ESDRAS 9:2 - Biblia Guarani Tumpa Iñee

² Echa jae reta jare taɨ reta güɨreko jókuae ɨvɨ pegua reta tayɨ, jökorai Tumpa jembiparavo reta oyea ïru tëta pegua reta ndive. Mburuvicha reta etei tenonde oyapo kuae mbaeyoa.”

ESDRAS 9:2 ပူးပေါင်းရင်းမြစ်များ

GÉNESIS 6:2

Tumpa taɨ reta oecha kuimbae reta tayɨ maepöra yae reta yave, oiparavo reta iyeupe jembirekorä, jae reta oipota vae.

1 REYES 11:1

Faraón tayɨ güi, mburuvicha guasu Salomón oaɨu vi jeta ïru kuña reta ketɨ ketɨgua: moabita reta, Amón-ɨgua reta, Edom-ɨgua reta, Sidón pegua reta jare Het iñemuña reta;

ESDRAS 10:2

Jayave Secanías, Jehiel taɨ, Elam iñemuña pegua jei Esdras pe: “Oreyoa ñaneTumpa kotɨ, echa rogüɨreko ketɨgua kuña reta ïru ɨvɨ pegua, ërei jeseve ipuereño oï kavi ye Israel iñemuña reta.

ESDRAS 9:12

Añave, agüɨye perayɨ reta pemomenda jae reta taɨ ndive, ani jae reta tayɨ peraɨ reta ndive, agüɨye peyapo mbɨakatu jae reta ndive ani jeta mbae güɨnoi reta vae re; jökorai mbaepuere penoi vaerä jare peyekou vaerä jókuae ɨvɨ ipo reta re, jare peeya vaerä peraɨ reta imbaerä jekuae avei pegua.’

ESDRAS 9:14

¿Royavɨ yeta yera ndeporookuai reta, jare roiko ye jeko ikavimbae vae reta ndive? ¿Ngaraa yera ndearasɨ orekotɨ jare opaetei oremokañɨtei?

NEHEMÍAS 13:17

Jayave añeengata mburuvicha Judá pegua reta pe, jare jae chupe reta: —¡Peyapo ko ikavimbae, pemboeteä ramboeve ara mbutuu!

NEHEMÍAS 13:28

Jare metei Joiada taɨ, sacerdote tenondegua Eliasib jɨmɨmino amombo cheɨpɨ güi; jókuae kuimbae ko Sanbalat horonita jovaya.

ÉXODO 19:6

Pe reta peiko teeta sacerdote rami, tëta oñeñono tee cheveguarä vae.” Kuae ñee reta emombeu opaete Israel iñemuña reta pe.

ÉXODO 22:31

Peñeñono tee cheveguarä. Agüɨye peu mɨmba pochɨ vae ñana rupigua jembiagüe; pemombo yaɨmba reta pe.

ÉXODO 34:16

ani tayɨ reta omomenda yave peraɨ reta ndive, jókuae kuña reta omboete yave itumpa reta, omboeteukata vi ko peraɨ reta pe jae reta itumpa reta.

ISAÍAS 6:13

Jare opɨta yave mbovɨ yepe kuae tëta pe, jókuae jaenunga vi oyemboaita; ërei ngatu ɨvɨra roble jare encina jee vae reta oyeasɨa yave, jekuaeño opɨta iyɨpɨgüe, jökoraita ko opɨta ñemuña reta oñeñono tee vae jembɨregüe.”

LEVÍTICO 21:15

agüɨye vaerä omongɨa iñemuña reta, jëtaɨgua reta ipɨte pe; echa che peYa ko añono tee reta.”

MALAQUÍAS 2:11

Judá iñemuña reta oyapo ikavimbae vae, Israel pe jare Jerusalén pe oyeapo pɨ̈chɨi yae vae. Echa Judá iñemuña reta omongɨa tupao guasu yandeYa oaɨu yae vae; jare omenda reta tumpa-raanga imboetea reta tayɨ ndive.

MALAQUÍAS 2:15

Tumpa ko oyapo mókoi vae güi meteiño, güɨnoi jete jare jekove. ¿Maera pa oyapo metei ramiño? Echa oipota tëi ko peñemuña vaerä Tumpa peguaräño. ¡Jáeramo, peñeñovatu agüɨye pembotavɨ perembireko, petaɨrusu güive pemenda jae ndive vae!

1 Corintios 7:14

Echa kuimbae oporogüɨroviambae vae oñeñono tee ko imenda rupi jembireko iporogüɨrovia rupi. Jaeramiño vi kuña oporogüɨroviambae vae ime rupi. Jare oyoeya reta yave, imichia reta ikɨa ko Tumpa jóvai. Ërei añave ikɨambae reta ko.

2 Corintios 6:14

Agüɨye peñemoïru oporogüɨroviambae vae reta ndive. Echa ¿këraita pa mbaejupi oñemoïru mbaejupimbae ndive?, ani ¿këraita pa tembipe oñemoïru pɨtumimbi ndive?

DEUTERONOMIO 14:2

Echa pe tëta oñeñono tee yandeYa Tumpa pe vae ko, jae ko peparavo imbaerä opaete tëta reta ɨvɨ pegua güi.

DEUTERONOMIO 7:6

Echa pe reta ko jae tëta oñeñono tee yandeYa Tumpa peguarä vae; yandeYa Tumpa ko peparavo, peiko vaerä chupeguarä metei tëta ikavi yae vae, opaete ïru tëta reta kuae ɨvɨ pe ñogüɨnoi vae güi.

JOSUÉ 22:15

Opaete kuae reta yogüɨraja Galaad kotɨ, Rubén jare Gad iñemuña reta jare Manasés iñemuña reta oyemboyaogüe ñogüɨnoia pe, jare omomiari reta jei reta reve:

JOSUÉ 23:12

Echa pesɨrɨ jare peñemoïru kuae tëtaguasu reta, pepɨte pe jembɨregüe reta ndive yave, menda rupi peyea yave jae reta ndive, jare jae reta oyea pe reta ndive yave,