ESDRAS 9:4 - Biblia Guarani Tumpa Iñee

⁴ Jare oyemboatɨ reta aïa pe opaete okɨɨye Israel iTumpa güi vae, tembipɨɨ güi oyerova ye vae reta oyavɨ oikuaa reve jeko pegua, ërei che chepɨatɨtɨ yae apɨta mɨmba oyeyukagüe oñemee vae iora regua kaaru yave,

ESDRAS 9:4 ပူးပေါင်းရင်းမြစ်များ

2 CRÓNICAS 34:27

echa reyembopɨatɨtɨ jare reñemomichi cheróvai reendu ramboeve kuae tëta re jare pɨpegua reta kotɨ jae vae, nde remondoro nderemimonde ndepɨatɨtɨ güi jare reyaeo ramo cheróvai, che aendu vi ndeve. Jökorai jae che peYa.

ESDRAS 10:3

Añave yayapo morogüɨrökuavee päve ñaneTumpa ndive, romombo vaerä opaete jókuae orerembireko reta jare imembɨ reta ndive, toyembopo kuae mborookuai, nde jare ïru oipoɨu Tumpa iporookuai güi vae reta oremboarakuaa rami.

ESDRAS 10:9

Jökorai opaete kuimbae reta Judá pegua jare Benjamín pegua reta oyemboatɨ mboapɨ araa pe Jerusalén pe, veinte ara chau yasɨa re. Jare opaete oguapɨ reta Tumpa itupao joka pe, orɨrɨi reta okɨɨye güi jare omborɨrɨi reta ama okɨ vae.

SALMOS 119:136

Cheresaɨ oyepɨyere ɨ rami, echa mbaetɨ oyemboete ndeporookuai.

ÉXODO 29:39

Metei emee ndeimbove yave, jare ïru emee kaaru yave.

ÉXODO 29:41

Jare ïru vecha kuimbae taɨrusu vae emee kaaru yave, ndeimbove yave mbota remee rami, jare vino mbota oyepɨyere rami; mbota oyeapɨgüe ipiche katu che peYa pe vae.

ISAÍAS 66:2

¡Che ko ayapo opaete kuae mbaembae, jáeramo ko oime opaete kuaekuae reta! Che, peYa ko jae. Che ayangarekota jókuae kuimbae oyemombaravete jare oñemomichi ipɨa pe vae re, cheñee omboete vae re.

ISAÍAS 66:5

Pe, pemboete yandeYa iñee vae, peendu iñee: “Amogüe, kuae perëta pegua reta pemotareɨ vae, jare opa pemombo iyeugüi reta perovia cheré vae jeko pegua, jare jei reta: ‘Toyekuaa, yandeYa imbaemboetea, omee vaerä peve yerovia.’ Ërei, jae reta oñemomaraiukata opɨta.

EZEQUIEL 9:4

Jare yandeYa jei chupe: “Emboapɨ eguata tëta guasu Jerusalén rupi, jare opaete ipɨatɨtɨ jare oyembopɨaä mbaeyoa oyeapogüe re jókuae tëta guasu pe vae, emokañɨmaa jesɨva pe.”

DANIEL 10:2

“Jókuae ara rupi che Daniel, chepɨatɨtɨ aiko mboapɨ semana rupi.

DANIEL 9:21

Che ayerure aï ramboeve, araɨgua Gabriel, tenonde yave oyekuaa cheve vae, jarembae pegua oveve ou oväe che aïa pe. Kaaru yave Tumpa pe mɨmba oyuka oñemee vae iorata ma yave.

NÚMEROS 25:6

Ërei ngatu metei kuimbae Israel iñemuña reta pegua güeru metei kuña Madián pegua jëtara reta ipɨte pe, Moisés jare opaete Israel iñemuña reta jovake, jae reta oyaeo ramboeve tupao guakapi pegua jöke pe.

Hechos 3:1

Pedro jare Juan yogüɨraja päve tupao pe, Tumpa pe oyerure vaerä, mboapɨ ora ma kaaru yave.