ESDRAS 9:5 - Biblia Guarani Tumpa Iñee

⁵ jayave ramo apüa chepɨatɨtɨa güi, cheremimonde jare cheñeapevaka osoro reve ayetavatɨka jare ayerure aupi reve chepo cheYa Tumpa pe,

ESDRAS 9:5 ပူးပေါင်းရင်းမြစ်များ

1 REYES 8:22

Jaɨkue rupi Salomón oñeñono mɨmba oyeyuka oyeapɨ jese vae yandeYa imbae jóvai, opaete Israel iñemuña reta yatɨ vae jóvai, jare omopüa ipo ara kotɨ,

1 REYES 8:38

eendu opaete yerure reta kia ñavo oyerure yave, ani opaete ndembae vae Israel güi, oime yave susere; ërei oupi ipo oyerure kuae tupao kotɨ yave. Nde eendu ara pe, jókuae reikoa pe, jare neɨ̈ro chupe; jare emee metei ñavo pe kërai jeko oï rupi, echa ndeño reikuaa kuimbae reta ipɨa iyemongeta.

1 REYES 8:54

Salomón opa oyerure omoñera reve vae yave, opüa jókuae oyetavatɨka oï jókuae mɨmba oyeyuka oyeapɨ jese vae jóvai güi, ipo omopüa oï ara kotɨ vae güi,

2 CRÓNICAS 6:13

Echa Salomón oyapo metei oñemoñee jese vaerä jiero iyu vae pegua, mókoi metro y medio pukugüe jare ipɨgüe, jare metei metro treinta y cinco centímetro ɨvategüe, kuae oñono tupao guasu joka mbɨte pe, jare jókuae re oyetavatɨka Israel iñemuña reta jóvai jare omopüa ipo ara kotɨ jare jei:

NEHEMÍAS 1:4

Aendu yave kuae ñee reta, aguapɨ jare ayaeo; chepɨatɨtɨ mbovɨ ara rupi, ayekuaku tembíu güi jare ayerure Tumpa ara pe oï vae jóvai.

SALMOS 141:2

Cheyeyure tojo nderóvai ikäti kavi vae incienso rami, jare chepo aupi vae, kaaru yave mbota oñemee ndeve vae rami.

SALMOS 143:6

Amopüa chepo ndekotɨ, roeka, ɨvɨ otini yae vae oeka ɨ rami.

SALMOS 95:6

Peyu, yambaemboete jare yayetavatɨka yandetɨndɨasɨ reve; yayetavatɨka yandeApoa yandeYa jóvai.

ÉXODO 9:29

Jare Moisés jei chupe: —Kuae tëta güi aë ñoete aupita chepo ayerure oreYa kotɨ, jare ararɨapu jare amandau osondo vaerä; reikuaa vaerä oreYa ko jae ɨvɨ iya vae.

ÉXODO 9:33

Moisés oë Faraón jóvai güi ñoete, tëta guasu güi ikatu pe yave omopüa ipo, jare oyerure yandeYa pe, jare osondo ararɨapu jare amandau, jare mbaetɨ ye okɨ ɨvɨ iárambo.

ISAÍAS 1:15

Pepo peupi peyerure yave, ngaraa amae peré; yepe tëi jeta peyerure, che ngaraa aendu. Pepo reta tugüɨ yepeai penoi.

DANIEL 10:2

“Jókuae ara rupi che Daniel, chepɨatɨtɨ aiko mboapɨ semana rupi.

San Lucas 22:41

Jayave Jesús osɨrɨ katu chugüi reta, ita oyemombo vae oa ojo ramía pe, jare oyetavatɨka oyerure Tumpa pe.

Hechos 21:5

Jókuae ara reta oasa yave, opaete oporogüɨrovia vae reta jembireko reta jare imichia reta ndive oremoïru reta tëta guasu güi ikatu pe, jayave royetavatɨka ɨembeɨ pe royerure Tumpa pe.

Efesios 3:14

Kuae jeko pegua, che ayetavatɨka yandeYa Jesucristo Tu jóvai.