña reta oyererajauka tembipɨɨrä iyoa jeko pegua, oyembopɨapochɨ reta chekotɨ ramo che ayerova chugüi reta, amee jovaicho reta ipo pe, jare opaetei omano reta ñeraro pe.

NÚMEROS 32:14

Jare añave pe reta imbaeyoa vae iñemuña reta, pemomoe peru reta jeko, pemoïru vaerä yandeYa iyarasɨ Israel iñemuña reta kotɨ.

1 SAMUEL 12:15

Ërei mbaetɨ peyapo yandeYa iporookuai yave, peñeereenduä yandeYa kotɨ yave, jae oiporaraukata peve jare peruvicha guasu pe, peñemuñagüe reta pe oiporarauka rami.